ਨੋਟੀਫਿਕੇਸ਼ਨ ਜਾਰੀ ਨਾਮਜ਼ਦਗੀਆਂ ਸ਼ੁਰੂ ਨਤੀਜੇ 4 ਜੁਲਾਈ ਨੂੰ
ਚੰਡੀਗੜ੍ਹ ਝ ਹਰੀਸ਼ ਚੰਦਰ ਬਾਗਾਂ ਵਾਲਾ-ਸੂਬੇ ਵਿੱਚ 13080 ਗਰਾਮ ਪੰਚਾਇਤਾਂ ਦੇ ਸਰਪੰਚਾਂ ਅਤੇ 81412 ਵਾਰਡਾਂ ਦੇ ਪੰਚਾਂ ਦੀਆਂ ਚੋਣਾਂ ਲਈ ਸਟੇਟ ਚੋਣ ਕਮਿਸ਼ਨ ਨੇ ਅੱਜ 19 ਜੂਨ ਨੂੰ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤਾ ਜਿਸ ਨਾਲ ਗਰਾਮ ਪੰਚਾਇਤਾਂ ਦੀਆਂ ਚੋਣਾਂ ਦਾ ਅਮਲ ਸ਼ੁਰੂ ਹੋ ਗਿਆ। ਇਸ ਦੇ ਨਾਲ ਹੀ ਸੂਬੇ ਵਿੱਚ ਆਦਰਸ਼ ਚੋਣ ਜ਼ਾਬਤਾ ਲਾਗੂ ਹੋ ਗਿਆ ਹੈ ਜਿਹੜਾ 4 ਜੁਲਾਈ ਤੱਕ ਲਾਗੂ ਰਹੇਗਾ। ਪਹਿਲੀ ਵਾਰ ਵਾਰਡਬੰਦੀ ਰਾਹੀਂ ਪੰਚਾਂ ਦੀ ਚੋਣ ਹੋਵੇਗੀ ਜਦੋਂ ਕਿ ਸਰਪੰਚਾਂ ਦੀ ਚੋਣ ਸਿੱਧੀ ਹੋਵੇਗੀ।ਸਟੇਟ ਚੋਣ ਕਮਿਸ਼ਨ ਦੇ ਬੁਲਾਰੇ ਵੱਲੋਂ ਦਿੱਤੀ ਜਾਣਕਾਰੀ ਅਨੁਸਾਰ ਸਰਪੰਚ ਤੇ ਪੰਚਾਂ ਦੀਆਂ ਚੋਣਾਂ ਲਈ ਨਾਮਜ਼ਾਦਗੀਆਂ ਅੱਜ 19 ਜੂਨ ਤੋਂ ਸ਼ੁਰੂ ਹੋ ਗਈਆਂ ਹਨ ਅਤੇ ਕਾਗਜ਼ ਦਾਖਲ ਕਰਨ ਦੀ ਆਖਰੀ ਤਾਰੀਕ 22 ਜੂਨ ਹੈ। 24 ਜੂਨ ਨੂੰ ਨਾਮਜ਼ਾਦਗੀਆਂ ਦੀ ਪੜਤਾਲ ਹੋਵੇਗੀ, 25 ਜੂਨ ਤੱਕ ਕਾਗਜ਼ ਵਾਪਸ ਲਏ ਜਾਣਗੇ ਅਤੇ 3 ਜੁਲਾਈ ਨੂੰ ਚੋਣਾਂ ਕਰਵਾਈਆਂ ਜਾਣਗੀਆਂ। 3 ਜੁਲਾਈ ਨੂੰ ਸਵੇਰੇ 8 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਵੋਟਾਂ ਪੈਣਗੀਆਂ ਅਤੇ ਵੋਟਾਂ ਪੈਣ ਉਪਰੰਤ ਉਸੇ ਦਿਨ 3 ਜੁਲਾਈ ਨੂੰ ਵੋਟਾਂ ਦੀ ਗਿਣਤੀ ਹੋਵੇਗੀ। 4 ਜੁਲਾਈ ਨੂੰ ਚੋਣ ਅਮਲ ਨੇਪਰੇ ਚੜ੍ਹੇਗਾ।ਬੁਲਾਰੇ ਨੇ ਇਹ ਸਪੱਸ਼ਟ ਕੀਤਾ ਕਿ ਨੈਗੋਸ਼ੇਇਬਲ ਐਕਟ 1881 ਦੀ ਧਾਰਾ 25 ਤਹਿਤ 22 ਜੂਨ ਨੂੰ ਛੁੱਟੀ ਨਹੀਂ ਹੋਵੇਗੀ ਅਤੇ ਇਸ ਦਿਨ ਨਾਮਜ਼ਾਦਗੀਆਂ ਹਾਸਲ ਕੀਤੀਆਂ ਜਾਣਗੀਆਂ।ਚੋਣ ਜ਼ਾਬਤਾ ਗਰਾਮ ਪੰਚਾਇਤਾਂ ਦੇ ਅਧਿਕਾਰ ਖੇਤਰ ਵਿੱਚ ਹੀ ਲਾਗੂ ਹੋਵੇਗਾ : ਸੂਬੇ ਵਿੱਚ 3 ਜੁਲਾਈ ਨੂੰ ਹੋਣ ਵਾਲੀਆਂ ਗਰਾਮ ਪੰਚਾਇਤਾਂ ਦੀਆਂ ਚੋਣਾਂ ਲਈ ਸਟੇਟ ਚੋਣ ਕਮਿਸ਼ਨ ਵੱਲੋਂ ਆਦਰਸ਼ ਚੋਣ ਜ਼ਾਬਤਾ ਸਖਤੀ ਨਾਲ ਲਾਗੂ ਕਰਨ ਦੇ ਹੁਕਮ ਦਿੱਤੇ ਹਨ। ਆਦਰਸ਼ ਚੋਣ ਜ਼ਾਬਤਾ ਅੱਜ 19 ਜੂਨ ਤੋਂ 4 ਜੁਲਾਈ ਤੱਕ ਲਾਗੂ ਰਹੇਗਾ। 4 ਜੁਲਾਈ ਨੂੰ ਚੋਣ ਅਮਲ ਨੇਪਰੇ ਚੜ੍ਹੇਗਾ।
ਗੰਭੀਰ ਬਿਮਾਰੀ ਸੰਬੰਧੀ ਰਿਪੋਰਟ ਦਿੱਲੀ ਸਰਕਾਰ ਨੇ ਗ੍ਰਹਿ ਮੰਤਰਾਲੇ ਨੂੰ ਭੇਜੀ
ਨਵੀਂ ਦਿੱਲੀ ਅ. ਬ.-ਫਾਂਸੀ ਦੀ ਸਜ਼ਾ ਦਾ ਸਾਹਮਣਾ ਕਰ ਰਹੇ ਪ੍ਰੋ. ਦਵਿੰਦਰ ਪਾਲ ਸਿੰਘ ਭੁੱਲਰ ਦੀ ਫਾਂਸੀ ਟਾਲੇ ਜਾਣ ਦਾ ਅਮਲ ਸ਼ੁਰੂ ਹੋ ਗਿਆ ਹੈ। ਇਸ ਸੰਬੰਧੀ ਭੁੱਲਰ ਦੇ ਮਾਨਸਿਕ ਤੌਰ ’ਤੇ ਬੀਮਾਰ ਰਹਿਣ ਸੰਬੰਧੀ ਮੈਡੀਕਲ ਬੋਰਡ ਦੀ ਰਿਪੋਰਟ ਦੇ ਆਧਾਰ ’ਤੇ ਦਿੱਲੀ ਸਰਕਾਰ ਨੇ ਉਸ ਸੰਬੰਧੀ ਫੈਸਲਾ ਕੇਂਦਰੀ ਗ੍ਰਹਿ ਮੰਤਰਾਲੇ ਨੂੰ ਭੇਜਣ ਦਾ ਫੈਸਲਾ ਕੀਤਾ ਹੈ। ਭੁੱਲਰ ਦੀ ਸਿਹਤ ਦੀ ਜਾਂਚ ਲਈ ਦਿੱਲੀ ਸਰਕਾਰ ਨੇ ਇਕ ਮੈਡੀਕਲ ਬੋਰਡ ਗਠਿਤ ਕੀਤਾ ਸੀ। ਬੋਰਡ ਨੇ ਪਿਛਲੇ ਮਹੀਨੇ ਆਪਣੀ ਰਿਪੋਰਟ ਦਿੱਲੀ ਸਰਕਾਰ ਨੂੰ ਸੌਂਪ ਦਿੱਤੀ। ਰਿਪੋਰਟ ਅਨੁਸਾਰ ਭੁੱਲਰ ਦੀ ਮਾਨਸਿਕ ਸਥਿਤੀ ਠੀਕ ਨਹੀਂ ਹੈ। ਤਿਹਾੜ ਜੇਲ ਦੇ ਇਕ ਅਧਿਕਾਰੀ ਨੇ ਦੱਸਿਆ ਕਿ ਜੇਲ ਦੇ ਨਿਯਮਾਂ ਅਨੁਸਾਰ ਮੌਤ ਦੀ ਸਜ਼ਾ ਸੁਣਾਏ ਗਏ ਦੋਸ਼ੀ ਦੇ ਮਾਨਸਿਕ ਅਤੇ ਸਰੀਰਕ ਰੂਪ ‘ਚ ਸਿਹਤਮੰਦ ਨਾ ਹੋਣ ‘ਤੇ ਉਸ ਨੂੰ ਫਾਂਸੀ ਨਹੀਂ ਦਿੱਤੀ ਜਾ ਸਕਦੀ। ਭੁੱਲਰ ਦਾ ਇਲਾਜ ਕਰ ਰਹੇ ਡਾਕਟਰਾਂ ਦਾ ਕਹਿਣਾ ਹੈ ਕਿ ਉਹ ਮਾਨਸਿਕ ਦਬਾਅ ‘ਚ ਹੈ ਅਤੇ ਉਸ ‘ਚ ਆਤਮ ਹੱਤਿਆ ਕਰਨ ਦੀ ਪ੍ਰਵਿਰਤੀ ਹੈ। ਜ਼ਿਕਰਯੋਗ ਹੈ ਕਿ ਸਤੰਬਰ 1993 ‘ਚ ਹੋਏ ਇਕ ਬੰਬ ਧਮਾਕੇ ਦੇ ਮਾਮਲੇ ‘ਚ ਭੁੱਲਰ ਨੂੰ ਮੌਤ ਦੀ ਸਜ਼ਾ ਸੁਣਾਈ ਗਈ ਹੈ। ਇਸ ਧਮਾਕੇ ‘ਚ 9 ਲੋਕਾਂ ਦੀ ਮੌਤ ਹੋ ਗਈ ਸੀ, ਜਦੋਂ ਕਿ ਉਸ ਸਮੇਂ ਦੇ ਯੂਥ ਕਾਂਗਰਸ ਦੇ ਮੁਖੀ ਐੱਮ. ਐੱਸ. ਬਿੱਟਾ ਸਮੇਤ 25 ਲੋਕ ਜ਼ਖਮੀ ਹੋ ਗਏ ਸਨ। ਦਿੱਲੀ ਸਰਕਾਰ ਦੇ ਸੂਤਰਾਂ ਨੇ ਦੱਸਿਆ ਕਿ ਮੈਡੀਕਲ ਬੋਰਡ ਦੀ ਰਿਪੋਰਟ ਇਸ ਮਹੀਨੇ ਦੀ ਸ਼ੁਰੂਆਤ ‘ਚ ਉਪ ਰਾਜਪਾਲ ਤਜਿੰਦਰ ਖੰਨਾ ਨੂੰ ਭੇਜ ਦਿੱਤੀ ਗਈ ਸੀ। ਉਨ੍ਹਾਂ ਨੇ ਇਹ ਰਿਪੋਰਟ ਤਿਹਾੜ ਜੇਲ ਦੀ ਡਾਇਰੈਕਟਰ ਜਨਰਲ ਵਿਮਲਾ ਮਹਿਰਾ ਨੂੰ ਭੇਜ ਦਿੱਤੀ।
ਸਰਕਾਰ ਦੇ ਪੱਖ ’ਚ 126 ਅਤੇ ਵਿਰੋਧ ’ਚ 24 ਵੋਟਾਂ ਪਈਆਂ
ਪਟਨਾ ਅ. ਬ.-ਬਿਹਾਰ ਦੇ ਮੁੱਖ ਮੰਤਰੀ ਨੀਤੀਸ਼ ਕੁਮਾਰ ਨੇ ਅੱਜ ਵਿਧਾਨ ਸਭਾ ਵਿਚ ਵਿਸ਼ਵਾਸ ਮਤ ਹਾਸਲ ਕਰ ਲਿਆ। ਨੀਤੀਸ਼ ਸਰਕਾਰ ਦੇ ਪੱਖ ਵਿਚ 126 ਅਤੇ ਵਿਰੋਧ ਵਿਚ 24 ਵੋਟਾਂ ਪਈਆਂ। ਮੁੱਖ ਵਿਰੋਧੀ ਭਾਜਪਾ ਦੇ 91 ਵਿਧਾਇਕਾਂ ਦੇ ਵਾਕਆਊਟ ਵਿਚਾਲੇ ਨੀਤੀਸ਼ ਸਰਕਾਰ ਨੇ ਆਪਣਾ ਬਹੁਮਤ ਸਾਬਤ ਕੀਤਾ। ਵਿਧਾਨ ਸਭਾ ਵਿਚ ਸੱਤਾਧਾਰੀ ਜਦ-ਯੂ ਦੇ 118 ਵਿਧਾਇਕ ਹਨ। ਸਰਕਾਰ ਖਿਲਾਫ਼ ਪਈਆਂ 24 ਵੋਟਾਂ ਵਿਚੋਂ 22 ਰਾਜਦ ਅਤੇ ਦੋ ਆਜ਼ਾਦ ਹਨ। ਵਰਣਨਯੋਗ ਹੈ ਕਿ ਰਾਜਗ ਤੋਂ ਅਲੱਗ ਹੋਣ ਅਤੇ ਭਾਜਪਾ ਤੋਂ ਗਠਜੋੜ ਤੋੜਣ ਤੋਂ ਬਾਅਦ ਨੀਤੀਸ਼ ਸਰਕਾਰ ਘੱਟ ਗਿਣਤੀ ਵਿਚ ਆ ਗਈ ਸੀ ਅਤੇ ਐਤਵਾਰ ਨੂੰ ਮੁੱਖ ਮੰਤਰੀ ਨੇ ਰਾਜਪਾਲ ਨੂੰ ਮਿਲ ਕੇ ਅੱਜ ਵਿਧਾਨ ਸਭਾ ਦਾ ਵਿਸ਼ੇਸ਼ ਸੈਸ਼ਨ ਬੁਲਾਉਣ ਦੀ ਅਪੀਲ ਕੀਤੀ ਸੀ ਤਾਂ ਕਿ ਉਹ ਆਪਣਾ ਬਹੁਮਤ ਸਾਬਤ ਕਰ ਸਕਣ। ਲੋਜਪਾ ਅਤੇ ਭਾਕਪਾ ਵਿਧਾਇਕ ਨੇ ਨੀਤੀਸ਼ ਦਾ ਸਮਰਥਨ ਕੀਤਾ।
ਮਨਮੋਹਨ ਸਿੰਘ ਤੇ ਸੋਨੀਆ ਨੇ ਕੀਤਾ ਹਵਾਈ ਦੌਰਾ
ਨਵੀਂ ਦਿੱਲੀ ਝ ਅ. ਬ.-ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਅਤੇ ਕਾਂਗਰਸ ਦੀ ਪ੍ਰਧਾਨ ਸ਼੍ਰੀਮਤੀ ਸੋਨੀਆ ਗਾਂਧੀ ਨੇ ਬੁੱਧਵਾਰ ਨੂੰ ਹੜ੍ਹ ਪੀੜਤ ਉਤਰਾਖੰਡ ਪ੍ਰਦੇਸ਼ ਦਾ ਹਵਾਈ ਸਰਵੇਖਣ ਕੀਤਾ ਅਤੇ ਸੂਬੇ ਦੇ ਹੋਏ ਨੁਕਸਾਨ ਦਾ ਜਾਇਜ਼ਾ ਲਿਆ। ਇਸ ਮੌਕੇ ‘ਤੇ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਨੇ ਕਿਹਾ ਕਿ ਹੜ੍ਹਾਂ ਕਾਰਨ ਬੁਰੀ ਤਰ੍ਹਾਂ ਨਾਲ ਤਬਾਹ ਹੋਏ ਉਤਰਾਖੰਡ ਪ੍ਰਦੇਸ਼ ਨੂੰ 1000 ਕਰੋੜ ਰੁਪਏ ਦਾ ਰਾਹਤ ਪੈਕੇਜ ਦਿੱਤਾ ਜਾਵੇਗਾ ਅਤੇ ਹੋਰ ਵੀ ਸੰਭਵ ਮਦਦ ਪੀੜਤ ਪਰਿਵਾਰਾਂ ਨੂੰ ਪਹੁੰਚਾਈ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਹੜ੍ਹਾਂ ਕਾਰਨ ਮਰਨ ਵਾਲਿਆਂ ਦੇ ਪਰਿਵਾਰ ਵਾਲਿਆਂ ਨੂੰ 2-2 ਲੱਖ ਰੁਪਏ ਦਿੱਤੇ ਜਾਣਗੇ। ਜ਼ਿਕਰਯੋਗ ਹੈ ਕਿ ਪਿਛਲੇ 5-6 ਦਿਨਾਂ ਵਿਚ ਹੋਈ ਜ਼ਬਰਦਸਤ ਬਰਸਾਤ ਕਾਰਨ ਇਸ ਸੂਬੇ ਵਿਚ ਵੱਡੀ ਤਬਾਹੀ ਹੋਈ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਰਾਹਤ ਕੰਮ ਲਈ ਨਿ¤ਜੀ ਹੈਲੀਕਾਪਟਰਾਂ ਦੀ ਵਰਤੋਂ ਲਈ ਜਾਵੇ। ਸ਼੍ਰੀਮਤੀ ਸੋਨੀਆ ਗਾਂਧੀ ਨੇ ਸੂਬੇ ਵਿਚ ਹੋਏ ਨੁਕਸਾਨ ‘ਤੇ ਦੁੱਖ ਪ੍ਰਗਟ ਕਰਦਿਆਂ ਪੀੜਤ ਪਰਿਵਾਰਾਂ ਦੀ ਹਰ ਸੰਭਵ ਮਦਦ ਦਾ ਭਰੋਸਾ ਦਿਵਾਇਆ ਹੈ। ਇਸ ਦੌਰਾਨ ਸੂਬੇ ਦੇ ਨੇਤਾ ਸ਼੍ਰੀ ਵਿਜੇ ਬਹੁਗੁਣਾ ਨੇ ਕਿਹਾ ਕਿ ਰਾਜ ਸਰਕਾਰ ਕੋਲ ਪੈਸੇ ਦੀ ਘਾਟ ਨਹੀਂ ਹੈ ਅਤੇ ਉਹ ਵੀ ਪੀੜਤਾਂ ਦੀ ਹਰ ਤਰ੍ਹਾਂ ਨਾਲ ਮਦਦ ਕਰਨਗੇ।
ਸ੍ਰੀ ਅਨੰਦਪੁਰ ਸਾਹਿਬ ਦਿਨੇਸ਼ ਨੱਢਾ, ਰੈਤ 
ਤਖਤ ਸ੍ਰੀ ਕੇਸਗੜ੍ਹ ਸਾਹਿਬ ਸ੍ਰੀ ਅਨੰਦਪੁਰ ਸਾਹਿਬ ਦੇ ਇਕੱਤਰਤਾ ਹਾਲ ਵਿਖੇ ਅੰਤ੍ਰਿੰਗ ਕਮੇਟੀ ਦੀ ਅਹਿਮ ਬੈਠਕ ਹੋਈ ਜਿਸ ਵਿੱਚ ਟਰੱਸਟ ਵਿਭਾਗ ਤੇ ਅਮਲਾ ਸ਼ਾਖਾ, ਸੈਕਸ਼ਨ (85) ਅਤੇ ਸੈਕਸ਼ਨ (87) ਦੇ ਗੁਰਦੁਆਰਾ ਸਾਹਿਬਾਨ ਨਾਲ ਸਬੰਧਤ ਮਸਲਿਆਂ ਤੇ ਵਿਚਾਰ ਚਰਚਾ ਕੀਤੀ ਗਈ। ਇਕੱਤਰਤਾ ਵਿੱਚ ਸ.ਕੇਵਲ ਸਿੰਘ ਜੂਨੀਅਰ ਮੀਤ ਪ੍ਰਧਾਨ, ਸ.ਸੁਖਦੇਵ ਸਿੰਘ ਭੌਰ ਜਨਰਲ ਸਕੱਤਰ, ਸ.ਰਜਿੰਦਰ ਸਿੰਘ ਮਹਿਤਾ, ਸ.ਗੁਰਬਚਨ ਸਿੰਘ ਕਰਮੂੰਵਾਲ, ਸ.ਰਾਮਪਾਲ ਸਿੰਘ ਬਹਿਣੀਵਾਲ, ਸ.ਕਰਨੈਲ ਸਿੰਘ ਪੰਜੋਲੀ, ਸ.ਨਿਰਮੈਲ ਸਿੰਘ ਜੌਲਾਂ, ਸ.ਮੋਹਨ ਸਿੰਘ ਬੰਗੀ, ਸ.ਸੁਰਜੀਤ ਸਿੰਘ ਗੜ੍ਹੀ, ਸ.ਭਜਨ ਸਿੰਘ ਸ਼ੇਰਗਿੱਲ ਤੇ ਸ.ਮੰਗਲ ਸਿੰਘ ਅੰਤ੍ਰਿੰਗ ਮੈਂਬਰ ਸ਼ਾਮਲ ਹੋਏ। ਇਕੱਤਰਤਾ ਉਪਰੰਤ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਜਥੇਦਾਰ ਅਵਤਾਰ ਸਿੰਘ ਪ੍ਰਧਾਨ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਕਿਹਾ ਕਿ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਆਈ ਕਿਸੇ ਵੀ ਕੁਦਰਤੀ ਆਫਤ ਸਮੇਂ ਲੋੜਵੰਦਾਂ ਦੀ ਮਦਦ ਲਈ ਅੱਗੇ ਆਉਣਾ ਆਪਣਾ ਫਰਜ ਸਮਝਦੀ ਹੈ। ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਉ¤ਤਰਾਖੰਡ ਵਿਖੇ ਲਗਾਤਾਰ ਪੈ ਰਹੀ ਭਾਰੀ ਬਾਰਸ਼ ਕਾਰਨ ਆਏ ਹੜ੍ਹਾਂ ਦੌਰਾਨ ਗੁਰਦੁਆਰਾ ਸ੍ਰੀ ਹੇਮਕੁੰਟ ਸਾਹਿਬ ਦੇ ਦਰਸ਼ਨਾਂ ਲਈ ਗਏ ਸ਼ਰਧਾਲੂ ਅਤੇ ਹੋਰ ਸਥਾਨਕ ਲੋਕਾਂ ਦੇ ਰਸਤੇ ਵਿੱਚ ਫਸ ਜਾਣ ਕਰਕੇ ਉਨ੍ਹਾਂ ਦੀ ਮਦਦ ਲਈ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਸ੍ਰੀ ਅੰਮ੍ਰਿਤਸਰ, ਗੁਰਦੁਆਰਾ ਸਾਹਿਬ ਜੀਂਦ, ਗੁਰਦੁਆਰਾ ਧਮਧਾਨ ਸਾਹਿਬ ਅਤੇ ਗੁਰਦੁਆਰਾ ਕੁਰਕਸ਼ੇਤਰ ਤੋਂ ਲੰਗਰ ਲਈ ਰਾਹਤ ਸਮੱਗਰੀ ਵੱਡੇ ਪੱਧਰ ਤੇ
ਰਾਮਪੁਰਾ ਫੂਲ ਜਸਵੀਰ ਸਿੰਘ ਔਲਖ 
ਉੱਤਰਾਖੰਡ ਵਿੱਚ ਭਾਰੀ ਬਰਸਾਤ ਦੇ ਕਾਰਨ ਹੋਈ ਤਬਾਹੀ ਵਿੱਚ ਫਸੇ ਹਜ਼ਾਰਾਂ ਸ਼ਰਧਾਲੂਆਂ ਵਿੱਚ ਰਾਮਪੁਰਾ ਫੂਲ ਸ਼ਹਿਰ ਦੇ ਅਨੇਕ ਪਰਿਵਾਰ ਵੀ ਸ਼ਾਮਿਲ ਹਨ। ਕੇਦਾਰਨਾਥ ਅਤੇ ਬਦਰੀਨਾਥ ਧਾਮ ਦੀ ਯਾਤਰਾ ਤੇ ਨਿਕਲੇ ਇਨ੍ਹਾਂ ਪਰਿਵਾਰਾਂ ਵਿੱਚ ਅਨੇਕਾਂ ਛੋਟੇ ਬੱਚੇ ਵੀ ਸ਼ਾਮਲ ਹਨ। ਕਈ ਦਿਨਾਂ ਦੀ ਗੁਮਨਾਮੀ ਤੋਂ ਬਾਅਦ ਅੱਜ ਦੁਪਹਿਰ ਉਹਨਾਂ ਸਾਰਿਆਂ ਦੇ ਠੀਕ ਠਾਕ ਹੋਣ ਦੀ ਖ਼ਬਰ ਮਿਲ ਸਕੀ ਹੈ। ਉਕਤ ਸ਼ਰਧਾਲੂਆਂ ਦੇ ਹਾਲੇ ਵੀ ਕਈ ਦਿਨ ਉਥੋਂ ਨਿਕਲਣ ਦੀ ਸੰਭਾਵਨਾ ਨਹੀਂ ਹੈ. ਸ਼ਨੀਵਾਰ 15 ਜੂਨ ਨੂੰ ਕੇਦਾਰਨਾਥ ਮੰਦਰ ਵਿਚੱ ਮੱਥਾ ਟੇਕਣ ਉਪਰੰਤ ਸ਼ਾਮ ਨੂੰ ਜਦੋਂ ਉਹ ਸਾਰੇ ਵਾਪਸ ਉੱਤਰ ਰਹੇ ਸਨ ਤਾਂ ਇੱਕਦਮ ਭਾਰੀ ਮੀਂਹ ਦੇ ਕਾਰਨ ਪਹਾੜ ਆਦਿ ਡਿੱਗਣ ਦੇ ਕਾਰਨ ਉਹ ਰਸਤੇ ਵਿੱਚ ਰੁਕ ਗਏ। 16 ਜੂਨ ਨੂੰ ਸਵੇਰੇ 8 ਵਜੇ ਉਨ੍ਹਾਂ ਫੋਨ ਕਰਕੇ ਆਪਣੇ ਰਸਤੇ ਵਿੱਚ ਫਸੇ ਹੋਣ ਦੀ ਜਾਣਕਾਰੀ ਦਿੱਤੀ ਅਤੇ ਉਸ ਤੋਂ ਬਾਅਦ ਉਹਨਾਂ ਨਾਲ ਸੰਪਰਕ ਟੁੱਟ ਗਿਆ। ਬੀਤੇ ਦੋ ਦਿਨਾਂ ਤੋਂ ਉਹਨਾਂ ਬਾਰੇ ਪਰਿਵਾਰ ਨੂੰ ਕੋਈ ਵੀ ਜਾਣਕਾਰੀ ਨਹੀਂ ਮਿਲ ਸਕੀ। ਲੇਕਿਨ ਮੰਗਲਵਾਰ ਦੁਪਹਿਰ ਰਵੀ ਨੰਦ ਤੇ ਵਿਵੇਕ ਗਰਗ ਨੇ ਫੋਨ ਕਰਕੇ ਸਾਰਿਆਂ ਦੇ ਸਹੀ ਸਲਾਮਤ ਹੋਣ ਦੀ ਜਾਣਕਾਰੀ ਦਿੱਤੀ ਅਤੇ ਨਾਲ ਹੀ ਦੱਸਿਆ ਕਿ ਉਹ ਹਾਲੇ ਵੀ ਕੇਦਾਰਨਾਥ ਮੰਦਰ ਦੇ ਨੇੜੇ ਹੀ ਰੁਕੇ ਹੋਏ ਹਨ। ਉਹਨਾਂ ਦੱਸਿਆ ਕਿ ਸੜਕਾਂ ਆਦਿ ਦੇ ਟੁੱਟਣ ਤੇ ਖਰਾਬ ਮੌਸਮ ਦੇ ਕਾਰਨ ਹਾਲੇ ਵੀ ਤਿੰਨ ਚਾਰ ਦਿਨ ਉਹਨਾਂ ਨੂੰ ਉਥੇ ਹੀ ਰੁਕਣਾ ਪੈ ਸਕਦਾ ਹੈ। ਰਾਮਪੁਰਾ ਨਾਲ ਸੰਬਧਿਤ ਸਾਰਿਆਂ ਸ਼ਰਧਾਲੂਆਂ ਦੇ ਠੀਕ ਠਾਕ ਹੋਣ ਦੀ ਖ਼ਬਰ ਮਿਲਣ ਨਾਲ ਸ਼ਹਿਰ ਦੇ ਲੋਕਾਂ ਨੇ ਭਗਵਾਨ ਦਾ ਸ਼ੁਕਰੀਆ ਅਦਾ ਕੀਤਾ ਹੈ।
ਸੁਖਦੇਵ ਸਿੰਘ
(ਲੜੀ ਜੋੜਨ ਲਈ ਕੱਲ੍ਹ ਦਾ ਅੰਕ ਦੇਖੋ) 
ਭਾਰਤ ਲਈ ਪੂਰਨ ਆਜ਼ਾਦੀ ਦੇ ਵਿਚਾਰ ਦਾ ਨਿਖਾਰ ਲੱਗਭੱਗ 1930 ਵਿੱਚ ਸ਼ੁਰੂ ਹੋਇਆ ਸੀ। ਇਸ ਦੇ ਨਾਲ-ਨਾਲ ਭਾਰਤ ਦੀ ਆਜ਼ਾਦੀ ਤੋਂ ਬਾਅਦ ਦੀ ਰੂਪ ਰੇਖਾ ਦੇ ਚਰਚੇ ਚੱਲੇ। ਉਨ੍ਹਾਂ ਸਾਲਾਂ ਵਿੱਚ ਸਾਰੀਆਂ ਰਾਜਨੀਤਕ ਸਫਾਂ ਅੰਦਰ ਇਹ ਅਹਿਮ ਮੁੱਦਾ ਉ¤ਭਰ ਰਿਹਾ ਸੀ ਕਿ ਆਜ਼ਾਦੀ ਪਿੱਛੋਂ ਕੀ ਭਾਰਤ ਇੱਕ ਇਕਾਈ ਵੱਜੋਂ ਹੀ ਵਿਚਰੇਗਾ ਜਾਂ ਇਹ ਕਈ ਹਿੱਸਿਆਂ ਵਿੱਚ ਵੰਡਿਆ ਜਾਵੇਗਾ? ਕਮਿਊਨਿਸਟ ਪਾਰਟੀ ਦੇ ਚੋਟੀ ਦੇ ਸਿਧਾਂਤਕਾਰ ਡਾ.ਜੀ.ਅਧਿਕਾਰੀ ਨੇ ਸਤੰਬਰ 1942 ਵਿੱਚ ਕਮਿਊਨਿਸਟ ਪਾਰਟੀ ਦੀ ਕੇਂਦਰੀ ਕਮੇਟੀ ਦੇ ਵਿਸਤਰਤ ਪਲੀਨਮ ਵਿੱਚ ਪੇਸ਼ ਕੀਤੀ ਆਪਣੀ ਰਿਪੋਰਟ ਵਿੱਚ ਕਿਹਾ : ‘‘1938 ਤੱਕ ਫਿਰਕੂ ਸਮੱਸਿਆ ਦੀ ਅਸਲੀਅਤ ਸਾਡੀ ਸਮਝ ਤੋਂ ਬਾਹਰ ਸੀ। ਅਸੀਂ ਹਨ੍ਹੇਰੇ ਵਿੱਚ ਹੱਥ ਪੈਰ ਮਾਰ ਰਹੇ ਸੀ, ਪਰ ਮਾਰਚ 1940 ਵਿੱਚ ਜਦ ਮੁਸਲਿਮ ਲੀਗ ਨੇ ਪਾਕਿਸਤਾਨ ਦੇ ਹੱਕ ਵਿੱਚ ਮਤਾ ਪਾਸ ਕੀਤਾ ਤਾਂ ਸਾਨੂੰ ਇਸ ਸਮੱਸਿਆ ਦਾ ਸਪੱਸ਼ਟ ਚਾਨਣ ਹੋਇਆ। 1938 ਵਿੱਚ ਅਸੀਂ ਹੋਰਨਾਂ ਰਾਸ਼ਟਰਵਾਦੀਆਂ ਵਾਂਗ ਇਸ ਸਿਧਾਂਤ ਵਿੱਚ ਉਲਝੇ ਰਹੇ ਕਿ ਭਾਰਤ ਇੱਕ ਕੌਮ ਹੈ ਅਤੇ ਮੁਸਲਮਾਨ ਸਿਰਫ ਇੱਕ ਧਾਰਮਿਕ-ਸੱਭਿਆਚਾਰਕ ਘੱਟ ਗਿਣਤੀ ਹੈ ਅਤੇ ਮੁਸਲਮਾਨਾਂ ਲਈ ਸੱਭਿਆਚਾਰਕ ਅਤੇ ਧਾਰਮਿਕ ਹੱਕਾਂ ਦੀ ਰਾਖੀ ਦੇ ਆਧਾਰ ਤੇ ਕਾਂਗਰਸ ਅਤੇ ਮੁਸਲਿਮ ਲੀਗ ਦਾ ਸਾਂਝਾ ਮੋਰਚਾ ਉਸਾਰਿਆ ਜਾ ਸਕਦਾ ਹੈ।’’ ਕਮਿਊਨਿਸਟ ਪਾਰਟੀ ਨੇ 1943 ਵਿੱਚ ਆਪਣੀ ਪਹਿਲੀ ਕਾਂਗਰਸ ਵਿੱਚ ‘ਪਾਕਿਸਤਾਨ ਅਤੇ ਕੌਮੀ ਏਕਤਾ’ ਦਾ ਮਹੱਤਵਪੂਰਨ ਮਤਾ ਪਾਸ ਕੀਤਾ ਅਤੇ ਇਸ ਬਾਰੇ ਡਾ. ਅਧਿਕਾਰੀ ਦੀ ਰਿਪੋਰਟ ਵੀ ਪ੍ਰਵਾਨ ਕੀਤੀ।
..ਪੁੱਤ ਨੂੰ ਬਚਾਉਣ ਲਈ ਪਿਓ ਨੇ ਗਵਾਈ ਜਾਨ
ਬਠਿੰਡਾ ਝ ਗੌਰਵ ਕਾਲੜਾ-ਘਰੇਲੂ ਝਗੜੇ ਦੇ ਕਾਰਣ ਸ਼ਾਦੀਸ਼ੂਦਾ ਵਿਅਕਤੀ ਵਲੋਂ ਆਪਣੀ ਜੀਵਨ ਲੀਲਾ ਸਮਾਪਤ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ, ਜਦੋਕਿ ਆਉਣ ਵਾਲੀ ਮੌਤ ਤੋਂ ਬੇਖਬਰ ਉਕਤ ਵਿਅਕਤੀ ਦੇ ਪਿਤਾ ਅਤੇ ਭਰਾ ਨੇ ਉਸ ਨੂੰ ਬਚਾਓਣ ਦਾ ਯਤਨ ਕੀਤਾ ਅਤੇ ਖੁੱਦ ਮੌਤ ਦੇ ਮੂੰਹ ਵਿੱਚ ਚਲੇ ਗਏ। ਅੱਜ ਸਵੇਰੇ ਮੋਬਾਇਲ ਫੋਨ ਰਾਹੀਂਸਹਾਰਾ ਨੂੰ ਸੂਚਨਾ ਮਿਲੀ ਕਿ ਝੀਲ ਨੰ: 3 ਵਿੱਚ ਤਿੰਨ ਵਿਅਕਤੀ ਡੁੱਬ ਗਏ ਅਤੇ ਉਨ੍ਹਾਂ ਦੀ ਸਹਾਇਤਾ ਲਈ ਪੁੱਜੋ। ਸੂਚਨਾ ਮਿਲਣ ਤੇ ਸਹਾਰਾ ਵਰਕਰ ਵਿੱਕੀ ਪਾਸ਼ੀ, ਟੇਕ ਚੰਦ, ਸੰਦੀਪ ਗੋਇਲ, ਸੰਦੀਪ ਛੋਟੂ, ਜੱਗਾ ਸਿੰਘ, ਵਿੱਕੀ, ਹਰਬੰਸ ਸਿੰਘ, ਨਿਤੀਸ਼ ਗੋਲੂ, ਓਮ ਪ੍ਰਕਾਸ਼, ਗੁਰਬਿੰਦਰ ਬਿੰਦੀ ਆਦਿ ਮੌਕੇ ਤੇ ਪੁੱਜੇ। ਸਹਾਰਾ ਵਰਕਰਾਂ ਨੇ ਰਾਤ ਦੇ ਹਨੇਰੇ ਵਿੱਚ ਆਪਣੀਆਂ ਜਾਨਾਂ ਦੀ ਪ੍ਰਵਾਹ ਕੀਤੇ ਬਿਨ੍ਹਾਂ ਝੀਲ ਦੇ ਵਿੱਚ ਉੱਤਰੇ ਤੇ ਇੱਕ ਕਿਸ਼ਤੀ ਦੀ ਸਹਾਇਤਾ ਲਈ ਗਈ। ਸਹਾਰਾ ਵਰਕਰਾਂ ਨੇ ਲਗਾਤਾਰ ਸਹਾਇਤਾ ਕਾਰਜ ਜਾਰੀ ਰੱਖੇ। ਸਹਾਰਾ ਵਰਕਰਾਂ ਨੇ ਇੱਕ ਇੱਕ ਕਰਕੇ ਤਿੰਨੇ ਲਾਸ਼ਾਂ ਝੀਲ ਵਿਚੋਂ ਬਾਹਰ ਕੱਢੀਆਂ। ਝੀਲ ਕੋਲ ਲੋਕਾਂ ਦੀ ਭਾਰੀ ਭੀੜ ਜਮ੍ਹਾਂ ਹੋ ਗਈ। ਮੌਕੇ ਤੇ ਡੀ ਐਸ ਪੀ ਦੇਸ਼ ਰਾਜ ਤੇ ਥਾਣਾ ਥਰਮਲ ਦੇ ਐਸ ਐਚ ਓ , ਸਬ ਇਨਸਪੈਕਟਰ ਕਾਬਲ ਸਿੰਘ ਹਾਜ਼ਰ ਸਨ ਤੇ ਰਾਹਤ ਕਾਰਜਾਂ ਦਾ ਨਿਰਿਖਣ ਕਰ ਰਹੇ ਸਨ। ਸੂਤਰਾਂ ਅਨੁਸਾਰ ਮ੍ਰਿਤਤਾਂ ਵਿੱਚੋਂ ਦੋ ਭਰਾ ਤੇ ਉਨ੍ਹਾਂ ਦਾ ਪਿਤਾ ਸ਼ਾਮਲ ਸਨ। ਬੜਾ ਹੀ ਦਰਦਨਾਕ ਦ੍ਰਿਸ਼ ਸੀ ਚਾਰੇ ਪਾਸੇ ਮਾਤਮ ਛਾਇਆ ਸੀ। ਪਰਿਵਾਰਕ ਸੂਤਰਾਂ ਅਨੁਸਾਰ ਮਨੀਸ਼ ਕੁਮਾਰ ਪੁੱਤਰ ਸੁਧਾਕਰ ਜੈਨ। ਮਾਨਸਿਕ ਪ੍ਰੇਸ਼ਾਨੀ ਵਿੱਚ ਰਾਤ ਨੂੰ ਘਰੋਂ ਹੋਮਲੈਂਡ ਕਲੋਨੀ ਵਿਚੋਂ ਨਿੱਕਲਕੇ ਟੀਲ ਨੰ: 3 ਵੱਲ ਤੁਰ ਪਏ, ਪਿੱਛੇ ਉਸ ਦੇ ਛੋਟੇ ਭਰਾ ਤੇ ਪਿਤਾ ਕਾਰ ਲੈਕੇ ਉਸ ਦੇ ਮੰਗਰ ਭੱਜੇ, ਜਦੋਂ ਮਨੀਸ਼ ਝੀਲ ਵਿੱਚ ਛਾਲ ਮਾਰਨ ਲੱਗਿਆ, ਸਾਹਮ
