ਗੁਰੂ ਅਮਰਦਾਸ ਸਕੂਲ ਭਲਾਈਪੁਰ ਜ਼ਿਲ੍ਹੇ ਵਿੱਚੋਂ ਦੂਜੇ ਸਥਾਨ ’ਤੇ ਤਰਨ ਤਾਰਨ, 28 ਜੁਲਾਈ (ਦਾਰਾ ਸਿੰਘ ਪਰਵਾਨਾ)-ਜ਼ਿਲ੍ਹਾ ਸਾਇੰਸ ਸੁਪਰਵਾਈਜ਼ਰ ਸ੍ਰ. ਤੇਜਿੰਦਰ ਸਿੰਘ ਦੀ ਨਿਗਰਾਨੀ ਹੇਠ ਜ਼ਿਲ੍ਹਾ ਤਰਨ ਤਾਰਨ ਦੇ ਸਕੂਲਾਂ ਦੇ ਸਾਇੰਸ ਭਾਸ਼ਣ ਮੁਕਾਬਲੇ ਸਿੱਿਖਆ ਵਿਭਾਗ ਵੱਲੋਂ ਸੀਨੀਅਰ ਸੈਕੰਡਰੀ ਸਕੂਲ ਝਾਮਕਾ ਵਿਖੇ ਪਿਛਲੇ ਦਿਨੀਂ ਕਰਵਾਏ ਗਏ, ਜਿਸ ਵਿੱਚ ਵੱਖ-ਵੱਖ ਤਹਿਸੀਲਾਂ ਦੇ ਜੇਤੂ ਵਿਦਿਆਰਥੀਆਂ ਨੇ ਭਾਗ ਲਿਆ। ਇਨ੍ਹਾਂ ਮੁਕਾਬਲਿਆਂ ’ਚੋਂ ਸ੍ਰੀ ਗੁਰੂ ਅਮਰਦਾਸ ਪਬਲਿਕ ਸਕੂਲ ਭਲਾਈਪੁਰ ਡੋਗਰਾ ਦੀ ਵਿਦਿਆਰਥਣ ਜਗਦੀਪ ਕੌਰ ਨੇ ਜ਼ਿਲ੍ਹੇ ਵਿੱਚੋਂ ਸਾਇੰਸ ਮੁਕਾਬਲਿਆਂ ਵਿੱਚ ਦੂਜਾ ਸਥਾਨ ਪ੍ਰਾਪਤ ਕਰਕੇ ਉਪਰੋਕਤ ਸੰਸਥਾ ਦਾ ਨਾਂਅ ਰੌਸ਼ਨ ਕੀਤਾ। ਪ੍ਰੈੱਸ ਨੂੰ ਇਸ ਦੀ ਜਾਣਕਾਰੀ ਦਿੰਦੇ ਹੋਏ ਪ੍ਰਿੰਸੀਪਲ ਮੈਡਮ ਜਗਪ੍ਰੀਤ ਕੌਰ ਨੇ ਦੱਸਿਆ ਕਿ ਸਾਡਾ ਸਕੂਲ ਪਹਿਲਾਂ ਵੀ ਨੈਸ਼ਨਲ ਪੱਧਰ ’ਤੇ ਜਿੱਤਾਂ ਪ੍ਰਾਪਤ ਕਰ ਚੁੱਕਾ ਹੈ ਅਤੇ ਪੂਰੀ ਆਸ ਹੈ ਕਿ ਇਸ ਸਾਲ ਵੀ ਨੈਸ਼ਨਲ ਪੱਧਰ ’ਤੇ ਪਹੁੰਚ ਕੇ ਸੰਸਥਾ ਨੂੰ ਮਾਣ ਦਿਵਾਏਗਾ। ਇਸ ਮੌਕੇ ਪ੍ਰਿੰਸੀਪਲ ਮੈਡਮ ਨੇ ਸਾਇੰਸ ਅਧਿਆਪਕ ਬਲਜੀਤ ਸਿੰਘ ਦੀਆਂ ਇਨ੍ਹਾਂ ਪ੍ਰਾਪਤੀਆਂ ਲਈ ਸ਼ਲਾਘਾ ਕੀਤੀ।
ਸਕੀਮਾਂ ਨੂੰ ਹੇਠਲੇ ਪੱਧਰ ਤੱਕ ਲਾਗੂ ਕਰਨ ਦੀ ਲੋੜ ਤਰਨ ਤਾਰਨ, 28 ਜੁਲਾਈ (ਦਾਰਾ ਸਿੰਘ ਪਰਵਾਨਾ)-ਸ੍ਰ. ਮਹਿੰਦਰ ਪਾਲ ਸਿੰਘ ਵਧੀਕ ਡਿਪਟੀ ਕਮਿਸ਼ਨਰ ਵਿਕਾਸ ਤਰਨ ਤਾਰਨ ਦੀ ਪ੍ਰਧਾਨਗੀ ਹੇਠ ਹੋਈ ਸਹਿਕਾਰੀ ਸਭਾਵਾਂ ਸ਼ਹਿਰੀ ਮੁੱਢਲਾ ਢਾਂਚਾ ਅਤੇ ਫੂਡ ਸਪਲਾਈ ਵਿਭਾਗ ਦੀਆਂ ਜ਼ਿਲ੍ਹਾ ਸਲਾਹਕਾਰ ਕਮੇਟੀਆਂ ਦੀਆਂ ਹੋਈਆਂ ਮੀਟਿੰਗਾਂ ਦੌਰਾਨ ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਮੀਟਿੰਗਾਂ ਦਾ ਉਦੇਸ਼ ਸਰਕਾਰੀ ਨੀਤੀਆਂ ਨੂੰ ਹੇਠਲੇ ਪੱਧਰ ’ਤੇ ਪਾਰਦਰਸ਼ਤਾ ਨਾਲ ਲਾਗੂ ਕਰਨਾ ਅਤੇ ਇਲਾਕੇ ਦੇ ਜ਼ਿੰਮੇਵਾਰ ਅਗਾਂਹਵਧੂ ਨੁਮਾਇੰਦਿਆਂ ਨੂੰ ਪ੍ਰਸ਼ਾਸਨ ਦੇ ਕੰਮਾਂਕਾਰਾਂ ਵਿੱਚ ਬੇਹਤਰੀ ਲਿਆਉਣ ਲਈ ਸਹਿਯੋਗ ਬਣਾਉਣਾ ਵੀ ਹੈ।
ਤਾਂਤਰਿਕ ਔਰਤ ਨੂੰ ਮੁਆਫ਼ੀ ਮੰਗ ਕੇ ਜਾਨ ਛੁਡਾਉਣੀ ਪਈ ਤਰਨਤਾਰਨ, ਲੌਹਕਾ, 28 ਜੁਲਾਈ (ਪਰਵਾਨਾ, ਗੁਰਦਿੱਤ ਸਿੰਘ)-ਅੱਜ ਦੇ ਵਿਗਿਆਨਕ ਯੁਗ ਵਿੱਚ ਜਿਥੇ ਵਿਗਿਆਨ ਤਰੱਕੀ ਦੀਆਂ ਸਿਖਰਾਂ ’ਤੇ ਹੈ, ਉਥੇ ਆਮ ਜਨਤਾ ਪਾਖੰਡੀ ਸਾਧਾਂ ਤਾਂਤਰਿਕਾਂ, ਮੀਆਂ ਨੇ ਜੋਤਸ਼ੀਆਂ ਦੁਆਰਾ ਫੈਲਾਏ ਜਾ ਰਹੇ ਅੰਧ ਵਿਸ਼ਵਾਸ ਦੀ ਦਲਦਲ ’ਚ ਇੰਨੀ ਫਸੀ ਹੋਈ ਹੈ ਕਿ ਉਨ੍ਹਾਂ ਦੀ ਗੱਲ ਨੂੰ ਸੱਚ ਸਮਝਦੇ ਹੋਏ ਸਮਾਜਿਕ ਕਦਰਾਂ-ਕੀਮਤਾਂ ਤੇ ਰਿਸ਼ਤੇਦਾਰੀਆਂ ਦੀ ਵੀ ਪ੍ਰਵਾਹ ਨਹੀਂ ਕਰਦੇ। ਠੀਕ ਇਸੇ ਤਰ੍ਹਾਂ ਦੀ ਘਟਨਾ ਬਾਰੇ ਦਵਿੰਦਰਜੀਤ ਕੌਰ ਵਾਸੀ ਅੰਮ੍ਰਿਤਸਰ ਨੇ ਤਰਕਸ਼ੀਲ ਸੁਸਾਇਟੀ ਇਕਾਈ ਤਰਨ ਤਾਰਨ ਨੂੰ ਹਲਫੀਆ ਬਿਆਨ ਰਾਹੀਂ ਦੱਸਿਆ ਕਿ ਪਿੰਡ ਬਹਿਲਾ ਦੀ ਤਾਂਤਰਿਕ ਔਰਤ ਜੋ ਆਪਣੇ-ਆਪ ਨੂੰ ਆਪਣੇ ’ਚ ਬਾਬੇ ਦੀ ਰੂਹ ਆਉਣ ਦਾ ਪਾਖੰਡ ਕਰਦੀ ਹੈ, ਨੇ ਉਨ੍ਹਾਂ ਦੇ ਘਰ ਵਿਚ ਇਕ ਦੂਸਰੇ ਉਪਰ ਤਰ੍ਹਾਂ-ਤਰ੍ਹਾਂ ਦੇ ਇਲਜਾਮ ਲਗਾ ਕੇ ਲੜਾਈ ਪਾਈ ਹੋਈ ਹੈ। ਜਿਸ ਕਰਕੇ ਉਸ ਦੇ ਪੇਕਿਆਂ ਤੇ ਸਹੁਰੇ
Read More..
ਟ੍ਰੈਫਿਕ ਪੁਲਿਸ ਨੇ ਵਹੀਕਲਾਂ ਦੇ ਚਲਾਨ ਕੱਟੇ ਤਰਨ ਤਾਰਨ, 28 ਜੁਲਾਈ (ਗੁਰਦਿੱਤ ਸਿੰਘ, ਦਾਰਾ ਸਿੰਘ ਪਰਵਾਨਾ)-ਅੱਜ ਟ੍ਰੈਫਿਕ ਪੁਲਿਸ ਵੱਲੋਂ ਬਾਹਮੀ ਵਾਲਾ ਚੌਕ ਪੱਟੀ ਵਿਖੇ ਲਗਾਏ ਗਏ ਨਾਕੇ ਦੌਰਾਨ ਵਹੀਕਲਾਂ ਦੇ ਚਲਾਨ ਕੱਟੇ ਗਏ। ਇਸ ਮੌਕੇ ਟ੍ਰੈਫਿਕ ਇੰਚਾਰਜ ਐੱਸ.ਆਈ. ਸ੍ਰ. ਪ੍ਰਗਟ ਸਿੰਘ ਨੇ ਦੱਸਿਆ ਕਿ ਮਹਿਕਮੇ ਦੀਆਂ ਹਦਾਇਤਾਂ ਅਨੁਸਾਰ ਮੌਕੇ ’ਤੇ ਭੁਗਤਾਨ ਵਾਲੇ ਚਲਾਨ ਕੱਟੇ ਗਏ। ਉਨ੍ਹਾਂ ਦੱਸਿਆ ਕਿ ਚਲਾਨਾਂ ਵਿੱਚ ਡਰਾਈਵਿੰਗ ਕਰਦੇ ਸਮੇਂ ਮੋਬਾਇਲ ਸੁਣਨਾ, ਬੈਲਟ ਨਾ ਲਗਾਉਣਾ, ਹੈਲਮੈਟ ਨਾ ਪਾਉਣਾ, ਟਰਿੱਪਲ ਸਵਾਰੀ ਜਾਂ ਕਾਗਜ਼ ਪੂਰੇ ਨਾ ਹੋਣ ਮੌਕੇ ਉਪਰ ਇੱਕ ਚਲਾਨ ਦਾ 100 ਰੁਪਏ ਜੁਰਮਾਨਾ ਪਾਇਆ ਗਿਆ। ਇਸ ਮੌਕੇ ਏ.ਐੱਸ.ਆਈ. ਸ੍ਰ. ਬਲਰਾਜ ਸਿੰਘ, ਹੌਲਦਾਰ ਹਰਜਿੰਦਰ ਸਿੰਘ, ਹੌਲਦਾਰ ਹਰਭੇਜ ਸਿੰਘ ਮੌਜੂਦ ਸਨ। ਇਸ ਮੌਕੇ ਟ੍ਰੈਫਿਕ ਪੁਲਸ ਵੱਲੋਂ ਕੁੱਲ ਪੰਦਰਾਂ ਚਲਾਨ ਕੱਟੇ ਗਏ।
ਪੇਂਡੂ ਪਿਛੋਕੜ ਵਾਲੇ ਬੱਚਿਆਂ ਨੂੰ ਪੜਾਉਣ ਲਈ ਸੈਂਟਰ ਵਿਚ ਦਾਖਲੇ ਲਈ ਮੈਰਿਟ ਸੂਚੀ ਜਾਰੀ ਅੰਮ੍ਰਿਤਸਰ, 28 ਜੁਲਾਈ (ਸ.ਰ.)- ਅੰਮ੍ਰਿਤਸਰ ਦੇ ਖ਼ਾਲਸਾ ਕਾਲਜ ਪਬਲਿਕ ਸਕੂਲ ਵਿਚ ਪੇਂਡੂ ਪਿਛੋਕੜ ਵਾਲੇ ਬੱਚਿਆਂ ਨੂੰ ਮਿਆਰੀ ਸਿੱਖਿਆ ਦੇਣ ਅਤੇ ਆਈ.ਆਈ.ਟੀਜ਼ ਵਿਚ ਦਾਖਲਾ ਲੈਣ ਲਈ ਦਾਖਲਾ ਪ੍ਰੀਖਿਆ ਦੀ ਤਿਆਰੀ ਕਰਵਾਉਣ ਵਾਸਤੇ ਪ੍ਰੋਗ੍ਰੈਸਿਵ ਐਜੂਕੇਸ਼ਨਲ ਸੋਸਾਇਟੀ ਵੱਲੋਂ ਖੋਲ੍ਹੇ ਗਏ ਸੈਂਟਰ ਵੱਲੋਂ ਲਈ ਗਈ ਦਾਖਲਾ ਪ੍ਰੀਖਿਆ ਦੀ ਮੈਰਿਟ ਸੂਚੀ ਜਾਰੀ ਕਰ ਦਿੱਤੀ ਗਈ ਹੈ। ਇਸ ਪ੍ਰੀਖਿਆ ਵਿਚ ਹਰਦੀਪ ਕੌਰ (ਰੋਲ ਨੰਬਰ 1026) ਅਤੇ ਮਾਨਿਕ ਜੈਨ (ਰੋਲ ਨੰਬਰ 1161) ਨੇ ਸਾਂਝੇ ਤੌਰ ’ਤੇ 74 ਅੰਕ ਪ੍ਰਾਪਤ ਕੀਤੇ। ਇਸੇ ਤਰ੍ਹਾਂ ਮਿਸ ਗਜ਼ਲ ਗੁਪਤਾ (ਰੋਲ ਨੰਬਰ 1052) ਅਤੇ ਗੁਰਲੀਨ ਸਿੰਘ (ਰੋਲ ਨੰਬਰ 1130) ਨੇ ਸਾਂਝੇ ਤੌਰ ’ਤੇ 72 ਅੰਕ ਪ੍ਰਾਪਤ ਕੀਤੇ ਹਨ। ਪ੍ਰੋਗ੍ਰੈਸਿਵ ਐਜੂਕੇਸ਼ਨਲ ਸੋਸਾਇਟੀ ਦੇ ਚੇਅਰਮੈਨ ਤੇ ਯੂਨੀਵਰਸਿਟੀ ਦੇ ਵਾਈਸ-ਚਾਂਸਲਰ, ਪ੍ਰੋਫੈਸਰ ਅਜਾਇਬ ਸਿੰਘ ਬਰਾੜ ਨੇ ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਸ ਦਾਖਲਾ ਪ੍ਰੀਖਿਆ ’ਚ ਸਫ਼ਲ ਹੋਏ 66 ਵਿਦਿਆਰਥੀਆਂ ਦੀ ਸੂਚੀ ਜਾਰੀ ਕਰ ਦਿੱਤੀ ਗਈ ਹੈ। ਉਨ੍ਹਾਂ ਵਿਦਿਆਰਥੀਆਂ ਨੂੰ ਹਦਾਇਤ ਕੀਤੀ ਹੈ ਕਿ ਉਹ 31 ਜੁਲਾਈ ਨੂੰ ਸਵੇਰੇ 10.00 ਵਜੇ ਯੂਨੀਵਰਸਿਟੀ ਦੇ ਗੁਰੂ ਨਾਨਕ ਭਵਨ ਦੇ ਕਾਨਫਰੰਸ ਹਾਲ ਵਿਖੇ ਕੌਂਸਲੰਿਗ ਲਈ ਪਹੁੰਚਣ।
ਲੋਕਾਂ ਨੇ ਖੁਦ ਹੀ ਕੀਤਾ ਓਵਰ ਬ੍ਰਿਜ ਦਾ ਉਦਘਾਟਨ ਬਟਾਲਾ, 28 ਜੁਲਾਈ (ਦਵਿੰਦਰ ਸਿੰਘ ਨੂਰ)-ਸਥਾਨਿਕ ਡੇਰਾ ਬਾਬਾ ਨਾਨਕ ਰੋਡ ’ਤੇ ਰੇਲਵੇ ਫਾਟਕ ਤੇ ਪਿਛਲੇ ਚਾਰ ਸਾਲਾਂ ਤੋਂ ਬਣ ਰਿਹਾ ਓਵਰ ਬ੍ਰਿਜ ਬਣ ਕੇ ਤਿਆਰ ਹੈ। ਪਰ ਅਫਸੋਸ ਦੀ ਗੱਲ ਹੈ ਕਿ ਇੱਕ ਸਾਲ ਵਿੱਚ ਬਣ੍ਵ ਵਾਲਾ ਪੁਲ ਲੱਗਭੱਗ ਚਾਰ ਸਾਲਾਂ ਵਿੱਚ ਤਿਆਰ ਕੀਤਾ ਗਿਆ। ਪਰ ਜਨਤਾ ਹੁਣ ਇਸ ਗੱਲ ਨੂੰ ਲੈ ਕੇ ਪ੍ਰੇਸ਼ਾਨ ਹੈ ਕਿ ਇੱਕ ਸਾਲ ਦਾ ਕੰਮ ਚਾਰ ਸਾਲਾਂ ਵਿਚ ਮੁਕੰਮਲ ਹੋਇਆ, ਹੁਣ ਪਤਾ ਨਹੀਂ ਇਸ ਦਾ ਸ੍ਰੀ ਗਣੇਸ਼ ਕਦੋਂ ਅਤੇ ਕੌਣ ਕਰੇਗਾ, ਪਰ ਇਸ ਦੇ ਉਦਘਾਟਨ ਦੇ ਲਈ ਕਿਸੇ ਉ¤ਚ ਅਧਿਕਾਰੀ ਕੋਲ ਸਮਾਂ ਨਾ ਹੋਣ ਕਰਕੇ ਜਨਤਾ ਨੂੰ ਹੋਰ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਸ ਲਈ ਜਨਤਾ ਲੰਬੇ ਸਮੇਂ ਤੱਕ ਦੀ ਪ੍ਰੇਸ਼ਾਨੀ ਤੋਂ ਤੰਗ ਹੋਣ ਕਰਕੇ ਅੱਜ ਉਨ੍ਹਾਂ ਲੋਕਾਂ ਨੇ ਆਪ ਹੀ ਇਸ ਪੁਲ ਦਾ ਸ੍ਰੀਗਣੇਸ਼ ਕਰਕੇ ਇਹ ਸਾਬਤ ਕਰ ਦਿੱਤਾ ਕਿ ਜੇ ਕਿਸੇ ਅਧਿਕਾਰੀ ਕੋਲ ਪੁੱਲ ਦੇ ਉਦਘਾਟਨ ਦਾ ਸਮਾਂ ਨਹੀਂ ਹੈ ਤਾਂ ਜਨਤਾ ਆਪ ਹੀ ਅਜਿਹੇ ਕੰਮ ਕਰਨ ਦਾ ਬਲ ਰੱਖਦੀ ਹੈ। ਅੱਜ ਜਨਤਾ ਨੇ ਆਪ ਹੀ ਇਸ ਪੁਲ ਤੋਂ ਲੰਘਣਾ ਸ਼ੁਰੂ ਕੀਤਾ ਹੈ। ਸ਼ਾਇਦ ਇਸ ਮਾਹੌਲ ਨੂੰ ਦੇਖ ਕੇ ਹੀ ਕਿਸੇ ਅਧਿਕਾਰੀ ਕੋਲ ਇਸ ਪੁਲ ਦੇ ਉਦਘਾਟਨ ਕਰਨ ਦਾ ਸਮਾਂ ਨਿਕਲ ਜਾਵੇ।
ਵਾਤਾਵਰਣ ਸੰਭਾਲ ਅਤੇ ਨਸ਼ਾਮੁਕਤੀ ਦਾ ਮਹਾਂਕੁੰਭ ਪਹਿਲੀ ਨੂੰ ਖਡੂਰ ਸਾਹਿਬ ਵਿਖੇ- ਬੀ. ਕੇ. ਸ੍ਰੀਵਾਸਤਵਾ ਅੰਮ੍ਰਿਤਸਰ, 27 ਜੁਲਾਈ (ਮੋਤਾ ਸਿੰਘ) ਮਹਾਤਮਾ ਗਾਂਧੀ ਰਾਜ ਲੋਕ ਪ੍ਰਸਾਸ਼ਨ ਸੰਸਥਾ ਦੇ ਡਾਇਰੈਕਟਰ ਜਨਰਲ ਸ੍ਰੀ ਬੀ:ਕੇ:ਸ੍ਰੀਵਾਸਤਵਾ ਨੇ ਅੱਜ ਇਥੇ ਦੋ ਪ੍ਰਸਿੱਧ ਵਾਤਾਵਰਣ ਪ੍ਰੇਮੀਆਂ ਪਦਮਸ੍ਰੀ ਸੰਤ ਸੇਵਾ ਸਿੰਘ ਖਡੂਰ ਸਾਹਿਬ ਵਾਲੇ ਅਤੇ ਸੰਤ ਬਾਬਾ ਬਲਬੀਰ ਸਿੰਘ ਸੀਚੇਵਾਲ ਦੀ ਮੌਜੂਦਗੀ ਵਿੱਚ ਇਕ ਸਾਂਝੇ ਪੱਤਰਕਾਰ ਸੰਮੇਲਨ ਨੂੰ ਸੰਬੋਧਨ ਕਰਦਿਆਂ ਦੱਸਿਆ ਕਿ ਮਹਾਤਮਾ ਗਾਂਧੀ ਲੋਕ ਰਾਜ ਸੰਸਥਾਨ ਅਤੇ ਵਾਤਾਵਰਣ ਪ੍ਰੇਮੀਆਂ ਦੀ ਸਾਂਝੀ ਸੋਚ ਸਦਕਾ ਪ੍ਰਦੂਸ਼ਣ ਰਹਿਤ ਵਾਤਾਵਰਣ ਅਤੇ ਨਸ਼ਾਮੁਕਤ ਸਮਾਜ ਦੀ ਸਿਰਜਣਾ ਲਈ 8 ਗੁਰੂ ਸਾਹਿਬਾਨਾਂ ਦੀ ਚਰਨ ਛੋਹ ਪ੍ਰਾਪਤ ਖਡੂਰ ਸਾਹਿਬ ਦੀ ਪਵਿੱਤਰ ਧਰਤੀ ਤੇ 1 ਅਗਸਤ, 2010 ਨੂੰ ਇਕ ਵਿਸ਼ਾਲ ਵਾਤਾਵਰਣ ਸੰਭਾਲ ਸਮਾਗਮ ਆਯੋਜਤ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਸਮਾਗਮ ਵਿੱਚ ਜਨਤਕ ਪ੍ਰਤੀਨਿਧੀਆਂ, ਵਿਦਿਅਕ ਮਾਹਿਰਾਂ ਦੇ ਨਾਲ ਨਾਲ ਵਿਸ਼ੇਸ਼ ਤੌਰ ਤੇ ਸੰਤ ਮਹਾਂਪੁਰਖਾਂ, ਧਾਰਮਿਕ ਆਗੂਆਂ ਅਤੇ ਵੱਖ ਵੱਖ ਸੰਪਰਦਾਵਾਂ ਦੇ ਮੁਖੀਆਂ ਨੂੰ ਸੱਦਾ ਦਿੱਤਾ ਗਿਆ ਹੈ ਕਿਉਂਕਿ ਮਹਾਂਪੁਰਖਾਂ ਦੀ ਅਗਵਾਈ ਸਮੁੱਚੇ ਸਮਾਜ ਲਈ ਪ੍ਰੇਰਨਾ ਦਾ ਸਰੋਤ ਬਣਦੀ ਹੈ।
Read More..
ਆਸ਼ਾ ਵਰਕਰ ਯੂਨੀਅਨ ਜ਼ਿਲ੍ਹਾ ਤਰਨ ਤਾਰਨ ਦੀ ਮੀਟਿੰਗ ਆਯੋਜਿਤ ਤਰਨ ਤਾਰਨ, ਲੋਹਕਾ, 27 ਜੁਲਾਈ (ਗੁਰਦਿੱਤ ਸਿੰਘ, ਦਾਰਾ ਸਿੰਘ ਪਰਵਾਨਾ)-ਆਸ਼ਾ ਵਰਕਰ ਯੂਨੀਅਨ ਪੰਜਾਬ ਜ਼ਿਲ੍ਹਾ ਤਰਨ ਤਾਰਨ ਦੀ ਮੀਟਿੰਗ ਹਰਜੀਤ ਕੌਰ ਚੋਹਲਾ ਦੀ ਪ੍ਰਧਾਨਗੀ ਹੇਠ ਗਾਂਧੀ ਪਾਰਕ ਤਰਨ ਤਾਰਨ ਵਿਖੇ ਕੀਤੀ ਗਈ। ਜਿਸ ਵਿੱਚ ਵੱਖ-ਵੱਖ ਬਲਾਕ ਦੀਆਂ ਅਹੁਦੇਦਾਰਾਂ ਨੇ ਸ਼ਮੂਲੀਅਤ ਕੀਤੀ। ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਵੱਖ-ਵੱਖ ਬੁਲਾਰਿਆਂ ਨੇ ਪੰਜਾਬ ਸਰਕਾਰ, ਸਿਹਤ ਮੰਤਰੀ ਅਤੇ ਸਿਹਤ ਸਕੱਤਰ ’ਤੇ ਦੋਸ਼ ਲਗਾਇਆ ਗਿਆ ਉਨ੍ਹਾਂ ਵੱਲੋਂ ਸਿਹਤ ਮਹਿਕਮੇ ਅਧੀਨ ਕੰਮ ਕਰ ਰਹੀਆਂ ਆਸ਼ਾ ਵਰਕਰਾਂ ਦੀਆਂ ਮੰਗਾਂ ਨੂੰ ਲਗਾਤਾਰ ਅਣਗੌਲਿਆ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਦੀਆਂ ਮੰਗਾਂ ਦੇ ਹੱਲ ਲਈ ਕੋਈ ਉਪਰਾਲਾ ਕਰਨਾ ਤਾਂ ਦੂਰ ਦੀ ਗੱਲ, ਉਨ੍ਹਾਂ ਨਾਲ ਗੱਲਬਾਤ ਵੀ ਨਹੀਂ ਕੀਤੀ ਜਾ ਰਹੀ। ਉਨ੍ਹਾਂ ਇਹ ਵੀ ਦੋਸ਼ ਲਾਇਆ ਹੈ ਕਿ ਸਿਹਤ ਮੰਤਰੀ ਪੰਜਾਬ ਤੇ ਸਿਹਤ ਸਕੱਤਰ ਸਤੀਸ਼ ਚੰਦਰ ਦਾ ਵਤੀਰਾ ਹੈਂਕੜਬਾਜ਼ੀ ਤੇ ਤਾਨਾਸ਼ਾਹ ਵਾਲਾ ਹੈ।
Read More..
ਬਲਾਕ ਅੰਮ੍ਰਿਤਸਰ ਚਾਰ ਦੇ ਸਕੂਲਾਂ ਦੇ ਵਿੱਦਿਅਕ ਮੁਕਾਬਲੇ ਕਰਵਾਏ ਅੰਮ੍ਰਿਤਸਰ, 27 ਜੁਲਾਈ (ਮੋਤਾ ਸਿੰਘ)-ਬਲਾਕ ਅੰਮ੍ਰਿਤਸਰ ਚਾਰ ਨਾਲ ਸਬੰਧ ਸਕੂਲਾਂ ਦੇ ਬਲਾਕ ਪੱਧਰ ਦੇ ਵਿੱਦਿਅਕ ਮੁਕਾਬਲੇ ਖਾਲਸਾ ਕਾਲਜ ਸੀਨੀਅਰ ਸੈਕੰਡਰੀ ਸਕੂਲ ਵਿਖੇ ਸ੍ਰੀ ਮੇਲਾ ਰਾਮ ਬਲਾਕ ਸਿੱਖਿਆ ਅਧਿਕਾਰੀ ਅਤੇ ਪ੍ਰਿੰਸੀਪਲ ਨਿਰਮਲ ਸਿੰਘ ਭੰਗੂ ਦੀ ਦੇਖ-ਰੇਖ ਹੇਠ ਕਰਵਾਏ ਗਏ। ਇਨ੍ਹਾਂ ਮੁਕਾਬਲਿਆਂ ਵਿੱਚ ਬਲਾਕ ਦੇ ਨੌਂ ਸਕੂਲਾਂ ਦੇ ਬੱਚਿਆਂ ਨੇ ਆਪਣੀ ਕਲਾ ਦੇ ਜੌਹਰ ਵਿਖਾ ਕੇ ਦਰਸ਼ਕਾਂ ਦਾ ਮਨ ਮੋਹਿਆ। ਪ੍ਰਾਪਤ ਨਤੀਜਿਆਂ ਅਨੁਸਾਰ ਸ਼ਬਦ ਗਾਇਨ ਵਿੱਚ ਖਾਲਸਾ ਕਾਲਜ ਗਰਲਜ਼ ਸੀਨੀਅਰ ਸੈਕੰਡਰੀ ਸਕੂਲ ਦੀ ਵਿਦਿਆਰਥਣ ਨਵਨੀਤ ਕੌਰ ਤੇ ਸਾਧਨਾ ਨੇ ਪਹਿਲਾ ਅਤੇ ਖਾਲਸਾ ਕਾਲਜ ਸੀਨੀਅਰ ਸੈਕੰਡਰੀ ਸਕੂਲ ਦੇ ਵਿਦਿਆਰਥੀ ਗੁਰਲਾਲ ਸਿੰਘ ਤੇ ਸਾਥੀਆਂ ਨੇ ਦੂਸਰਾ ਸਥਾਨ, ਸੋਲੋ ਡਾਂਸ ਵਿੱਚ ਖਾਲਸਾ ਕਾਲਜ ਸੀਨੀਅਰ ਸੈਕੰਡਰੀ ਸਕੂਲ ਦੀ ਵਿਦਿਆਰਥਣ ਰੋਮਾ ਨੇ ਦੂਸਰਾ, ਭਾਸ਼ਣ ਵਿੱਚ ਰਾਸ਼ਟਰੀ
Read More..
ਅੰਤਰ ਕਾਲਜ ਗਤਕਾ ਮੁਕਾਬਲੇ 18 ਤੋਂ ਅੰਮ੍ਰਿਤਸਰ, 27 ਜੁਲਾਈ (ਮੋਤਾ ਸਿੰਘ)-ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਅੰਤਰ ਕਾਲਜ ਗਤਕਾ ਚੈਂਪੀਅਨਸ਼ਿਪ ਸਾਲ 2010-11 ਦੇ ਮੁਕਾਬਲੇ ਵਿੱਚ 18 ਅਗਸਤ ਨੂੰ ਯੂਨੀਵਰਸਿਟੀ ਕੈਂਪਸ ਵਿਖੇ ਕਰਵਾਏ ਜਾਣਗੇ। ਖੇਡ ਵਿਭਾਗ ਦੇ ਡਾਇਰੈਕਟਰ ਤੇ ਮੁਖੀ ਡਾ.ਕੰਵਲਜੀਤ ਸਿੰਘ ਨੇ ਦੱਸਿਆ ਕਿ ਇਸ ਸੰਬੰਧੀ ਲੋੜੀਂਦੇ ਦਿਸ਼ਾ ਨਿਰਦੇਸ਼ ਸੰਬੰਧਤ ਕਾਲਜਾਂ ਦੇ ਪ੍ਰਿੰਸੀਪਲਾਂ ਨੂੰ ਭੇਜ ਦਿੱਤੇ ਗਏ ਹਨ।
ਪੁਲਿਸ ਜਿਆਦਤੀਆਂ ਵਿਰੁੱਧ ਲਾਮਬੰਦੀ ਸ਼ੁਰੂ ਅੰਮ੍ਰਿਤਸਰ, 27 ਜੁਲਾਈ (ਮੋਤਾ ਸਿੰਘ)-ਜਨਤਕ ਜਥੇਬੰਦੀਆਂ ਦੇ ਸਾਂਝੇ ਮੋਰਚੇ ਦੇ ਆਗੂਆਂ ਨੇ ਹਾਕਮਾਂ ਧਿਰ ਦੀ ਸ਼ਹਿ ’ਤੇ ਪੁਲਿਸ ਜ਼ਿਆਦਤੀਆਂ ਵਿਰੁੱਧ ਲਾਮਬੰਦ ਹੋਵਾ ਹੋਣਾ ਸ਼ੁਰੂ ਕਰ ਦਿੱਤਾ ਹੈ। ਜਨਤਕ ਜਥੇਬੰਦੀਆਂ ਦੇ ਸਾਂਝੇ ਮੋਰਚੇ ਦੇ ਬੁਲਾਰੇ ਸ. ਜਰਮਨਜੀਤ ਸਿੰਘ ਨੇ ਦੱਸਿਆ ਕਿ ਬੀਤੇ ਦਿਨ ਜਮਹੂਰੀ ਕਿਸਾਨ ਸਭਾ, ਦਿਹਾਤੀ ਮਜ਼ਦੂਰ ਸਭਾ ਅਤੇ ਸ਼ਹੀਦ ਭਗਤ ਸਿੰਘ ਨੌਜਵਾਨ ਸਭਾ ਦੇ ਸੱਦੇ ’ਤੇ ਲੋਕਾਂ ਨੇ ਜਿੰਨ੍ਹਾਂ ਵਿੱਚ ਔਰਤਾਂ ਵੀ ਸ਼ਾਮਿਲ ਸਨ, ਭਾਰੀ ਬਾਰਿਸ਼ ਦੌਰਾਨ ਪੁਲਿਸ ਥਾਣੇ ਤਹਸਿਲਾਂ ਦਾ ਘਿਰਾਓ ਕੀਤਾ। ਇਸ ਧਰਨੇ ਦੀ ਅਗਵਾਈ ਜਨਤਕ ਜਥੇਬੰਦੀਆਂ ਦੇ ਆਗੂ ਗੁਰਨਾਮ ਸਿੰਘ ਦਾਊਦ, ਗੁਰਮੇਜ ਸਿੰਘ ਤਿਮਵਾਲ, ਨਿਰਮਲ ਸਿੰਘ, ਹਰਪ੍ਰੀਤ ਸਿੰਘ ਬੁਟਰੀ, ਕੁਲਵੰਤ ਸਿੰਘ ਮਹਿਤਾ, ਬਲਵਿੰਦਰ ਸਿੰਘ ਵਡਾਲਾ, ਅਤੇ ਅਮਰੀਕ ਸਿੰਘ ਦਾਊਦ ਕਰ ਰਹੇ ਸਨ। ਉਹ ਆਗੂ ਪਿੰਡ ਜਬੋਵਾਲ ਦੇ ਮਲਕੀਅਤ ਸਿੰਘ ਨੂੰ ਗੋਲੀਆਂ ਮਾਰ ਕੇ ਜ਼ਖ਼ਮੀਂ
Read More..
‘ਸਾਹਿਤ ਸਿਰਜਣਾ ਤੇ ਸਹਿਤ ਆਲੋਚਨਾ : ਅੰਤਰ-ਸੰਵਾਦ’ ਵਿਸ਼ੇ ’ਤੇ ਸੈਮੀਨਾਰ ਕਰਵਾਇਆ ਅੰਮ੍ਰਿਤਸਰ 27 ਜੁਲਾਈ (ਮੋਤਾ ਸਿੰਘ) ਸਥਾਨਕ ਖਾਲਸਾ ਕਾਲਜ ਦੇ ਪੋਸਟ ਗਰੈਜੂਏਟ ਪੰਜਾਬੀ ਅਧਿਐਨ ਵਿਭਾਗ ਵਲੋਂ ‘ਸਾਹਿਤ ਸਿਰਜਣਾ ਤੇ ਸਹਿਤ ਆਲੋਚਨਾ : ਅੰਤਰ-ਸੰਵਾਦ‘ ਵਿਸ਼ੇ ਉ¤ਪਰ ਡਾ. ਜਸਵਿੰਦਰ ਸਿੰਘ ਪੰਜਾਬੀ ਯੁਨੀਵਰਸਿਟੀ, ਪਟਿਆਲਾ ਦਾ ਵਿਸ਼ੇਸ਼ ਭਾਸ਼ਨ ਆਯੋਜਿਤ ਕੀਤਾ ਗਿਆ। ਇਸ ਮੌਕੇ ਵਿਦਿਆਰਥੀਆਂ ਨਾਲ ਵਿਚਾਰ ਸਾਂਝੇ ਕਰਦਿਆਂ ਉਨ੍ਹਾਂ ਕਿਹਾ ਕਿ ਸਾਹਿਤ ਬੁਨਿਆਦੀ ਰੂਪ ਵਿਚ ਭਾਸ਼ਾ ਆਧਾਰਤ ਸਿਰਜਣਾ ਹੈ। ਮਨੁੱਖ ਨੇ ਪ੍ਰਕਿਰਤੀ ਨਾਲ ਦਵੰਦ ਵਿਚੋਂ ਸਭਿਆਚਾਰ ਤੇ ਸਭਿਅਤਾ ਦੀ ਸਿਰਜਣਾ ਕੀਤੀ ਹੈ। ਉਨ੍ਹਾਂ ਨੇ ਸਾਹਿਤ ਦੇ ਤੱਤਾਂ ਬਹੁਅਰਥਕਤਾ, ਸਦੀਵਤਾ, ਸੁਹਜਾਤਮਿਕਤਾ ਉਪਰ ਕੇਂਦਰਿਤ ਹੁੰਦਿਆਂ ਕਿਹਾ ਕਿ ਉ¤ਤਮ ਸਾਹਿਤ ਜ਼ਿੰਦਗੀ ਦੀਆਂ ਡੂੰਘੀਆਂ
Read More..
ਤਹਿਸੀਲ ਦਫ਼ਤਰ ਵਿਖੇ ਸੁਵਿਧਾ ਕੇਂਦਰ ਸੁਰੂ ਕੀਤਾ ਗਿਆ ਗੁਰਦਾਸਪੁਰ 26 ਜੁਲਾਈ (ਅ.ਬ.)-ਰਾਜ ਸਰਕਾਰ ਵੱਲੋਂ ਲੋਕਾਂ ਨੂੰ ਇੱਕ ਹੀ ਛੱਤ ਹੇਠ ਸਾਰੀਆਂ ਪ੍ਰਸ਼ਾਸ਼ਨਿਕ ਸੇਵਾਵਾਂ ਮੁਹੱਈਆ ਕਰਵਾਉਣ ਲਈ ਰਾਜ ਅੰਦਰ ਖੋਲੇ ਜਾ ਰਹੇ ਸੁਵਿਧਾ ਕੇਂਦਰਾਂ ਦੀ ਲੜੀ ਤਹਿਤ ਅੱਜ ਸਥਾਨਿਕ ਤਹਿਸੀਲ ਦਫ਼ਤਰ ਵਿਖੇ ਸੁਵਿਧਾ ਕੇਂਦਰ ਸੁਰੂ ਕੀਤਾ ਗਿਆ। ਜਿਸ ਦਾ ਉਦਘਾਟਨ ਡਿਪਟੀ ਕਮਿਸ਼ਨਰ ਗੁਰਦਾਸਪੁਰ ਸ੍ਰੀ ਪਿਰਥੀ ਚੰਦ ਵੱਲੋਂ ਕੀਤਾ ਗਿਆ। ਇਸ ਮੌਕੇ ਤੇ ਸ੍ਰੀ ਜੇ.ਪੀ. ਸਿੰਘ ਐਸ.ਡੀ.ਐਮ. ਗੁਰਦਾਸਪੁਰ, ਸ੍ਰੀ ਦਲੀਪ ਕੁਮਾਰ ਸਿਵਲ ਸਰਜਨ ਗੁਰਦਾਸਪੁਰ, ਸ੍ਰੀ ਅਰਵਿੰਦ ਗੁਪਤਾ ਤਹਿਸੀਲਦਾਰ ਗੁਰਦਾਸਪੁਰ ਅਤੇ ਸ੍ਰੀ ਜੇ.ਪੀ. ਸਲਵਾਨ ਨਾਇਬ ਤਹਿਸੀਲਦਾਰ ਵੀ ਹਾਜ਼ਰ ਸਨ। ਡਿਪਟੀ ਕਮਿਸ਼ਨਰ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਤਹਿਸੀਲ ਪੱਧਰ ਤੇ ਸੁਵਿਧਾ ਕੇਂਦਰਾਂ ਤੋਂ ਵੱਖ ਵੱਖ ਪ੍ਰਕਾਰ ਦੇ ਕੰਮ ਕਰਵਾਉਣ ਸਬੰਧੀ 12 ਪ੍ਰਕਾਰ ਦੀਆਂ ਸਹੂਲਤਾਂ ਮੁਹੱਈਆ ਕਰਵਾਈਆਂ ਜਾਂਦੀਆਂ ਹਨ, ਜਿਨ੍ਹਾਂ ਵਿਚੋਂ 6 ਪ੍ਰਕਾਰ ਦੀਆਂ ਸਹੂਲਤਾਂ ਅੱਜ ਤੋਂ ਇਸ ਸੁਵਿਧਾਂ ਕੇਂਦਰ ਤੋਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ ਗਈਆ ਹਨ ਅਤੇ ਜ਼ਲਦੀ ਹੀ ਦੁਸਰੀਆਂ ਸਹੂਲਤਾਂ ਦੇਣੀਆਂ ਸ਼ੁਰੂ
Read More..
ਕਿਤਾਬ ਵਿੱਚੋਂ ਨਕਲ ਮਾਰਨ ’ਤੇ ਕਾਨੂੰਨੀ ਕਾਰਵਾਈ ਦੀ ਚੇਤਾਵਨੀ ਅੰਮ੍ਰਿਤਸਰ, 26 ਜੁਲਾਈ (ਮੋਤਾ ਸਿੰਘ)-ਕਈ ਕਿਤਾਬਾਂ ਦੀ ਲੇਖਕਾ ਡਾ. ਅਮਰਜੀਤ ਕੌਰ ਬਮਰਾ ਜਿਸ ਨੇ ਹੁਣ ਇੱਕ ਹੋਰ ਪੁਸਤਕ ‘ਤਵਾਰੀਖ ਰਾਮਗੜ੍ਹੀਆ’ ਲਿਖੀ ਹੈ, ਨੇ ਕਿਤਾਬ ਦੇ ਮੁੱਦੇ ਤੇ ਸ੍ਰ. ਉਂਕਾਰ ਸਿੰਘ ਤੇ ਉਸ ਦੀ ਕਿਤਾਬ ਵਿੱਚੋਂ ਨਕਲ ਮਾਰਨ ’ਤੇ ਕਾਨੂੰਨੀ ਕਾਰਵਾਈ ਦੀ ਚੇਤਾਵਨੀ ਦਿੱਤੀ ਹੈ। ਅੰਮ੍ਰਿਤਸਰ ਦੇ ਨੇੜਲੇ ਪਿੰਡ ਇੱਬਣ ਕਲਾਂ ਦੀ ਵਾਸੀ ਡਾ. ਅਮਰਜੀਤ ਕੌਰ ਨੇ ਇੱਥੋਂ ਜਾਰੀ ਇੱਕ ਬਿਆਨ ਵਿੱਚ ਦੱਸਿਆ ਕਿ ਕੁਝ ਦਿਨ ਪਹਿਲਾਂ ਸ੍ਰ ਉਂਕਾਰ ਸਿੰਘ ਸੰਧੂ ਨੇ ਸ੍ਰ. ਕਾਹਨ ਸਿੰਘ ਪੰਨੂੰ ਨੇ ਡਿਪਟੀ ਕਮਿਸ਼ਨਰ ਤੋਂ ਰਿਲੀਜ਼ ਕਰਵਾਈ ਗਈ ਪੁਸਤਕ ‘500 ਸਾਲ ਗੁਰੂ ਦੇ ਨਾਲ’ ਇਤਿਹਾਸ ਰਾਮਗੜ੍ਹੀਆ ਉਸ ਦੀ ਮਾਰਚ 2010 ਵਿੱਚ ਰਿਲੀਜ਼ ਕੀਤੀ ਗਈ ਪੁਸਤਕ ‘ਤਵਾਰੀਖ ਰਾਮਗੜ੍ਹੀਆ’ ਦੀ ਨਕਲ ਹੈ। ਡਾ. ਅਮਰਜੀਤ ਕੌਰ ਨੇ ਦੋਸ਼ ਲਾਇਆ ਕਿ ਸ੍ਰ. ਉਂਕਾਰ ਸਿੰਘ ਸੰਧੂ ਵੱਲੋਂ ਲਿਖੀ ਕਿਤਾਬ ਵਿੱਚ 75 ਫੀਸਦੀ ਲੇਖ ਉਸ ਦੀ ਪੁਸਤਕ ਵਿੱਚੋਂ ਹੂਬਹੂ ਨਕਲ ਕਰਕੇ ਛਾਪੇ ਗਏ ਹਨ, ਜਿਸ ਬਾਰੇ ਮੇਰੇ (ਅਮਰਜੀਤ ਕੌਰ) ਤੋਂ ਕੋਈ ਆਗਿਆ ਨਹੀਂ ਲਈ ਗਈ। ਉਨ੍ਹਾਂ ਮੰਗ ਕੀਤੀ ਕਿ ਸ੍ਰ. ਉਂਕਾਰ ਸਿੰਘ ਸੰਧੂ ਬਿਨਾਂ ਸ਼ਰਤ ਮਾਫੀ ਮੰਗ ਕੇ ਇਸ ਪੁਸਤਕ ਨੂੰ ਵਾਪਸ ਲੈਣ ਨਹੀਂ ਤਾਂ ਮਾਨਯੋਗ ਕੋਰਟ ਵਿੱਚ ਅਪਰਾਧਿਕ ਮਾਮਲਾ ਦਰਜ ਕਰਵਾ ਕੇ ਇਨਸਾਫ ਮੰਗਿਆ ਜਾਵੇਗਾ।
ਚਿੱਟੇ ਦਿਨ ਦੁਕਾਨ ਮਾਲਕ ਵੱਲੋਂ ਕਿਰਾਏਦਾਰ ਦਾ ਤੇਜ਼ਧਾਰ ਹੱਥਿਆਰ ਨਾਲ ਕਤਲ ਕੋਰਟ ’ਚ ਦੁਕਾਨ ਸਬੰਧੀ ਚੱਲ ਰਿਹਾ ਸੀ ਕੇਸ-ਇੱਕ ਕਾਬੂ ਦੋ ਫਰਾਰ
ਪਠਾਨਕੋਟ, 26 ਜੁਲਾਈ (ਜਥੇਦਾਰ)-ਅੱਜ ਸ਼ਹਿਰ ਦੇ ਬਿਲਕੁਲ ਨਾਲ ਲੱਗਦੇ ਪਿੰਡ ਥਾਨਪੁਰ ਵਿਖੇ ਚਿੱਟੇ ਦਿਨ ਸਵੇਰ ਦੇ ਲਗਭਗ 12.00 ਵਜੇ ਦੇ ਨੇੜ੍ਹੇ ਦੁਕਾਨ ਮਾਲਕ ਨੇ ਆਪਣੇ ਦੋ ਮੁੰਡਿਆਂ ਨਾਲ ਮਿਲ ਕੇ ਦੁਕਾਨ ਨੂੰ ਕਿਰਾਏਦਾਰ ਤੋਂ ਖਾਲੀ ਕਰਵਾਉਣ ਲਈ ਮੌਕੇ ’ਤੇ ਹੀ ਕਿਰਾਏਦਾਰ ਦੀ ਤੇਜਧਾਰ ਹੱਥਿਆਰ ਨਾਲ ਹੱਤਿਆ ਕਰ ਦਿੱਤੀ। ਹੱਤਿਆ ਤੋਂ ਬਾਅਦ ਪਿਓ ਅਤੇ ਉਸ ਦਾ ਇੱਕ ਲੜਕਾ ਮੌਕੇ ਤੋਂ ਫਰਾਰ ਹੋ ਗਏ ਜਦ ਕਿ ਘਟਨਾ ਵਾਲੀ ਜਗ੍ਹਾ ਤੋਂ ਪੁਲਿਸ ਨੇ ਹੱਤਿਆਰੇ ਨੂੰ ਕਾਬੂ ਕਰ ਲਿਆ। ਮ੍ਰਿਤਕ ਪੂਰਨ ਚੰਦ ਨਿਵਾਸੀ ਪਿੰਡ ਗੁਸਾਈਪੁਰ ਦੇ ਭਰਾ ਅਸ਼ੋਕ ਕੁਮਾਰ ਨੇ ਦੱਸਿਆ ਕਿ ਉਸ ਦੇ ਭਰਾ ਪੂਰਨ ਚੰਦ ਨੇ ਦੁਕਾਨ ਦੇ ਮਾਲਕ ਬਲਦੇਵ ਸਿੰਘ ਨਿਵਾਸੀ ਮਮੂਨ ਤੋਂ ਕਿਰਾਏ ’ਤੇ ਖਾਨਪੁਰ ਚੌਂਕ ਸਥਿਤ ਇੱਕ ਦੁਕਾਨ ਕਿਰਾਏ ’ਤੇ ਲਈ ਹੋਈ ਸੀ ਅਤੇ ਦੁਕਾਨ ਸਬੰਧੀ ਕੇਸ ਕੋਰਟ ਵਿੱਚ ਵੀ ਚੱਲ ਰਿਹਾ ਸੀ, ਪ੍ਰੰਤੂ ਇਸ ਦੇ ਬਾਵਜੂਦ ਵੀ ਦੁਕਾਨ ਦੇ ਮਾਲਕ ਬਲਦੇਵ ਸਿੰਘ ਅਤੇ ਉਸ ਦੇ ਦੋ ਮੁੰਡਿਆਂ ਉਂਕਾਰ ਸਿੰਘ ਤੇ ਪਲਵਿੰਦਰ ਸਿੰਘ ਵੱਲੋਂ ਪਿੱਛਲੇ ਕਈ ਮਹੀਨਿਆਂ ਤੋਂ ਦੁਕਾਨ ਖਾਲੀ ਕਰਨ ਲਈ ਜਾਨ ਤੋਂ ਮਾਰਨ ਦੀਆਂ ਧਮਕੀਆਂ ਵੀ ਦਿੱਤੀਆਂ ਜਾ ਰਹੀਆਂ ਸਨ ਅਤੇ ਅੱਜ ਸਵੇਰੇ ਤਿੰਨੋ ਬਾਪ-ਬੇਟੇ ਪਿੰਡ ਗੁਸਾਈਪੁਰ ਵਿਖੇ ਪੂਰਨ ਚੰਦ ਨੂੰ ਮਾਰਨ ਦੀ ਧਮਕੀ ਵੀ ਦੇ ਕੇ ਆਏ ਸਨ। ਇਸ ਤੋਂ ਬਾਅਦ ਉਪਰੋਕਤ ਤਿੰਨਾਂ ਪਿਓ-ਪੁੱਤਰਾਂ ਵੱਲੋਂ ਚਿੱਟੇ ਦਿਨ ਸ਼ਰੇਆਮ ਮੇਰੇ ਭਰਾ ਪੂਰਨ ਚੰਦ ਦੀ ਹੱਤਿਆ ਕਰ ਦਿੱਤੀ।
Read More..
ਸ਼ਾਮ-ਏ-ਗਜ਼ਲ ਰਾਹੀਂ ਵਾਤਾਵਰਨ ਨੂੰ ਬਚਾਉਣ ਦੀ ਅਪੀਲ ਫ਼ਰੀਦਕੋਟ, 24 ਜੁਲਾਈ – (ਸਰਬਜੀਤ ਟੀਟੂ, ਦੇਵਾ ਨੰਦ ਸ਼ਰਮਾਂ) – ਮਹਾਤਮਾ ਗਾਂਧੀ ਮੈਮੋ: ਸਕੂਲ ਵਿੱਚ ਲਿਟਰੇਰੀ ਫ਼ੋਰਮ ਫ਼ਰੀਦਕੋਟ ਅਤੇ ਸ਼ਹਿਰ ਦੀਆਂ ਦਰਜਨਾਂ ਸਮਾਜ ਸੇਵੀ ਸੰਸਥਾਵਾਂ ਨੇ ‘ਸ਼ਾਮ-ਏ-ਗਜ਼ਲ’ ਸਮਾਗਮ ਅਯੋਜਿਤ ਕਰਕੇਂ ਲੋਕਾਂ ਨੂੰ ਵਾਤਾਵਰਨ ਪ੍ਰਤੀ ਜਾਗਰੂਕ ਹੋਣ ਦਾ ਸੁਨੇਹਾ ਦਿੱਤਾ। ਸਮਾਗਮ ਦੀ ਪ੍ਰਧਾਨਗੀ ਯੁਵਕ ਸੇਵਾਵਾਂ ਦੇ ਸਹਾਇਕ ਡਾਇਰੈਕਟਰ ਜਗਜੀਤ ਸਿੰਘ ਚਾਹਲ ਨੇ ਕੀਤੀ। ਇਸ ਮੌਕੇ ਪ੍ਰੋ : ਰਾਜੇਸ਼ ਮੋਹਨ ਨੇ ਆਪਣੀਆਂ ਰਚਨਾਵਾਂ ਸਰੋਤਿਆਂ ਸਾਹਮਣੇ ਪੇਸ਼ ਕੀਤੀਆਂ। ਪ੍ਰੋ: ਰਾਜੇਸ਼ ਮੋਹਨ ਨੇ ਸਮਾਗਮ ਦੌਰਾਨ ਗਜ਼ਲਗੋ ਡਾ: ਜਗਤਾਰ ਅਤੇ ਸ਼ਾਇਰ ਵਿਜੇ ਵਿਵੇਕ ਦੀਆਂ ਰਚਨਾਵਾਂ ਪੇਸ਼ ਕੀਤੀਆਂ। ਇਸ ਸਮਾਗਮ ਦੌਰਾਨ ਵਾਤਾਵਰਨ ਦੇ ਬਚਾਓ ਆਦਿ ਬਾਰੇ ਵੀ ਲੋਕਾਂ ਵੱਲੋਂ ਆਪੋ-ਆਪਣੇ ਵਿਚਾਰ ਪੇਸ਼ ਕੀਤੇ ਗਏ। ਖੇਤੀ ਵਿਰਾਸਤ ਮਿਸ਼ਨ ਵੱਲੋ ਪ੍ਰੋ: ਰਾਜੇਸ਼ ਮੋਹਨ ਨੂੰ ਵਿਸ਼ੇਸ਼ ਤੌਰ ’ਤੇ ਸਨਮਾਨਿਤ ਕੀਤਾ ਗਿਆ।
Read More..
ਸਿਹਤ ਜਾਗਰੂਕਤਾ ਕੈਂਪ ਲਗਾਇਆ ਅੰਮ੍ਰਿਤਸਰ, 24 ਜੁਲਾਈ (ਮੋਤਾ ਸਿੰਘ)-ਭਾਈ ਲਾਲੋ ਜੀ ਸੋਸ਼ਲ ਸੁਸਾਇਟੀ ਅੰਮ੍ਰਿਤਸਰ ਵੱਲੋਂ ਸਰਕਾਰੀ ਕੰਨਿਆ ਸੈਕੰਡਰੀ ਸਕੂਲ ਕੋਟ ਬਾਬਾ ਦੀਪ ਸਿੰਘ ਵਿਖੇ ਸਿਹਤ ਜਾਗਰੂਕਤਾ ਕੈਂਪ ਲਗਾਇਆ ਗਿਆ। ਸਕੂਲ ਦੀੇ ਪ੍ਰਿੰਸੀਪਲ ਸ੍ਰੀਮਤੀ ਅਮਰਜੀਤ ਕੌਰ ਵਾਲੀਆ ਅਤੇ ਸਕੂਲ ਸਟਾਫ ਦੇ ਸਹਿਯੋਗ ਨਾਲ ਲਗਾਏ ਇਸ ਕੈਂਪ ਵਿੱਚ ਲੇਡੀ ਡਾਕਟਰ ਸਿਮਰਤ ਕੌਰ ਐੱਸ.ਐੱਮ.ਓ. ਭਗਤਾਂਵਾਲਾ ਸੈਂਟਰ ਨੇ ਵੀ 10 ਤੋਂ 19 ਸਾਲ ਉਮਰ ਦੀਆਂ ਲੜਕੀਆਂ ਨੂੰ ਸਿਹਤ ਸੰਬੰਧੀ ਵਿਸਥਾਰ-ਪੂਰਵਕ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਸ ਉਮਰ ਦੌਰਾਨ ਸਰੀਰਕ ਤੇ ਮਾਨਸਿਕ ਤਬਦੀਲੀਆਂ ਆਉਣਾ ਸੰਭਾਵਕ ਹੈ। ਲੜਕੀਆਂ ਨੂੰ ਛੂਤ-ਛਾਤ ਦੀਆਂ ਬਿਮਾਰੀਆਂ ਤੋਂ ਬਚਣ ਲਈ ਸਫਾਈ ਰੱਖਣ ’ਤੇ ਜ਼ੋਰ ਦਿੱਤਾ। ਇਸ ਮੌਕੇ ’ਤੇ ਸੁਸਾਇਟੀ ਦੇ ਪ੍ਰਧਾਨ ਡਾ. ਲਖਬੀਰ ਸਿੰਘ ਭੁੱਲਰ, ਜਨਰਲ ਸਕੱਤਰ ਸ੍ਰੀ ਐੱਸ. ਕੇ. ਮੈਨਨ ਪ੍ਰੋਗਰਾਮ ਕੋਆਰਡੀਨੇਟਰ ਸ੍ਰੀਮਤੀ ਬਲਬੀਰ ਕੌਰ, ਸਕੂਲ ਪ੍ਰਿੰਸੀਪਲ ਸ੍ਰੀਮਤੀ ਅਮਰਜੀਤ ਕੌਰ ਵਾਲੀਆ ਅਤੇ ਸਕੂਲ ਦੇ ਸੀਨੀਅਰ ਅਧਿਆਪਕ ਵੀ ਹਾਜ਼ਰ ਸਨ।
ਗੈਸ ਸਲੰਡਰਾਂ ਦੀ ਵੰਡ ਪ੍ਰਣਾਲੀ ਲਈ ਵੈੱਬਸਾਈਟ ਸ਼ੁਰੂ ਕਰਨ ਵਾਲਾ ਫਰੀਦਕੋਟ ਪੰਜਾਬ ਦਾ ਪਹਿਲਾ ਜ਼ਿਲ੍ਹਾ:ਡੀ.ਸੀ ਫਰੀਦਕੋਟ, 22 ਜੁਲਾਈ (ਸਰਬਜੀਤ ਟੀਟੂ)-ਗੈਸ ਸਲੰਡਰਾਂ ਦੀ ਵੰਡ ਪ੍ਰਣਾਲੀ ਵਿੱਚ ਪਾਰਦਰਸ਼ਤਾ ਲਿਆਉਣ ਲਈ ਜ਼ਿਲ੍ਹਾ ਪ੍ਰਸ਼ਾਸ਼ਨ ਵੱਲੋਂ ਤਿਆਰ ਕੀਤੇ ਗਏ ਆਨ ਲਾਈਨ ਵੈਬ ਬੇਸ ਸਿਸਟਮ ‘ਐੱਲਪੀਜੀ ਮਿਸ’ ਸੌਫਟ ਵੇਅਰ ਦਾ ਉਦਘਾਟਨ ਅੱਜ ਸਥਾਨਕ ਮਿੰਨੀ ਸਕੱਤਰੇਤ ਵਿਖੇ ਜ਼ਿਲ੍ਹੇ ਦੇ ਡਿਪਟੀ ਕਮਿਸ਼ਨਰ ਡਾ: ਵਿਜੈ ਐੱਨ.ਜ਼ਾਦੇ ਨੇ ਕੀਤਾ। ਇਸ ਮੌਕੇ ’ਤੇ ਸ਼੍ਰੀ ਮੋਹਨ ਲਾਲ ਐਡੀਸ਼ਨਲ ਡਿਪਟੀ ਕਮਿਸ਼ਨਰ, ਸ੍ਰ ਭੁਪਿੰਦਰ ਸਿੰਘ ਐੱਸ.ਡੀ.ਐੱਮ ਫਰੀਦਕੋਟ, ਸ਼੍ਰੀਮਤੀ ਅਤਿੰਦਰ ਕੌਰ ਜ਼ਿਲ੍ਹਾ ਖੁਰਾਕ ’ਤੇ ਸਪਲਾਈ ਕੰਟ੍ਰੋਲਰ ਤੋਂ ਇਲਾਵਾ ਪ੍ਰੈਸ ਦੇ ਨੁਮਾਇੰਦੇ ਵੀ ਹਾਜ਼ਰ ਸਨ।ਇਸ ਮੌਕੇ ’ਤੇ ਵਿਚਾਰ ਪ੍ਰਗਟ ਕਰਦਿਆਂ ਡਿਪਟੀ ਕਮਿਸ਼ਨਰ ਨੇ ਕਿਹਾ ਕਿ ਖਪਤਕਾਰਾਂ ਨੂੰ ਗੈਸ ਸਲੰਡਰਾਂ ਦੀ ਨਿਰਵਿਘਨ ਸਪਲਾਈ ਮਿਲਣ ਦੇ ਨਾਲ-ਨਾਲ ਕਾਲਾਬਾਜ਼ਾਰੀ ਨੂੰ ਵੀ ਠੱਲ੍ਹ ਪਵੇਗੀ ਅਤੇ ਇਸਦੇ ਨਾਲ ਘਰੇਲੂ ਅਤੇ ਵਪਾਰਕ ਕੁਨੈਕਸ਼ਨਾਂ ਦਾ ਸਾਰਾ ਰੀਕਾਰਡ ਵੇਖਿਆ ਜਾ ਸਕਦਾ ਹੈ।
Read More..
ਵਿਗੜਿਆ ਸੰਤੁਲਨ ਸਿਵਲ ਤੇ ਪੁਲਸ ਪ੍ਰਸ਼ਾਸਨ ਦੋਹਾਂ ਦਾ ਹੀ ਵੱਕਾਰ ਖਰਾਬ ਕਰ ਦਿੰਦਾ-ਡੀ.ਸੀ ਫਰੀਦਕੋਟ, 20 ਜੁਲਾਈ (ਸਰਬਜੀਤ ਟੀਟੂ)-‘ਲੋਕਾਂ ਨੂੰ ਸਹੀ ਅਰਥਾਂ ਵਿੱਚ ਇੰਨਸਾਫ ਮੁਹੱਈਆ ਕਰਨਾ ਅਤੇ ਅਮਨ ਕਾਨੂੰਨ ਦੀ ਸਥਿੱਤੀ ਨੂੰ ਹਰ ਹਾਲਤ ਵਿੱਚ ਬਰਕਰਾਰ ਰੱਖਣਾ ਅਜਿਹੇ ਦੋ ਮੁੱਦੇ ਹਨ ਜਿੰਨ੍ਹਾਂ ਦਾ ਸੰਤੁਲਨ ਵਿਗੜ ਜਾਵੇ ਤਾਂ ਜ਼ਿਲ੍ਹਾ ਪ੍ਰਸ਼ਾਸ਼ਨ ਅਤੇ ਪੁਲਸ ਪ੍ਰਸ਼ਾਸ਼ਨ ਦੋਨਾਂ ਦਾ ਹੀ ਵੱਕਾਰ ਖਰਾਬ ਹੋ ਜਾਂਦਾ ਹੈ ਇਸ ਲਈ ਪੁਲਸ ਥਾਨਿਆਂ ਵਿੱਚ ਤਾਇਨਾਤ ਅਧਿਕਾਰੀ ਆਮ ਲੋਕਾਂ ਦਾ ਵਿਸ਼ਵਾਸ਼ ਅਤੇ ਪੁਲਸ ਪ੍ਰਸ਼ਾਸ਼ਨ ਦਾ ਅਕਸ ਉਭਾਰਣ ਲਈ ਉਹਨਾਂ ਆਮ ਅਤੇ ਖਾਸ ਕਰਕੇ ਗਰੀਬ ਲੋਕਾਂ ਦੀ ਸੁਣਵਾਈ ਪਹਿਲ ਦੇ ਆਧਾਰ ’ਤੇ ਕਰਨ ਜੋ ਬਿਨਾ ਕਿਸੇ ਸਿਫਾਰਿਸ਼ ਇੰਨਸਾਫ ਪ੍ਰਾਪਤੀ ਲਈ ਪੁਲਸ ਪ੍ਰਸ਼ਾਸ਼ਨ ਤੱਕ ਪਹੁੰਚ ਕਰਦੇ ਹਨ’। ਇਹ ਅਪੀਲ ਜ਼ਿਲ੍ਹੇ ਦੇ ਡਿਪਟੀ ਕਮਿਸ਼ਨਰ ਡਾ: ਵਿਜੈ ਐੱਨ.ਜ਼ਾਦੇ ਨੇ ਬੀਤੀ ਸ਼ਾਮ ਅਮਨ ਕਾਨੂੰਨ ਦੀ ਸਥਿੱਤੀ ਦਾ ਜਾਇਜ਼ਾ ਲੈਣ ਲਈ ਬੁਲਾਈ ਗਈ ਮੀਟਿੰਗ ਵਿੱਚ ਹਾਜ਼ਰ ਪੁਲਸ ਅਧਿਕਾਰੀਆਂ ਨੂੰ ਕੀਤੀ। ਇਸ ਮੌਕੇ ’ਤੇ ਸ਼੍ਰੀ ਅਰੁਣ ਕੁਮਾਰ ਮਿੱਤਲ ਸੀਨੀਅਰ ਪੁਲਸ ਕਪਤਾਨ, ਸ਼੍ਰੀ ਮੋਹਨ ਲਾਲ ਏ.ਡੀ.ਸੀ, ਸ੍ਰ ਅਮਰੀਕ ਸਿੰਘ ਐੱਸ.ਪੀ.ਡੀ, ਸ੍ਰ ਭੁਪਿੰਦਰ ਸਿੰਘ ਐੱਸ.ਡੀ.ਐੱਮ, ਸ਼੍ਰੀ ਆਰ.ਕੇ.ਜੈਨ
Read More..
ਗੈਸ ਸਿਲੰਡਰਾਂ ਦੀ ਵੰਡ ਪ੍ਰਣਾਲੀ ’ਚ ਪਾਰਦਰਸ਼ਤਾ ਲਿਆਉਣ ਲਈ ਵੈਬ ਬੇਸ ਸਿਸਟਮ ਦੀ ਸ਼ੁਰੂਆਤ ਭਲਕੇ ਫਰੀਦਕੋਟ, 20 ਜੁਲਾਈ (ਸਰਬਜੀਤ ਟੀਟੂ)-ਗੈਸ ਸਲੰਡਰਾਂ ਦੀ ਵੰਡ ਪ੍ਰਣਾਲੀ ਵਿੱਚ ਪਾਰਦਰਸ਼ਤਾ ਲਿਆਉਣ ਲਈ ਜ਼ਿਲ੍ਹਾ ਪ੍ਰਸ਼ਾਸ਼ਨ ਵੱਲੋਂ ਆਨ ਲਾਈਨ ਵੈਬ ਬੇਸ ਸਿਸਟਮ ‘ਐੱਲਪੀਜੀ ਮਿਸ’ ਸੌਫਟ ਵੇਅਰ ਤਿਆਰ ਕਰ ਲਿਆ ਗਿਆ ਹੈ ਤਾਂ ਜੋ ਗੈਸ ਏਜੰਸੀਆਂ ਦੀ ਰੋਜਾਨਾਂ ਦੀ ਬੁਕਿੰਗ ਅਤੇ ਡਲਿਵਰੀ ਦਾ ਪਤਾ ਲਗਾਇਆ ਜਾ ਸਕੇ। ਇਹ ਜਾਣਕਾਰੀ ਦਿੰਦਿਆਂ ਜ਼ਿਲ੍ਹੇ ਦੇ ਡਿਪਟੀ ਕਮਿਸ਼ਨਰ ਡਾ: ਵਿਜੈ ਐੱਨ.ਜ਼ਾਦੇ ਨੇ ਦੱਸਿਆ ਕਿ ਇਸ ਸੌਫਟ ਵੇਅਰ ਦਾ ਇਸਤੇਮਾਲ ਗੈਸ ਉਪਭੋਗਤਾ ਵੀ ਕਰ ਸਕਣਗੇ ਅਤੇ ਉਹ ਆਪਣੇ ਤੌਰ ’ਤੇ ਕਰਵਾਈ ਗਈ ਬੁਕਿੰਗ ਅਤੇ ਡਲਿਵਰੀ ਤੋਂ ਵੀ ਜਾਣੂੰ ਹੋਂਣ ਤੋਂ ਇਲਾਵਾ ਗੈਸ ਸਲੰਡਰਾਂ ਦੀ ਬੁਕਿੰਗ ਅਤੇ ਗੈਸ ਏਜੰਸੀਆਂ ਪ੍ਰਤੀ ਸ਼ਿਕਾਇਤਾਂ ਵੀ ਉਹਨਾਂ (ਡੀ.ਸੀ), ਕੰਟ੍ਰੋਲਿੰਗ ਅਫਸਰ ਅਤੇ ਸਬੰਧਤ ਗੈਸ ਏਜੰਸੀ ਨੂੰ ਭੇਜ ਸਕਣਗੇ। ਡਿਪਟੀ ਕਮਿਸ਼ਨਰ ਨੇ ਅੱਗੇ ਦੱਸਿਆ ਕਿ ਇਹ ਸੌਫਟ ਵੇਅਰ ਵਪਾਰਕ, ਘਰੇਲੂ,
Read More..
|
