ਨੇਤਾ ਦੇ ਖੇਤ ਨੂੰ ਲੱਗੀ ਅੱਗ ਅੱਜ ਦੀ ਆਵਾਜ਼ ਦੀ 11 ਜੁਲਾਈ ਐਤਵਾਰ ਸੰਪਾਦਕੀ ਵਿੱਚ ਨੇਤਾ ਦੇ ਖੇਤ ਨੂੰ ਅੱਗ ਵਿੱਚ ਸ. ਬਲਜੀਤ ਸਿੰਘ ਬਰਾੜ ਨੇ ਸਮੇਂ ਦੀ ਸਿਆਸੀ ਹਕੀਕਤ ’ਤੇ ਵਿਅੰਗ ਕਰਕੇ ਪੰਜਾਬੀ ਸਮਾਜ ਲਈ ਭਵਿੱਖ ਵਿੱਚ ਸਿਆਸੀ ਬਦਲ ਲਈ ਅਜਿਹੇ ਜਿੰਮੇਵਾਰ ਨੇਤਾ ਹੱਥ ਵਾਂਗਡੋਰ ਦਾ ਸੁਨੇਹਾ ਅਗਾਊਂ ਦੇ ਦਿੱਤਾ ਕਿ ਸਮਾਂ, ਸਥਿਤੀ ਤੇ ਸਮਾਜ ਕੀ ਮੰਗ ਕਰਦਾ ਹੈ? ਸੰਪਾਦਕੀ ਵਿੱਚ ਬੌਧਿਕ ਪੱਖ ਝਲਕਦਾ ਹੈ ਕਿ ਨਿਜ਼ਾਮ ਵਿੱਚ ਅਫਸਰ ਨੇਤਾ ਦੀ ਕੀ ਸਥਿਤੀ ਹੈ। ਅਲੋਚਕ ਵੱਜੋਂ ਕੁੱਝ ਵਾਧਾ ਹੈ ਕਿ ਪੰਜਾਬ ਪ੍ਰਤੀ ਕੇਂਦਰ ਸਰਕਾਰ ਵੱਲੋਂ ਲਿਖੀਆਂ ਆਰਥਿਕ ਮੁੱਦੇ ਦੀਆਂ ਚਿੱਠੀਆਂ ਕਾਰਨ 2012 ਦੀ ਫਰਵਰੀ ਚੋਣ ਸਮੇਂ ਅਕਾਲੀ ਭਾਜਪਾ ਨੂੰ ਚੋਣ ਮੈਨੀਫੈਸਟੋ ਸਮੇਂ ਰਿਆਇਤਾਂ ਤੇ ਸਹੂਲਤਾਂ ਬੰਦ ਕਰਨ ਦੇ ਕੇਂਦਰੀ ਹੁਕਮਨਾਮੇ ਕਾਰਨ ਚੋਣ ਪ੍ਰਕਿਰਿਆ ਤੇ ਸਿਆਸੀ ਉਥਲ-ਪੁਥਲ ਦੇ ਵੀ ਸੰਕੇਤ ਉੱਭਰ ਰਹੇ ਹਨ। ਸ. ਬਰਾੜ ਨੇ ਠੀਕ ਲਿਖਿਆ ਹੈ ਕਿ ਰਾਜ ਕਰਤਾ ਆਪਣੇ ਕਾਰਜਕਾਲ ਵਿੱਚ ਸਰਵ ਪੱਖੀ ਸਮਾਜ ਹੇਤੂ ਤੇ ਜਵਾਬਦੇਹ ਹੋਣਾ ਸਮੇਂ ਦੀ ਮੰਗ ਹੈ। ਸਿਆਸੀ ਖੇਤ ਨੂੰ ਲੱਗੀ ਅੱਗ ਦਾ ਸੇਕ ਤੇ ਪਛਤਾਵਾ ਅਕਾਲੀ ਪੰਜਾਬ ਵਿਧਾਨ ਸਭਾ ਲਈ ਵਧੇਰੇ ਜਿੰਮੇਵਾਰ ਤੇ ਫੋਕਸ ਹਾਕਮਾਂ ਦੀ ਮੰਗ ਕਰਦਾ ਜਾਪਦਾ ਹੈ। ਸੰਪਾਦਕੀ ਅਰਥ ਭਰਪੂਰ ਹੈ।
ਕੁਲਦੀਪ ਸਿੰਘ ਪੱਟੀ
ਸੰਪੰਦਕੀ ਡਾਕ ਸਤਿਕਾਰਯੋਗ
ਸ੍ਰ. ਹਰਫੂਲ ਸਿੰਘ ਜੀ ਬਰਾੜ
ਚੀਫ਼ ਕਮਿਸ਼ਨਰ ਸਾਹਿਬ,
ਗੁਰਦੁਆਰਾ ਇਲੈਕਸ਼ਨ ਕਮਿਸ਼ਨ,
ਪੰਜਾਬ ਸਰਕਾਰ, ਚੰਡੀਗੜ੍ਹ।
ਸਾਹਿਬ ਸ੍ਰੀ ਗੁਰੂ ਗੰ੍ਰਥ ਸਾਹਿਬ ਜੀ ਦੀਆਂ ਸਿੱਖਿਆਵਾਂ ਦੀ ਪਾਰਟੀਆਂ ਨੂੰ ਕੋਈ ਸੂਝ ਸਮਝ ਪਹਿਚਾਣ ਪ੍ਰਾਪਤ ਹੈ ਵੀ? ਜਾਂ ਨਹੀਂ? ਪਾਰਟੀਆਂ ਕੋਲੋਂ ਇਹ ਲਿਖਤੀ ਜਾਣਕਾਰੀ ਪ੍ਰਾਪਤ ਕਰਨ ਨੂੰ ਯਕੀਨੀ ਬਨਾਉਣ ਉਪਰੰਤ ਹੀ, ਉਨ੍ਹਾਂ ਨੂੰ ਚੋਣ ਨਿਸ਼ਾਨ (ਸਿੰਬਲ) ਆਲਾਟ ਕੀਤੇ ਜਾਣ? ਪ੍ਰਤੀ ਬੇ ਪੱਤਰ
ਗੁਰਦੁਆਰਿਆਂ ਦਾ ਪ੍ਰਬੰਧ–ਸਤਿਗੁਰੂ ਸਾਹਿਬ ਸ੍ਰੀ ਗੁਰੂ ਗੰ੍ਰਥ ਸਾਹਿਬ ਜੀ ਦੀਆਂ ਸਿੱਖਿਆਵਾਂ ਦੇ ਪ੍ਰਚਾਰ ਕਰਨ ਕਰਵਾਉਣ ਨਾਲ ਜੁੜਿਆ ਹੋਇਆ ਹੈ। ਗੁਰਬਾਣੀ ਦੀਆਂ ਸਿੱਖਿਆਵਾਂ ਦੇ ਗਿਆਨ ਅੰਮ੍ਰਿਤ ਨਾਲ ਸੰਸਾਰ ਦੇ ਵਸਨੀਕ ਸ਼ਹਿਰੀਆਂ ਸਮੇਤ ਸਿੱਖ ਪਰਿਵਾਰਿਕ ਮੈਂਬਰਾਂ ਦੇ ਖੁਸ਼ਕ ਦਿਲ ਦਿਮਾਗ ਆਤਮਾਵਾਂ ਨੂੰ ਤਰੋ-ਤਰ ਪ੍ਰਫੁੱਲਿਤ, ਹਰਾ-ਭਰਾ ਤੇ ਜ਼ਰਖੇਜ਼ ਕਰ ਕੇ ਜੀਅ ਜਾਨ ਪ੍ਰਦਾਨ ਕਰਨ-ਕਰਵਾਉਣ ਨਾਲ ਜੁੜਿਆ ਹੋਇਆ ਹੈ। ਸਿੱਖ ਧਰਮ ਦੇ ਘੋਲ ਵਾਲੇ ਪ੍ਰਭੂਸਤਾ (ਅਟੱਲ ਰਾਜ ਆਭੱਗ ਦਲ) ਦੀ ਸ਼ਾਨ ਵਧਾਉਣ ਨਾਲ ਜੁੜਿਆ ਹੋਇਆ ਹੈ। ਸਿੱਖ ਕੌਮ ਦੀ ਵਿਸ਼ੇਸ਼ ਪਹਿਚਾਣ ਨਿਆਰਾਪਨ ਤੇ ਵਿਲੱਖਣ ਪ੍ਰਤਿਭਾ ਕਿਵੇਂ ਬਹਾਲ ਅਤੇ ਸਥਿਰ ਹੋਵੇਗੀ?
ਅਜਿਹੀਆਂ ਗੁਰਮਤਿ ਅਨੁਕੂਲ, ਉਸਾਰੀਆਂ ਅਤੇ ਵਿਊੰਤੀਆਂ ਜਾਣ ਵਾਲੀਆਂ ਯੋਜਨਾਵਾਂ ਨਾਲ ਜੁੜਿਆ ਹੋਇਆ ਹੈ। ਦੇਸ਼-ਵਿਦੇਸ਼ ਦੇ ਸਮੂਹ ਵਸਨੀਕ ਸ਼ਹਿਰੀਆਂ ਸਮੇਤ ਖਾਸ ਕਰ ਕੇ ਸਿੱਖ ਪਰਿਵਾਰਕ ਮੈਂਬਰਾਂ ਵਿੱਚ ਆਪਸੀ ਅਮਨ, ਚੈਨ, ਇਤਫਾਕ, ਵਿਸ਼ਵਾਸ ਬਹਾਲ ਅਤੇ ਸਦਾ ਬਹਾਰ ਸਥਿਰ ਕਿਵੇਂ ਹੋਵੇ? ਗੁਰਬਾਣੀ ਦੀਆਂ ਸਿੱਖਿਆਵਾਂ ਅਨੁਸਾਰ ਦਿੱਤੀਆਂ ਜਾਣ ਵਾਲੀਆਂ ਹਦਾਇਤਾਂ ਦੇ ਨਾਲ ਜੁੜਿਆ ਹੈ। ਘੱਟੋ ਘੱਟ ਸਿੱਖ ਕੌਮ ਨਾਲ ਸਬੰਧਿਤ ਸਿੱਖ ਪਰਿਵਾਰ ਦੇ ਮੈਂਬਰਾਂ ਦੇ ਆਪਸ ਵਿੱਚ ਚਲ ਰਹੇ ਵੈਰ ਵਿਰੋਧ, ਮੁਕੱਦਮੇਬਾਜ਼ੀ ਸਮੇਤ ਜ਼ੋਰ ਜ਼ੁਲਮ, ਅੱਤਿਆਚਾਰ ਕਰਨ, ਕਰਵਾਉਣ ਵਾਲੀ ਦੁਰਮਤਿ ਭਰਪੂਰ ਬਲਦੀ ਅੱਗ ਨੂੰ ਗੁਰਬਾਣੀ ਦੇ ਗਿਆਨ ਅੰਮ੍ਰਿਤ ਨਾਲ ਬੁਝਾਉਣ ਦੀ ਕੋਸ਼ਿਸ਼ ਨਾਲ ਜੁੜਿਆ ਹੋਇਆ ਹੈ।
ਚੀਫ਼ ਕਮਿਸ਼ਨਰ ਸਾਹਿਬ ਜੀ! ਸਤਿਗੁਰੂ ਸਾਹਿਬ ਸ੍ਰੀ ਗੁਰੂ ਗੰ੍ਰਥ ਸਾਹਿਬ ਜੀ ਵੱਲੋਂ ਵਿਵਰਜਤ ਕੀਤੇ ਹੋਏ ਦੁਰਮਤਿ ਦੇ ਬੁਰੇ ਕਰਮ, ਜਿਹੜੇ ਕਿ ਸਿੱਖ ਪਰਿਵਾਰਕ ਮੈਂਬਰਾਂ ਨੇ ਕਦੇ ਵੀ, ਕਿਤੇ ਵੀ, ਕਿਸੇ ਵੀ ਸਮੇਂ, ਕਿਸੇ ਵੀ ਹਾਲਤ ਵਿੱਚ ਨਹੀਂ ਕਰਨੇ। ਨਾ ਕਰਨ ਯੋਗ ਨਿਗੁਰਿਆਂ ਵਾਲੇ ਬੋਲ, ਫੁਰਨੇ ਵਿਵਹਾਰਕ ਕਰਮ ਕਰਤੂਤਾਂ ਦੀ ਸੂਝ ਸਮਝ ਤੇ ਪਹਿਚਾਣ ਪ੍ਰਦਾਨ ਕਰਨ ਕਰਵਾਉਣ ਨਾਲ ਜੁੜਿਆ ਹੈ- ਗੁਰਦੁਆਰਿਆਂ ਦਾ ਪ੍ਰਬੰਧ। ਸਿੱਖ ਪਰਿਵਾਰਕ ਮੈਂਬਰਾਂ ਨੇ ਜਿਹੜੇ ਹਰ ਥਾਂ, ਹਰ ਸਮੇਂ, ਹਰ ਹਾਲਤ ਵਿੱਚ ਹਰ ਕੀਮਤ ਉੱਤੇ ਨਿਭਾਉਣ ਉਪਰੰਤ ਹੀ ਆਪਣੇ ਵੱਲੋਂ ਗੁਰੂ ਭਾਣੇ ਵਿੱਚ ਆਉਣ ਜਾਂ ਰਹਿਣ ਦੇ ਸਬੂਤ ਪੇਸ਼ ਕਰਨੇ ਹਨ। ਅਜਿਹੇ ਨਿਭਾਉਣ ਜੋਗ, ਗੁਰਮਤਿ ਦੇ ਸ਼ੁੱਭ ਕਰਮ ਕਮਾਉਣ ਯੋਗ ਸਿੱਖੀ ਕਰਤੱਵਾਂ ਸਮੇਤ ਸਤਿਗੁਰੂ ਸਾਹਿਬ ਸ੍ਰੀ ਗੁਰੂ ਗੰ੍ਰਥ ਸਾਹਿਬ ਜੀ ਵੱਲੋਂ ਕਮਾਉਣਯੋਗ ਦਰਸਾਏ ਹੋਏ ਸਦਗੁਣ ਭਰਪੂਰ ਸਨਮੁੱਖ ਸਾਗੁਰੇ ਗੁਰੂ ਪੀਰ ਵਾਲੇ ਗੁਰੂ ਸਿੱਖਾਂ ਵਰਗੇ ਬੋਲ, ਫੁਰਨੇ, ਵਿਵਹਾਰਕ, ਕਰਮ ਕਰਤੂਤਾਂ ਦੀ ਸਿੱਖ ਪਰਿਵਾਰਕ ਮੈਂਬਰਾਂ ਨੂੰ ਸੂਝ ਸਮਝ ਪਹਿਚਾਣ ਪ੍ਰਦਾਨ ਕਰਨ ਕਰਵਾਉਣ ਨਾਲ ਜੁੜਿਆ ਹੋਇਆ ਹੈ ਗੁਰਦੁਆਰਿਆਂ ਦਾ ਪ੍ਰਬੰਧ। ਪਰ ਅਫਸੋਸ ਕੇ ਸਿੱਖ ਕੌਮ ਨੂੰ ਸਿੱਖ ਪਰਿਵਾਰਕ ਮੈਂਬਰਾਂ ਨੂੰ ਗੁਰਬਾਣੀ ਦੀਆਂ ਸਿੱਖਿਆਵਾਂ ਦੀ ਸੂਝ-ਸਮਝ ਪਹਿਚਾਣ ਪ੍ਰਦਾਨ ਕਰਨ ਕਰਵਾਉਣ ਵਾਲਾ, ਧਰਮ ਨਿਭਾਉਣ ਵਿੱਚ ਕਦੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਕਦੇ ਸਫਲ ਨਹੀਂ ਹੋਈ, ਨਾ ਹੋ ਸਕੇਗੀ? ਕਾਰਣ….?
ਆਪਣੇ ਨਜ਼ਦੀਕ ਸਥਿਤ ਗੁਰਦੁਆਰਿਆਂ ਵਿੱਚ ਅੰਮ੍ਰਿਤ ਵੇਲੇ ਪ੍ਰਕਾਸ਼ਵਾਨ ਹੁੰਦੇ ਸਤਿਗੁਰੂ ਸਾਹਿਬ ਸ੍ਰੀ ਗੁਰੂ ਗੰ੍ਰਥ ਸਾਹਿਬ ਜੀ ਦੇ ਸਨਮੁੱਖ ਹਾਜ਼ਰ ਹੋਣ ਵਿੱਚ ਆਪਣੀ ਹੱਤਕ ਮਹਿਸੂਸ ਕਰਨ ਵਾਲੇ, ਧੰਨ ਜੋਬਨ ਪ੍ਰਤਿਭਾ ਦੇ ਮੱਧ ਵਿੱਚ ਬਦਮਸਤ ਗੁਰਬਾਣੀ ਦੀਆਂ ਸਿੱਖਿਆਵਾਂ ਦੀ ਸੂਝ ਸਮਝ ਪਹਿਚਾਣਹੀਣ, ਨੀਲੀ, ਪੀਲੀ, ਚਿੱਟੀ, ਕਾਲੀ, ਦਸਤਾਰ ਦੇ ਅਰਥ? ਉਦੇਸ਼? ਨਿਸ਼ਾਨੇ? ਗੁਣੀ ਸੁਭਾਅ? ਕਰਤੱਵਾਂ ਤੋਂ ਮੁਨਕਰ, ਬੇਖਬਰ, ਸੱਚ ਧਰਮ ਕਮਾਉਣ ਤੋਂ ਇਨਕਾਰੀ, ਸਿੱਖੀ ਕਰਤੱਵ ਨਿਭਾਉਣ ਤੋਂ ਮੁਨਕਰ, ਪਾਜੀ, ਬੇਮੁੱਖ, ਬੇਆਸ, ਨਿਰਵਿਕਾਰ, ਬੇਗੁਨਾਹ, ਸ਼ਿਫਾਰਸ਼ਹੀਣ, ਨਿਮਾਣੇ, ਆਰਥਿਕ ਕਮਜ਼ੋਰ, ਨਿਤਾਣੇ ਪਰ ਨਾਮ ਧੰਨ ਤੋਂ ਵਰੋਸਾਏ ਸਦਗੁਣਾਂ ਦੇ ਧਾਰਨੀ ਹੋਣ ਕਰ ਕੇ ਸਮਾਜ , ਸੋਸਾਇਟੀ ਦੇਸ਼ ਵਿੱਚ (ਸਿੱਖ ਕੌਮ ਵਿੱਚ) ਅਸਲ ਇੱਜ਼ਤਦਾਰ, ਸ਼ਰੀਫ਼ ਸ਼ਹਿਰੀਆਂ ਸਮੇਤ ਗੁਰਬਾਣੀ ਦੇ ਪਰਚਾਰਕਾਂ, ਗਿਆਨੀ, ਗੁਰੂ ਜਨਾਂ ਦੇ ਕੁਚਲੇ ਜਾ ਰਹੇ ਉਨ੍ਹਾਂ ਦੇ ਮਨੁੱਖੀ ਅਧਿਕਾਰ? ਤਬਾਹ ਕੀਤੀ ਜਾਂਦੇ ਜਾਨ-ਮਾਲ, ਧੰਨ, ਇੱਜ਼ਤ ,ਪ੍ਰਤਿਭਾ, ਰਿਜ਼ਕ, ਘਰ-ਪਰਿਵਾਰ , ਕਾਰੋਬਾਰ, ਭਰੀ ਖੁਸ਼ਹਾਲ ਜ਼ਿੰਦਗੀ? ਖੋਹੇ ਜਾਂਦੇ ਹੱਕ, ਸੱਚ , ਨਿਆਂ, ਇਨਸਾਫ਼? ਪ੍ਰਤੀ ਅਜਿਹੇ ਜ਼ੋਰ, ਜ਼ੁਲਮ, ਅੱਤਿਆਚਾਰ ਕਰਨ ਕਰਵਾਉਣ ਵਾਲੇ? ਬੇਇਨਸਾਫ਼, ਰਿਸ਼ਵਤਖੋਰ ਅਧਿਕਾਰੀ, ਪੜ੍ਹੇ ਲਿਖੇ ਅਪਰਾਧੀ ਅਤੇ ਭੂਮੀ ਡਰੱਗ ਮਾਫੀਏ, ਜ਼ਰਾਇਮ ਪੇਸ਼ਾ ਅਪਰਾਧੀਆਂ ਦੇ ਵਿਰੁੱਧ (ਕਿਸੇ ਵੀ ਪੱਖ ਤੋਂ) ‘‘ਤੇਗ਼’’ ਵਾਹੁੰਣ ਵੱਲੋਂ ਕਾਇਰ, ਗਿੱਦੜ, ਬੁੱਜ਼ਦਿਲ, ਡਰਪੋਕ, ਪਾਜੀ, ‘‘ਦੇਗ਼’’ ਚਲਾਉਣ ਵਾਲੀ ਪਰਉਪਕਾਰੀ ਤੇ ਉਦਾਰ ਬਿਰਤੀ ਵੱਲੋਂ ਕੰਗਾਲ, ਸੇਵਾ ਕਮਾਉਣ ਵਿੱਚ ਸ਼ਰਮ ਮਹਿਸੂਸ ਕਰਨ ਵਾਲੇ। ਨਾਮ ਅਭਿਆਸ, ਸਿਮਰਨ ਨੂੰ ਪਾਖੰਡ ਗਰਦਾਨਣ ਵਾਲੇ ਹਊਮੈਂ ਹੰਕਾਰ ਵਿੱਚ ਸੱਤੇ ਬਲਵੰਡ ਨਾਲੋਂ ਵੱਧ ਆਫਰੇ। ਦਿਲ ਦਿਮਾਗ ਆਤਮਾਵਾਂ ਤੋਂ ਗ਼ੈਰ ਸਿੱਖ ਪਰ ਧੰਨ ਪਦਾਰਥ ਪੱਦਵੀਆਂ ਖੋਹਣ ਲੁੱਟਣ ਹਥਿਆਉਣ ਦੇ ਬੁਰੇ ਇਰਾਦਿਆਂ ਤੋਂ। ਕੱਪੜੇ ਕਕਾਰ ਭੇਖ ਲਿਬਾਸ ਤੋਂ ਸਜੇ ਨੁਮਾਇਸ਼ੀ ਸਿੱਖ ਆਪਣੇ ਹੱਥ ਪੈਰ ਸਰੀਰ, ਨੱਕ, ਕੰਨ, ਜ਼ੁਬਾਨ, ਅੱਖਾਂ, ਸਿਰ ਅਤੇ ਬੁੱਧ ਦੀ ਗੁਰਮਤਿ ਦੇ ਵਿਰੁੱਧ। ਦੁਰਮਤਿ ਭਰਪੂਰ ਕੁਚੱਜੀ ਵਰਤੋਂ ਕਰਨ ਕਰਵਾਉਣ ਦੇ ਆਦਿ ਆਪਣੇ ਬੋਲ ਫੁਰਨੇ ਵਿਵਹਾਰਿਕ ਕਰਮ ਕਰਤੂਤਾਂ ਤੋਂ ਮਨਮੁੱਖ, ਦੁਸ਼ਟਿ ਚਉਕੜੀ ਦੇ ਸੰਗੀ ਸਾਥੀ। ਨਿਗੁਰੇ,ਗੁਰ ਗੋਪੂ ਚੇਲੇ ਨਰਿ ਬੁਿਰਆਈ, ਕੌਮ ਕਤੇਲੇ ਹੋਣ ਦਾ ਸਬੂਤ ਪੇਸ਼ ਕਰਨ ਵਾਲੇ। ਸਿੱਖ ਕੌਮ ਦੀ ਹੋਂਦ ਤੋਂ ਮੁਨਕਰ ,ਆਜ਼ਾਦ ਅਤੇ ਰਾਜ ਭਾਗ ਦੀ ਵਾਰਸ ਵਜੋਂ ਖੁੱਦਮੁਖਤਿਆਰ ਕੌਮ ਮੰਨਣ ਤੋਂ ਇਨਕਾਰੀ। ਸਿੱਖ ਧਰਮ ਦੇ ਬੋਲ ਬਾਲਿਆਂ ਤੋਂ ਭੈਅ-ਭੀਤ। ਸਿੱਖ ਧਰਮ ਦੀ ਪ੍ਰਭੂਸਤਾ (ਅਟੱਲ ਰਾਜ ਅਭੱਗ ਦਲ) ਦੀ ਸੰਪੂਰਨ ਸ਼ਾਨ ਵਧਾਉਣ ਵਾਲੇ, ਕਰਨਯੋਗ ਦਰਸਾਏ ਸਿੱਖੀ ਕਰਤਾਵਾਂ ਨੂੰ ਕੁਚਲ ਦੇਣ ਵਾਲੇ ਸਾਜ਼ਿਸ਼ਕਾਰ। ਸਤਿਗੁਰੂ ਸਾਹਿਬ ਸ੍ਰੀ ਗੁਰੂ ਗੰ੍ਰਥ ਸਾਹਿਬ ਜੀ ਦੀ ਸਰਬ ਉੱਚ ਹਸਤੀ ਨੂੰ ਨਕਾਰਨ ਤੇ ਵੰਗਾਰਨ ਵਾਲੀਆਂ ਦੁਰਮਤਿ ਭਰਪੂਰ ਹਿਮਾਕਤਾਂ ਕਰਨ ਕਰਵਾਉਣ ਵਾਲੇ ਸਿੱਖ ਧਰਮ ਦੇ ਅਸਲ ਦੁਸ਼ਮਣ? ਸਿੱਖ ਕੌਮ ਦੇ ਹੱਕੀ ਦੋਖੀ ਲੋਕ ਹੀ ਰੰਗ ਵਟਾ ਕੇ, ਕੱਪੜੇ ਕਕਾਰ ਧਾਰ ਕੇ, ਇਲੈਕਸ਼ਨ ਪ੍ਰਣਾਲੀ ਦੀ ਚੋਰ ਮੋਰੀ ਰਾਹੀਂ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵਿੱਚ ਘੁਸ ਪੈਂਠ ਕਰ ਚੁੱਕੇ ਹਨ। ਘੁਸ ਪੈਂਠ ਕਰਦੇ ਰਹਿਣਗੇ ਅਤੇ ਧੰਨ ਪਦਾਰਥ ਪੱਦਵੀਆਂ ਖੋਹਣ, ਲੁੱਟਣ, ਹਥਿਆਉਣ ਲਈ ਗੁਰਦੁਆਰਿਆਂ ਵਿੱਚ ਮਾਰੋ ਮਾਰੀ ਕਰਦੇ ਅਤੇ ਕਰਵਾਉਂਦੇ ਰਹਿਣਗੇ।
ਚੀਫ਼ ਕਮਿਸ਼ਨਰ ਸਾਹਿਬ ਜੀ! ਗੁਰਬਾਣੀ ਦੀਆਂ ਸਿੱਖਿਆਵਾਂ ਨਾਲ ਜੋੜਨ ਦੀ ਬਜਾਏ ਸ੍ਰੋ. ਗੁ. ਪ੍ਰਬੰਧਕ ਕਮੇਟੀ ਦੇ ਅਧਿਕਾਰੀਆਂ ਦੀਆਂ ਮਨਮਤਿ ਭਰਪੂਰ ਦੁਰ ਸਰਗਰਮੀਆਂ ਨੇ। ਸਿੱਖ ਪਰਿਵਾਰਕ ਮੈਂਬਰਾਂ ਨੂੰ, ਗੁਰਦੁਆਰਿਆਂ ਨਾਲੋਂ ਵੀ ਤੋੜ ਦਿੱਤਾ ਹੈ। ਭਾਰਤ ਪੰਜਾਬ ਦੇ ਵੱਡੇ-ਵੱਡੇ ਗੁਰਦੁਆਰਿਆਂ ਦੇ ਹਾਲ ਅੰਮ੍ਰਿਤ ਵੇਲੇ ਖਾਲੀ ਅਤੇ ਉਦਾਸੀ ਪ੍ਰਕਾਸ਼ਵਾਨ ਸਾਹਿਬ ਸ੍ਰੀ ਗੁਰੂ ਗੰ੍ਰਥ ਸਾਹਿਬ ਜੀ ਦੇ ਕੋਲ। ਕਿੱਧਰੇ ਦ,ੋ ਚਾਰ, ਦੱਸ, ਪੰਜਾਹ ਹੋਣ ਵੀ ਤਾਂ ਗੁਰਬਾਣੀੂ ਦੀਆਂ ਸਿੱਖਿਆਵਾਂ ਦੀ ਸੂਝ ਸਮਝ ਪਹਿਚਾਣ ਪ੍ਰਾਪਤ ਕਰਨ ਵਾਲੀ (ਗੁਰਮਤਿ ਯੋਗਤਾ ਰੂਪ) ਪਾਤਰਤਾ ਨਾ ਹੋਣ ਕਰ ਕੇ (ਆਪਣੀਆਂ ਹੀ ਮਾਨਤਾਵਾਂ, ਮਨਮਤਿ ਭਰਪੂਰ ਸਰਗਰਮੀਆਂ ਨੂੰ ਗੁਰਮਤਿ ਦਾ ਨਾਮ ਦੇ ਰਹੇ ਹਨ। ਆਪਣੇ ਬੱਚਿਆਂ ਦੇ ਨਾਮਕਰਨ? ਆਨੰਦਕਾਰਜ? ਮਰਮੋਏ ਆਪਣੇ ਪਰਿਵਾਰਿਕ ਮੈਂਬਰਾਂ ਦੇ ਨਮਿੱਤ ਗੁਰਬਾਣੀ ਪਾਠ (ਅਲਾਹਣੀਆਂ ਦਾ ਪਾਠ) ਕਰਨ ਕਰਵਾਉਣ ਵਾਲੀ ਵਕਤੀ ਜ਼ਰੂਰਤ ਤੋਂ ਇਲਾਵਾ- ਮੇਲੇ, ਗੁਰਪੁਰਬ ਸਮੇਂ ਸੜਕਾਂ ਉੱਤੇ ਨੁਮਾਇਸ਼ ਲਗਾਉਣ ਦੇ ਮਨੋਰੰਜਨ ਤੋਂ ਇਲਾਵਾ? ਸੇਵਾ ਧਰਮ ਕਾਰਜ? ਕੀਰਤਨ ਦਰਬਾਰ ਸਜਾ ਕੇ। ਧੰਨ ਪਦਾਰਥ, ਪੱਦਵੀਆਂ ਵਗੈਰਾ ਪਾਉਣ ਵਾਲੀ ਲਾਲਚ ਭਰਪੂਰ ਵਾਸ਼ਨਾ ਤੋਂ ਇਲਾਵਾ?
ਸਤਿਕਾਰਯੋਗ ਚੀਫ ਕਮਿਸ਼ਨਰ ਸਾਹਿਬ ਜੀ!
ਸਿੱਖ ਪਰਿਵਾਰਕ ਮੈਂਬਰਾਂ ਨੂੰ, ਸਿੱਖ ਕੌਮ ਨੂੰ, ਸਿੱਖ ਸੰਸਥਾਵਾਂ ਨੂੰ, ਸਿੱਖ ਧਰਮ ਪ੍ਰਤੀ , ਸਿੱਖ ਕੌਮ ਪ੍ਰਤੀ, ਦੱਸ ਗੁਰੂ ਸਾਹਿਬਾਨ ਅਤੇ ਉਨ੍ਹਾਂ ਦੀਆਂ ਮਨੋਭਾਵਨਾਵਾਂ ਪ੍ਰਤੀ। ਸਤਿਗੁਰੂ, ਸਾਹਿਬ ਸ੍ਰੀ ਗੁਰੂ ਗੰ੍ਰਥ ਸਾਹਿਬ ਜੀ ਪ੍ਰਤੀ। ਗੁਰਬਾਣੀ ਦੇ ਪ੍ਰਚਾਰਕਾਂ, ਗਿਆਨੀ ਗੁਰੂਜਨਾਂ ਪ੍ਰਤੀ ਸਾਹਿਬ ਸ੍ਰੀ ਗੁਰੂ ਗੰ੍ਰਥ ਸਾਹਿਬ ਵਿੱਚ ਨਿਭਾਉਣਯੋਗ ਦਰਸਾਈਆਂ ਹੋਈਆਂ- (ਤੰਨੁ, ਮੰਨੁ, ਧੰਨੁ ਤੋਂ) ਘਰ ਪਰਿਵਾਰਕ ਮੈਂਬਰਾਂ ਤੋਂ) ਜੀਅ ਜਾਨ ਤੋਂ ਨਿਭਾਈਆਂ ਜਾਣ ਵਾਲੀਆਂ ਜ਼ੁੰਮੇਵਾਰੀਆਂ ਦਾ ਚਾਅ, ਅਹਿਸਾਸ ਹੋਣਾ ਤਾਂ ਦੂਰ? ਸੂਝ, ਸਮਝ ਤੇ ਗਿਆਨ ਵੀ ਨਹੀਂ ਹੈ।
ਚੀਫ਼ ਕਮਿਸ਼ਨਰ ਸਾਹਿਬ ਜੀ! ਗੁਰਬਾਣੀ ਸਿੱਖਿਆਵਾਂ ਦਾ ਪ੍ਰਚਾਰ ਕਰਨਾ ਕਰਵਾਉਣਾ ਤਾਂ ਦੂਰ…? ਨਾੜਿਨਵੇਂ ਗੁਰਦੁਆਰਿਆਂ ਵਿੱਚ ਗੁਰਦੁਆਰਿਆਂ ਦੀ ਮਰਿਯਾਦਾ ਵੀ ਨਹੀਂ ਨਿਭਾਈ ਜਾ ਰਹੀ। ਸਿੱਖ ਪਰਿਵਾਰਕ ਮੈਂਬਰਾਂ ਦੇ ਦਿਲ ਦਿਮਾਗ ਆਤਮਾਵਾਂ ਵਿੱਚ ਸਿੱਖੀ ਬਾਣੇ ਨਾਲ ਪਿਆਰ ਨਹੀਂ ਰਿਹਾ। ਗੁਰਬਾਣੀ ਦਾ ਭੈਅ, ਭਾਉਂ, ਅਦਬ, ਸਨਮਾਨ, ਸਤਿਕਾਰ ਨਹੀਂ ਰਿਹਾ।
ਚੀਫ਼ ਕਮਿਸ਼ਨਰ ਸਾਹਿਬ ਜੀ! ਸਿੱਖ ਧਰਮ ਦੇ ਪਤਨ ਹੋ ਜਾਣ ਦੇ ਖਤਰੇ, ਕਾਲੀਆਂ ਘਟਾਵਾਂ ਵਾਂਗ ਹੋਰ ਸੰਘਣੇ ਹੁੰਦੇ ਜਾ ਰਹੇ ਹਨ। ਸਿੱਖ ਕੌਮ ਦਾ ਸਰਬਨਾਸ਼ ਲਗਾਤਾਰ ਹੁੰਦਾ ਜਾ ਰਿਹਾ ਹੈ। ਸੱਚ ਸ਼ਰਮ ਦਾ ਰਾਹ ਛੱਡ ਕੇ ਗੁਰਬਾਣੀ ਸਿੱਖਿਆਵਾਂ, ਉਪਦੇਸ਼, ਹੁਕਮ, ਆਗਿਆ, ਭਾਣਾ ਛੱਡ ਕੇ, ਕੱਪੜੇ ਕਕਾਰ ਭੇਖ ਲਿਬਾਸ ਦੇ ਸਿੱਖ ਸੰਸਥਾਵਾਂ ਵਗੈਰਾ ਲੋਕ ਆਪੋ ਆਪਣੇ ਭਾਣਿਆਂ ਵਿੱਚ ਭਟਕ ਰਹੇ ਹਨ। ਸੁਮਾਰਗ ਛੱਡ ਕੇ ਕੁਰਾਹੇ ਪੈ ਚੁੱਕੀ ਸਿੱਖ ਕੌਮ ਦੀ ਮੌਜੂਦਾ ਬੁਰੀ ਹਾਲਤ ਲਈ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵਿੱਚ ਘੁਸ ਪੈਂਠ ਕਰ ਚੁੱਕੇ ਉਕਤ ਔਗਣ ਭਰਪੂਰ ਅਧਿਕਾਰੀ ਹੀ ਜ਼ਿੰਮੇਵਾਰ ਹਨ। ਭਵਿੱਖ ਵਿੱਚ ਅਜਿਹੇ ਨਾ-ਅਹਿਲ, ਓਜੜ ਲੋਕ ਹੁਣ ਫੇਰ ਘੁਸ-ਪੈਂਠ ਨਾ ਕਰ ਜਾਣ? ਜੋ ਸੰਭਾਵਨਾਵਾਂ ਹਨ। ਸੋ ਕ੍ਰਿਪਾਲਤਾ ਕਰ ਕੇ ਹਰ ਇੱਕ ਪਾਰਟੀ ਕੋਲੋਂ ਲਿਖਤੀ ਤੌਰ ’ਤੇ ਫੁਰਮਾਨ ਜਾਰੀ ਕਰਕੇ ਉਨ੍ਹਾਂ ਦੀ ਗੁਰਮਤਿ ਯੋਗਤਾ ਪ੍ਰਤੀ ਲਿਖਤੀ ਜਾਣਕਾਰੀ ਪ੍ਰਾਪਤ ਕਰਨ ਨੂੰ ਯਕੀਨੀ ਬਣਾਇਆ ਜਾਵੇ। ਆਪ ਜੀ ਨੂੰ ਪਾਰਟੀਆਂ ਦੱਸਣ ਕਿ 1. ਦਸਤਾਰਾਂ ਦੇ ਨੀਲੇ, ਕਾਲੇ, ਪੀਲੇ ਜਾਂ ਚਿੱਟੇ ਰੰਗਾਂ ਦਾ ਕੀ ਉਦੇਸ਼ ਹੈ? 2. ਸਿੱਖ ਸਭਾ, ਗੁਰੂ ਸਭਾ, ਸੰਤ ਸਭਾ, ਸਿੱਧ ਸਭਾ ਅਤੇ ਦੁਸ਼ਟਿ ਸਭਾ ਦੇ ਕੀ ਗੁਣ ਸੁਭਾਅ ਹਨ? 3. ਉਨ੍ਹਾਂ ਦੇ ਕਿੰਨੇ ਵਿਅਕਤੀਆਂ ਨੂੰ ਦਸਮ ਗੰ੍ਰਥ, ਪੰਥ ਪ੍ਰਕਾਸ਼, ਸਮੇਤ ਰਚਨਾਵਾਂ ਭਾਈ ਨੰਦ ਲਾਲ ਜੀ, ਭਾਈ ਗੁਰਦਾਸ ਜੀ, ਭਾਈ ਸੰਤੋਖ ਸਿੰਘ ਜੀ ਸਮੇਤ ਸਤਿਗੁਰੂ ਸਾਹਿਬ ਸ੍ਰੀ ਗੁਰੂ ਗੰ੍ਰਥ ਸਾਹਿਬ ਜੀ ਦੇ (ਉਕਤ ਰਚਨਾਵਾਂ ਸਮੇਤ) ਸੰਪੂਰਨ ਪਾਠ ਕਰਨ ਦੀ ਅਕਲ ਹੈ? ਜਾਂ ਨਹੀਂ? 4. ਉਹ ਸਿਮਰਨ ਸਟੇਜਾਂ ’ਤੇ ਮੁਕਤੀ ਮਾਰਗ ਬਾਰੇ ਕੀ ਜਾਣਦੇ ਹਨ? 5. ਦੱਸ ਗੁਰੂ ਸਾਹਿਬਾਨ ਦੇ ਅਵਤਾਰ ਲੈਣ ਦੇ ਕੀ ਕਾਰਣ ਸਨ? ਅਤੇ ਗੁਰੂ ਸਾਹਿਬ ਜੀ ਦੇ ਅਵਤਾਰ ਧਾਰਨ ਦੇ ਸੁਪਨੇ ਸਾਕਾਰ ਹੋਏ ਹਨ ਜਾਂ ਨਹੀਂ? 6. ਕੋਈ ਇਮਾਰਤਾਂ, ਗੁਰਦੁਆਰਾ ਸਾਹਿਬ ਕਿਵੇਂ ਅਪਣਾ ਸਕਦੀ ਹੈ? ਖੈਰ 7. ਉਹ ਗੁਰਦੁਆਰਿਆਂ ਦੇ ਪ੍ਰਬੰਧਕ ਬਣ ਕੇ ਕੀ ਕਰਨਾ ਚਾਹੁੰਦੇ ਹਨ?
ਚੀਫ਼ ਕਮਿਸ਼ਨਰ ਸਾਹਿਬ! ਉਕਤ ਸੁਆਲਾਂ ਦੇ ਜੁਆਬ ਸਾਰੀਆਂ ਪਾਰਟੀਆਂ ਕੋਲੋਂ ਪ੍ਰਾਪਤ ਕਰਨ ਉਪਰੰਤ ਹੀ ਚੋਣ ਨਿਸ਼ਾਨ (ਸਿੰਬਲ) ਅਲਾਟ ਕਰਨ ਨੂੰ ਯਕੀਨੀ ਬਨਾਉਣ ਦੀ ਕ੍ਰਿਪਾਲਤਾ ਕਰਨੀ ਜੀ।
ਧੰਨਵਾਦ ਸਾਹਿਤ…
ਆਪ ਜੀ ਦਾ ਸ਼ੁੱਭ ਚਿੰਤਕ
ਗਿ. ਸੁਲੱਖਣ ਸਿੰਘ ਤਸਕੀਨ
ਮੁੱਖ ਸੇਵਾਦਾਰ -ਸ਼੍ਰੋਮਣੀ ਗੁਰਮਤਿ ਪ੍ਰਚਾਰ ਸੰਸਥਾ ਪੰਜਾਬ ਅੰਮ੍ਰਿਤਸਰ।
ਸੰਪਾਦਕੀ ਡਾਕ 6 ਜੂਨ ਦਾ ਹਫਤਾਵਾਰੀ ਅੰਕ ਮਿਲਿਆ। ਕਹਾਣੀ ‘ਪ੍ਰੇਰਣਾ’ ਚੰਗੀ ਲੱਗੀ। ਸਾਰਥਿਕ ਸੰਦੇਸ਼ ਦੇ ਗਈ ਹੈ। ਮਿੰਨੀ ਕਹਾਣੀ ‘‘ਕੀਮਤ’’ ਸਮਾਜ ਦੇ ਗੰਦੇ ਲੋਕਾਂ ਦੇ ਕਿਰਦਾਰ ਦਾ ਪਰਦਾਫਾਸ਼ ਕਰਦੀ ਚੰਗੀ ਕ੍ਰਿਤ ਹੈ। ਬਾਲ ਕਹਾਣੀਆਂ ਵੀ ਚੰਗੀਆਂ ਸਨ।
ਛੋਟਾ ਘੱਲੂਘਾਰਾ-ਕੁੱਪ ਰੋਹੀੜ (ਸੰਗਰੂਰ)
ਛੋਟਾ ਘੱਲੂਘਾਰਾ ਕੁੱਪ ਰੋਹੀੜਾ ਸੰਗਰੂਰ ਜ਼ਿਲ੍ਹੇ ਵਿੱਚ ਹੈ। ਪਿਛਲੇ ਦਿਨੀਂ ਇੱਕ ਦੈਨਿਕ ਪਰਚੇ ਨੇ ਕੁੱਪ-ਰੋਹੀੜਾਂ ਜ਼ਿਲ੍ਹਾ ਬਰਨਾਲਾ ਵਿੱਚ ਦਰਸਾਇਆ ਹੈ ਜੋ ਕਿ ਗਲਤ ਹੈ। ਪੰਜਾਬ ਸਰਕਾਰ ਦਾ ਫਰਜ਼ ਬਣਦਾ ਹੈ ਕਿ ਇਸ ਜਗ੍ਹਾ ਨੂੰ ਇਤਿਹਾਸਕ ਮਹੱਤਵ ਦਿੰਦੇ ਹੋਏ,ਯਾਦਗਾਰ ਬਣਾਈ ਜਾਵੇ ਤਾਂ ਕਿ ਆਉਣ ਵਾਲੀਆਂ ਪੀੜ੍ਹੀਆਂ ਇਸ ਧਰੋਹਰ ਬਾਰੇ ਜਾਣ ਸਕਣ।
ਰਾਜਿੰਦਰ ਵਰਮਾ
ਸੰਪਾਦਕੀ ਡਾਕ ਭਾਈ ਜਸਵੀਰ ਸਿੰਘ ਖ਼ਾਲਸਾ ਜੀ ਵੱਲੋਂ ਘੱਲੂਘਾਰਾ ਸਪਤਾਹ ’ਤੇ ਲਿਖਿਆ ਖੋਜ ਤੱਥ ਤੇ ਸਿੱਖ ਖਾੜਕੂ ਸੰਘਰਸ਼ਸ਼ੀਲਾਂ ਨੂੰ ਸੇਧ ਦੇਣ ਵਾਲਾ ਲੇਖ ਸਿੱਖ ਨੌਜਵਾਨਾਂ ਦੀ ਮਾਨਸਿਕਤਾ ਕਿਉਂ ਲੱਭਦੀ ਹੈ ਸੰਤ ਭਿੰਡਰਾਂਵਾਲਾ ਪੜ੍ਹ ਕੇ 20ਵੀਂ ਸਦੀ ਦੇ ਸਿੱਖ ਸੰਘਰਸ਼ ਦਾ ਸਹੀ ਗਿਆਨ ਦਿੰਦਾ ਹੈ। ਮਹਾਨ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਾ ਦਾ ਸੀਸ ਤਲੀ ਤੇ ਧਰ ਕੇ ਭਾਰਤੀ ਫੌਜ ਨਾਲ ਜੂਝਣ ਦੀ ਸ਼ਹਾਦਤ ਸਿੱਖ ਇਤਿਹਾਸ ਵਿੱਚ ਪ੍ਰੇਰਣਾ ਸਰੋਤ ਹੈ। ਦਮਦਮੀ ਟਕਸਾਲ ਦੇ 14ਵੇਂ ਮੁੱਖੀ ਦੀ ਵਿਦਵਤਾ ਨੂੰ ਕ੍ਰਾਂਤੀਕਾਰੀ ਸਲਾਮ ਹੈ। ਭਾਈ ਜਸਬੀਰ ਸਿੰਘ ਖਾਲਸਾ ਜੋ ਕਿ ਸਿੱਖ ਸੰਘਰਸ਼ ਦੇ ਖੁਦ ਹਮਸਫਰ ਰਹੇ ਹਨ ਅੱਜ ਦੀ ਆਵਾਜ਼ ਰਾਹੀਂ ਸੰਸਾਰ ਦੇ ਸਿੱਖਾਂ ਨੂੰ ਸੰਤ ਭਿੰਡਰਾਂਵਾਲੇ ਦੇ ਸੁਪਨੇ ਸਾਕਾਰ ਕਰਨ ਲਈ ਸਿੱਖੀ ਸਪਿਰਟ ਨਾਲ ਮਾਰਗ ਦਰਸ਼ਨ ਕਰਦੇ ਰਹਿਣਗੇ। ਲੇਖਕ ਪੱਟੀ 84 ਦੇ ਸ਼ਹੀਦਾਂ ਦੀ ਯਾਦਗਾਰ ਦਾ ਸਮਰਥਨ ਹੈ।
ਕੁਲਦੀਪ ਸਿੰਘ ਪੱਟੀ
-0-
ਮੁੱਖ ਸੰਪਾਦਕ ਜੀ ਸਤਿ ਸ੍ਰੀ ਅਕਾਲ
ਸਾਡੇ ਸਕੂਲ ਦੇ ਰਾਹ ਵਿੱਚ ਪ੍ਰੀਤ ਨਗਰ ਦੋਆਬਾ ਚੌਂਕ ਵਿੱਚ ਸ਼ਰਾਬ ਦਾ ਠੇਕਾ ਖੁੱਲ੍ਹ ਗਿਆ ਹੈ। ਕਿਵੇਂ ਖੁੱਲ੍ਹਿਆ ਪਤਾ ਨਹੀਂ? ਇਸ ਠੇਕੇ ਦੇ ਨਾਲ ਦੋ ਗੁਰਦੁਆਰੇ ਤੇ ਕਈ ਸਕੂਲ ਹਨ। ਪ੍ਰਸ਼ਾਸਨ ਅੰਨ੍ਹਾ ਹੈ, ਮੁਹੱਲਾ ਸੁੱਤਾ ਹੈ। ਕੌਣ ਸੋਚੇਗਾ? ਦੋਆਬਾ ਚੌਂਕ ਨਸ਼ੱਈਆਂ ਦਾ ਅੱਡਾ ਬਣ ਗਿਆ ਹੈ, ਜਿਸ ਕਰਕੇ ਸਾਨੂੰ ਬੜੀਆਂ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਅਧਿਕਾਰੀ ਤਾਂ ਜੇਬਾਂ ਭਰ ਕੇ ਬੈਠ ਗਏ ਹਨ। ਸਾਡਾ ਭਵਿੱਖ ਕੌਣ ਦੇਖੇਗਾ?
ਸਮੂਹ ਵਿਦਿਆਰਥੀ ਵਰਗ
ਪ੍ਰੀਤ ਨਗਰ ਦੋਆਬਾ ਚੌਂਕ ਜਲੰਧਰ
-0-
ਮੰਡੀਆਂ ਵਿੱਚ ਲਾ ਦਿੱਤੇ
ਕਰੇਂ ਨਾ ਕਮਾਈ ਉੱਤੇ ਭੌਰਾ ਜੱਟ ਮੇਰ ਤੂੰ,
ਮੰਡੀਆਂ ਵਿੱਚ ਲਾ ਤੇ ਮੋਤੀਆਂ ਦੇ ਢੇਰ ਤੂੰ।
ਕਰੇਂ ਨਾ ਪ੍ਰਵਾਹ ਤੂੰ ਹਾੜ੍ਹ ਤੇ ਸਿਆਲ ਦੀ,
ਹੱਡ ਭੰਨਵੀਂ ਕਮਾਈ ਤਰੀ ਸਾਰੇ ਸਾਲ ਦੀ।
ਨੀਅਤ ਨੂੰ ਮੁਰਾਦਾਂ-ਨਾ ਕਰੇ ਹੇਰ ਫੇਰ ਤੂੰ।
ਮੰਡੀਆਂ ’ਚ ਲਾ ਦਿੱਤੇ…।
ਦਾਣਾ-ਫੱਕਾ ਸਾਂਭ ਕਰ ਸੰਦਾਂ ਦੀ ਸਫਾਈ ਤੂੰ।
ਮੀਂਹ ਕਣੀ ਧੁੱਪ ਤੋਂ ਇਨ੍ਹਾਂ ਨੂੰ ਬਚਾਈਂ ਤੂੰ।
ਖੇਤ ਵਿੱਚ ਗੇੜ੍ਹਾ ਰੱਖ ਸ਼ਾਮ ਤੇ ਸਵੇਰ ਤੂੰ।
ਮੰਡੀਆਂ ਵਿੱਚ ਲਾ ਦਿੱਤੇ…।
ਚੰਗਾ ਬੀਜ ਲੈ ਕੇ ਬੀਜੀਂ ਝੋਨੇ ਦੀ ਪਨੀਰੀ ਤੂੰ,
ਮਾੜੇ ਬੀਜ ਬੀਜ ਕੇ ਪਛਤਾਈਂ ਨਾ ਅਖੀਰ ਤੂੰ।
ਜਿੰਨੀ ਲੋੜ ਓਨਾਂ ਬੀਜ ਖੇਤ ਵਿੱਚ ਕੇਰ ਤੂੰ।
ਮੰਡੀਆਂ ਵਿੱਚ ਲਾ ਦਿੱਤੇ…।
ਕਮਾਈ ਦੇ ਢੰਗ ਆਪਾਂ ਹੋਰ ਵੀ ਬਣਾਉਣੇ ਨੇ,
ਖੇਤੀ ਦੇ ਸਹਾਇਕ ਧੰਦੇ ਉਹ ਵੀ ਅਪਣਾਉਣੇ ਨੇ।
ਪਹਿਲਾਂ ਹੀ ਤੂੰ ਪਿੱਛੇ ਬੜਾ-ਨਾ ਕਰ ਦੇਰ ਤੂੰ,
ਮੰਡੀਆਂ ਵਿੱਚ ਲਾ ਦਿੱਤੇ….।
ਬੈਂਕ ਤੇ ਸੋਸਾਇਟੀ ਦਾ ਵੀ ਕਰਜ਼ਾ ਸਾਰਾ ਮੋੜਨਾ,
ਮੂਲ ਵਿਚ ਵਾਧੂ ਦਾ, ਵਿਆਜ ਨਹੀਓਂ ਜੋ²ੜਨਾ।
ਵਿਹਾਰ ਰੱਖ ਪੂਰਾ ਨਾ ਕਹਾ ਦੂਜੀ ਵੇਰ ਤੂੰ,
ਮੰਡੀਆਂ ਵਿੱਚ ਲਾ ਦਿੱਤੇ…।
ਆਪ ਨਹੀਂ ਪੜ੍ਹਿਆ ਬੱਚੇ ਤੂੰ ਪੜ੍ਹਾ ਲੈ ਹੁਣ,
‘ਅਮਰੀਕ ਤਲਵੰਡੀ’ ਦੀ ਗੱਲ ਝੋਲੀ ਪਾ ਲੈ ਹੁਣ।
ਵਿਦਿਆ ਦੇ ਦੀਪ ਨਾਲ ਕਰ ਦੂਰ ਨੇਰ੍ਹ ਤੂੰ,
ਮੰਡੀਆਂ ਵਿੱਚ ਲਾ ਦਿੱਤੇ…।
ਅਮਰੀਕ ਸਿੰਘ ਤਲਵੰਡੀ
-0-
ਗਜ਼ਲ
ਮੁੱਖ ਤੇਰਾ ਹੈ ਸੱਜਣਾ ਖੁੱਲ੍ਹੀ ਕਿਤਾਬ ਜਿਹਾ,
ਰੋਹਬ ਤੇਰਾ ਹੈ ਪੂਰਾ ਚੰਗੇ ਨਵਾਬ ਜਿਹਾ।
ਨੈਣਾਂ ਦੇ ਵਿੱਚ ਪ੍ਰੀਤ ਦਾ ਸਾਗਰ ਵਹਿ ਰਿਹਾ,
ਚਾਂਦੀ ਰੰਗਾ ਪਾਣੀ ਵੇਖ ਝਨਾਸ ਜਿਹਾ।
ਹੁਸਨ ਤਿਰੇ ਦੇ ਬਾਰੇ ਹੁਣ ਮੈਂ ਕੀ ਕਹਾਂ?
ਮਹਿਕਾਂ ਨਾਲ ਭਰਪੂਰ ਹੈ ਫੁੱਲ ਗੁਲਾਬ ਜਿਹਾ।
ਤਿਰੀ ਮਿੱਠੀ ਆਵਾਜ਼ ਨੇ ਪੰਛੀ ਕੀਲ੍ਹ ਲਏ,
ਧੁਨੀ ਵਲੇਵੇਂ ਖਾਂਦੀ ਵਜਦਾ ਰੁਬਾਬ ਜਿਹਾ।
ਟੋਰ ਤਿਰੀ ਨੂੰ ਵੇਖ ਮਿਰਗ ਵੀ ਪਏ ਸਿਖੇ,
ਢਲਦੀ ਥਾਂ ਨੂੰ ਜਾਏ ਵਹਿੰਦਾ ਆਬ ਜਿਹਾ।
ਪ੍ਰੀਤ ਦੀ ਗੂੜੀ ਨੀਂਦਰ ਭੈੜੀ ਦੱਸ ਬੈਠੀ,
ਅੱਖ ਖੁੱਲ੍ਹੀ ਤਾਂ ਸੋਚਾਂ ਕੀ ਏ ਖਾਬ ਜਿਹਾ?
ਢੂੰਡ ਥੱਕੇ ਸਭ ਦੁਨੀਆਂ, ਐਸਾ ਮਿਲਿਆ ਨਾ,
ਹੁਸਨ ਕਿਤੇ ਨਾ ਡਿੱਠਾ ਤੇਰੇ ਸ਼ਬਾਬ ਜਿਹਾ।
‘ਆਜ਼ਾਦ’ ਤੇਰੇ ਬਿਨ ਸਾਡੀ ਮਹਿਫਲ ਸੱਖਣੀ ਹੈ,
ਤੂੰ ਜਾਪੇਂ ਤਾਂ ਸਾਨੂੰ ਸਦਾ ਜਨਾਬ ਜਿਹਾ।
ਰਣਜੀਤ ਆਜ਼ਾਦ ਕਾਂਝਲਾ
ਸ਼ਿਵਪੁਰੀ (ਧੂਰੀ)
ਸਾਡੀ ਨੌਜਵਾਨ ਪੀੜ੍ਹੀ ਨੂੰ ਬਚਾਉਣ ਦੀ ਲੋੜ ਹੈ ਆਮ ਜਨਤਾ ਨੂੰ ਆਪਣੇ ਹੱਕਾਂ ਲਈ ਖੁੱਦ ਹੀ ਲੜਨਾ ਪਵੇਗਾ ਕਿਉਂਕਿ ਸਰਕਾਰ ਨੂੰ ਜਨਤਾ ਦੀ ਲੋੜ ਸਿਰਫ਼ ਵੋਟਾਂ ਵੇਲੇ ਹੀ ਪੈਂਦੀ ਹੈ। ਕਿਸਾਨਾਂ, ਮਜ਼ਦੂਰਾਂ ਸਮੇਤ ਹਰ ਵਰਗ ਦੇ ਲੋਕਾਂ ਨਾਲ ਸਰਕਾਰੀ ਵਿਤਕਰਾ ਹੋ ਰਿਹਾ ਹੈ। ਸਾਡੀ ਨੌਜਵਾਨ ਪੀੜ੍ਹੀ ਬਹੁਤ ਬੁਰੀ ਤਰ੍ਹਾਂ ਨਾਲ ਨਸ਼ੇ ਵਿੱਚ ਫੱਸ ਚੁੱਕੀ ਹੈ। ਸਰਕਾਰ ਦੇ ਫੌਕੇ ਵਾਦਿਆਂ ਦਾ ਹਿਸਾਬ ਸ਼ਰੇਆਮ ਵਿੱਕ ਰਹੇ ਹਰ ਤਰ੍ਹਾਂ ਦੇ ਨਸ਼ਿਆਂ ਤੋਂ ਹੀ ਲਗਾਇਆ ਜਾ ਸਕਦਾ ਹੈ। ਨਸ਼ਾ ਸ਼ਰੇਆਮ ਸਾਡੇ ਸਮਾਜ ਨੂੰ ਘੁਣ ਵਾਂਗ ਖਾ ਰਿਹਾ ਹੈ ਤੇ ਸਰਕਾਰ ਨੇ ਇਨ੍ਹਾਂ ਨੂੰ ਰੋਕਣ ਲਈ ਕੋਈ ਠੋਸ ਕਦਮ ਨਹੀਂ ਚੁੱਕਿਆ। ਜਿਸ ਦਾ ਨਤੀਜਾ ਅੱਜ ਦੇ ਨੌਜਵਾਨ ਨਿੱਕੇ ਤੋਂ ਨਿੱਕੇ ਅਪਰਾਧ ਵੀ ਕਰਨ ਲੱਗ ਪਏ ਹਨ ਤੇ ਸ਼ਾਮ ਹੁੰਦਿਆਂ ਹੀ ਰਾਹਗੀਰਾਂ ਦੀ ਸੁੱਟ-ਖਸੁੱਟ ਆਦਿ ਹੋਣ ਲੱਗ ਪੈਂਦੀ ਹੈ। ਪਰ ਹੈਰਾਨੀ ਦੀ ਗੱਲ ਇਹ ਹੈ ਕਿ ਪੁਸਿਲ ਇਨ੍ਹਾਂ ਲੁਟੇਰਿਆਂ ਨੂੰ ਫੜ੍ਹਨ ਵਿੱਚ ਹਮੇਸ਼ਾਂ ਨਾਕਾਮ ਹੀ ਰਹਿੰਦੀ ਹੈ। ਪੰਜਾਬ ਦੀ ਤਰਸਯੋਗ ਹਾਲਤ ਲਈ ਪੁਲਿਸ ਅਤੇ ਪੰਜਾਬ ਸਰਕਾਰ ਸਿੱਧੇ ਰੂਹ ਵਿੱਚ ਜ਼ਿੰਮੇਵਾਰ ਹੈ ਅਤੇ ਮਨੁੱਖੀ ਹੱਕਾਂ ਦੀ ਗੱਲ ਕਰਨ ਵਾਲਿਆਂ ਨੂੰ ਸਰਕਾਰੀ ਨਰਾਜ਼ਗੀ ਦਾ ਸ਼ਿਕਾਰ ਹੋਣਾ ਪੈਂਦਾ ਹੈ। ਅੱਜ ਸਮੇਂ ਦੀ ਨਜ਼ਾਕਤ ਨੂੰ ਦੇਖਦੇ ਹੋਏ ਆਪਣੇ ਹੱਕਾਂ ਲਈ ਖੁੱਦ ਹੀ ਲੜਾਈ ਲੜਨ ਦੀ ਸਖ਼ਤ ਲੋੜ ਹੈ।
ਮਨਦੀਪ ਕੌਰ
ਚੱਕ ਅੰਮ੍ਰਿਤਸਰੀਆ ਸਮਾਣਾ
ਸਿੱਖ ਕੌਮ ਨੂੰ ਬਚਾਉਣ ਦੀ ਲੋੜ ਸਿੱਖ ਕੌਮ ਗਿਰਾਵਟ ਵੱਲ ਜਾ ਰਹੀ ਹੈ, ਪ੍ਰੰਤੂ ਇਸ ਨੂੰ ਬਚਾਉਣ ਦਾ ਯੋਗ ਉਪਰਾਲਾ ਨਹੀਂ ਹੋ ਰਿਹਾ। ਅੱਜ ਗੁਰੂ ਘਰਾਂ ਦੇ ਪ੍ਰਬੰਧਕ ਸਿਰਫ ਪੈਸੇ ਨੂੰ ਮੁੱਖ ਰੱਖ ਰਹੇ ਹਨ। ਜੋ ਕਹਾਵਤ ਬਣੀ ਸੀ ਕਿ ਗੁਰੂ ਦੀ ਗੋਲਕ ਗਰੀਬ ਦਾ ਮੂੰਹ ਅੱਜ ਲੱਖਾਂ ਰੁਪਏ ਆਮ ਪ੍ਰੋਗਰਾਮ †ਤੇ ਖਰਚ ਕੇ ਪ੍ਰਬੰਧਕ ਵਾਹ-ਵਾਹ ਖੱਟ ਜਾਂਦੇ ਹਨ, ਪ੍ਰੰਤੂ ਪ੍ਰਾਪਤੀ ਕੁੱਝ ਵੀ ਨਹੀਂ ਹੁੰਦੀ, ਜਿੰਨਾਂ ਚਿਰ ਕੋਈ ਪ੍ਰਾਪਤੀ ਨਹੀਂ ਹੋਵੇਗੀ ਗੁਰੂ ਕੀ ਗੋਲਕ ਹਰ ਲੋੜਵੰਦ ਸਿੱਖ ਲਈ ਹਮੇਸ਼ਾਂ ਖੁੱਲ੍ਹੀ ਰਹਿਣੀ ਚਾਹੀਦੀ ਹੈ। ਲੋਕ ਜਦੋਂ ਪ੍ਰੋਗਰਾਮ ’ਤੇ ਜਾਂਦੇ ਹਨ ਤਾਂ ਉਨ੍ਹਾਂ ਦੀ ਸੋਚ ਪ੍ਰਾਪਤੀ ਵੱਲ ਨਹੀਂ ਹੁੰਦੀ, ਸਗੋਂ ਲੰਗਰ ਖਾਣ ਵੱਲ ਸਾਰਾ ਧਿਆਨ ਹੁੰਦਾ ਹੈ।
ਦੀਦਾਰ ਸਿੰਘ ਬਾਬਰਪੁਰ
ਲੁਧਿਆਣਾ
ਇਹ ਟੈਸਟਿੰਗ ਖਬਰ ਹੈ 
ਸਤਿਕਾਰਯੋਗ ਸ. ਬਲਜੀਤ ਸਿੰਘ ਬਰਾੜ ਜੀ ਪਿਆਰ ਭਰੀ ਸਤਿ ਸ੍ਰੀ ਅਕਾਲ ਪ੍ਰਵਾਨ ਕਰਨੀ ਜੀ
ਮੈਂ ਆਪ ਜੀ ਦਾ ਅਖਬਾਰ ਅੱਜ ਦੀ ਆਵਾਜ਼ ਕੋਈ ਡੇਢ ਮਹੀਨੇ ਤੋਂ ਪੜ੍ਹ ਰਿਹਾ ਹਾਂ। ਮੈਂ ਇਸ ਵਿੱਚ ਇਹ ਮਹਿਸੂਸ ਕੀਤਾ ਹੈ ਕਿ ਇਹ ਅਖਬਾਰ ਵੱਡੀ ਪੱਧਰ ’ਤੇ ਛੱਪ ਕੇ ਲੋਕਾਂ ਦੇ ਹੱਥਾਂ ਵਿੱਚ ਪੁੱਜ ਰਿਹਾ ਹੈ। ਇਸ ਵਿੱਚ ਕੋਈ ਦੋ ਰਾਇ ਨਹੀਂ ਕਿ ਇਹ ਪੰਜਾਬ ਦੀ ਉਮੀਦ ਹੈ। ਪਰ ਜੋ ਗੱਲ ਮੇਰੇ ਦਿਮਾਗ ਵਿੱਚ ਘੁੰਮ ਰਹੀ ਰਹੀ ਹੈ ਕਿ ਆਪ ਜੀ ਦੇ ਪੇਪਰ ਵਿੱਚ ਫਿਰੋਜ਼ਪੁਰ ਤੇ ਖਾਸ ਕਰਕੇ ਅਬੋਹਰ ਤੇ ਫਾਜਿਲਕਾ ਤੋਂ 1-2 ਮਹੀਨੇ ਤੋਂ ਕੋਈ ਕਵਰੇ ਨਹੀਂ ਹੋ ਰਹੀ। ਮੈਂ ਇਸ ਬਾਰੇ ਆਪ ਜੀ ਦੇ ਦਫਤਰ ਤੋਂ ਪਤਾ ਕੀਤਾ ਤਾਂ ਇਹ ਪਤਾ ਲੱਗਾ ਕਿ ਸ. ਕੁਲਵੰਤ ਸਿੰਘ ਸੰਧੂ ਅਬੋਹਰ ਤੋਂ ਪੱਤਰਕਾਰ ਹਨ, ਪਰ ਉਹ ਖਬਰਾਂ ਕਦੇ ਨਹੀਂ ਭੇਜਦੇ। ਇਹ ਗੱਲ ਮੇਰੇ ਦਿਮਾਗ ਵਿੱਚ ਘੁੰਮ ਰਹੀ ਹੈ ਕਿ ਇਹ ਕੀ ਹੈ? ਸਰਦਾਰ ਜੀ ਪੱਤਰਕਾਰ ਹੀ ਤਾਂ ਅਖਬਾਰਾਂ ਦੀ ਖੇਤੀ ਤੇ ਕਮਾਊ ਪੁੱਤ ਹੁੰਦੇ ਹਨ। ਜੇਕਰ ਉਹ ਤਨਦੇਹੀ ਨਾਲ ਮਿਹਨਤ ਕਰਕੇ ਪੇਪਰ ਨੂੰ ਖਬਰਾਂ ਨਹੀਂ ਭੇਜਣਗੇ ਤਾਂ ਦਾਲ ਰੋਟੀ ਕਿਵੇਂ ਚੱਲੇਗੀ? ਮੈਂ ਇਹ ਕੋਈ ਸ਼ਿਕਾਇਤ ਨਹੀਂ ਕਰ ਰਿਹਾ। ਇਹ ਮੇਰੀ ਨਿੱਜੀ ਰਾਏ ਹੀ ਹੋ ਸਕਦੀ ਹੈ। ਇਹ ਆਪ ਜੀ ਨੂੰ ਵੀ ਚੰਗੀ ਨਾ ਲੱਗੇ ਪਰ ਜੋ ਸੱਚ ਹੈ ਉਹ ਕਹਿਣ ਤੇ ਲਿਖਣ ਵਿੱਚ ਕੋਈ ਹਰਜ ਨਹੀਂ ਹੈ। ਸਾਡਾ ਅਬੋਹਰ ਸ਼ਹਿਰ ਕਾਫੀ ਵੱਡਾ ਹੈ ਅਤੇ ਤਹਿਸੀਲ ਵੀ ਹੈ ਜੇਕਰ ਅਖਬਾਰ ਦੇ ਪੱਤਰਕਾਰ ਦੇ ਕੇਵਲ ਸ਼ਨਾਖਤੀ ਕਾਰਡ ਬਣਾ ਲੈਣ ਨਾਲ ਪੱਤਰਕਾਰੀ ਨਹੀਂ ਹੁੰਦੀ ਇਸ ਨੂੰ ਸਮਰਪਿਤ ਹੋਣਾ ਪੈਂਦਾ ਹੈ। ਜੇਕਰ ਤੁਸੀਂ ਇਹ ਮਹਿਸੂਸ ਕਰੋ ਕਿ ਜੋ ਮੈਂ ਲਿਖ ਕੇ ਆਪ ਜੀ ਦਾ ਧਿਆਨ ਸਹੀ ਦਿਸ਼ਾ ਵੱਲ ਦਿਵਾਇਆ ਹੈ ਤਾਂ ਮੇਰੇ ਪੱਤਰ ਦਾ ਉੱਤਰ ਦੇ ਦੇਣਾ ਵਰਨਾ ਰੱਦੀ ਦੀ ਟੋਕਰੀ ਦੀ ਵੀ ਕੋਈ ਲੋੜ ਨਹੀਂ ਉਂਝ ਹੀ ਪਾੜ ਦੇਣਾ। ਮੈਂ ਆਪ ਜੀ ਨੂੰ ਦੂਰਦਰਸ਼ਨ ਤੇ ਖਾਸ ਖਬਰ ਇੱਕ ਨਜ਼ਰ ਤੇ ਸੁਣਦਾ ਹਾਂ ਤੇ ਆਪ ਜੀ ਦੀ ਸੋਚ ਨਾਲ 100 ਫੀਸਦੀ ਸਹਿਮਤ ਹਾਂ। ਮੈਂ ਇਹ ਵੀ ਨੋਟ ਕੀਤਾ ਹੈ ਪੇਪਰ ਵਿੱਚ ਟਾਈਪਿੰਗ ਦੀ ਵੀ ਬਹੁਤ ਹੀ ਗਲਤੀਆਂ ਹੁੰਦੀਆਂ ਹਨ ਜੋ ਕਿ ਕੋਈ ਖਾਸ ਗੱਲ ਨਹੀਂ ਪਰ ਦੋ ਤਹਿਸੀਲਾਂ ਤੋਂ ਖਬਰਾਂ ਨਾ ਜਾਣ ਇਹ ਠੀਕ ਨਹੀਂ ਲੱਗਦਾ। ਬਾਕੀ ਆਪ ਜੀ ਬਹੁਤ ਹੀ ਸੂਝਵਾਨ ਇਨਸਾਨ ਹੋ। ਤੁਸੀਂ ਇਹ ਵਿਚਾਰ ਕਰੋ ਕਿ ਕੀ ਸਹੀ ਹੈ ਕੀ ਨਹੀਂ। ਜੇਕਰ ਆਪ ਕੋਈ ਸੇਵਾ ਦਿਓਗੇ ਤਾਂ ਸਿਰ ਮੱਥੇ ਪ੍ਰਵਾਨ ਹੋਵੇਗੀ ਕਿਸੇ ਦੇ ਨਾਲ ਕੰਮ ਕਰਨਾ ਕੋਈ ਗੁਲਾਮੀ ਨਹੀਂ ਹੈ। ਕਈ ਚੇਲੇ ਗੁਰੂਆਂ ਤੋਂ ਆਮ ਹੀ ਅੱਗੇ ਨਿਕਲ ਜਾਂਦੇ ਹਨ। ਜ਼ਿਆਦਾ ਨਾ ਲਿਖਦਾ ਹੋਇਆ ਖਿਮਾ ਦਾ ਜਾਚਕ ਹਾਂ।
ਆਪ ਜੀ ਦਾ ਵਿਸ਼ਵਾਸ ਪਾਤਰ
ਬਲਦੇਵ ਸਿੰਘ ਵਿਰਕ ਐੱਮ.ਏ.ਪੰਜਾਬੀ
ਪਿੰਡ ਤੇ ਡਾਕ. ਝੂਰੜ ਖੇੜਾ ਤਹਿ. ਅਬੋਹਰ ਫਿਰੋਜ਼ਪੁਰ
ਸੰਪਾਦਕੀ ਡਾਕ ਪਰਮ ਸਤਿਕਾਰਯੋਗ ਜੀਓ ਜੱਥੇਦਾਰ ਗੁਰਬਚਨ ਸਿੰਘ ਜੀ
ਸ੍ਰੀ ਅਕਾਲ ਤਖਤ ਸਾਹਿਬ ਅੰਮ੍ਰਿਤਸਰ !
ਵਾਹਿਗੁਰੂ ਜੀ ਕਾ ਖਾਲਸਾ,ਵਾਹਿਗੁਰੂ ਜੀ ਕੀ ਫਤਹਿ।
ਆਪ ਸਿੱਖ ਪੰਥ ਦੇ ਸੁਪਰੀਮ ਤਖਤ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਜੱਥੇਦਾਰ ਵੱਜੋਂ ਪਿਛਲੇ ਸਾਲ ਜ਼ਿੰਮੇਵਾਰੀ ਸੰਭਾਲੀ ਹੈ। ਪੰਜਵਾਂ ਤਖਤ ਸ੍ਰੀ ਦਮਦਮਾ ਸਾਹਿਬ ਤਲਵੰਡੀ ਸਾਬੋਂ ਕੀ (ਬਠਿੰਡਾ) ਤੋਂ ਸਿੱਖ ਸਮੁਦਾਇ ਦਾ ਇੱਕ ਵੱਖਰਾ ਨਾਨਕਸ਼ਾਹੀ ਕੈਲੰਡਰ 2003 ਵਿੱਚ ਖਾਲਸੇ ਦੀ ਸਾਜਨਾ ਵਾਲੇ ਦਿਨ ਰਿਲੀਜ਼ ਕਰਕੇ ਲਾਗੂ ਕੀਤਾ ਗਿਆ ਸੀ, ਪੰਥਕ ਜੱਥੇਬੰਦੀਆਂ ਦੇ ਇਤਰਾਜ਼ਾਂ ਕਰਕੇ ਹੁਣ ਇਸ ਕੈਲੰਡਰ ਵਿੱਚ ਸੋਧਾਂ ਕੀਤੀਆਂ ਗਈਆਂ ਹਨ। ਇਨ੍ਹਾਂ ਸੋਧਾਂ ਨੂੰ ਸ਼੍ਰੋਮਣੀ ਕਮੇਟੀ ਨੇ ਵੀ ਪ੍ਰਵਾਨਗੀ ਦਿੱਤੀ ਹੈ। ਇਸ ਸਬੰਧ ਵਿੱਚ ਆਪ ਜੀ ਨੂੰ ਬੇਨਤੀ ਭੇਜ ਰਹੇ ਹਾਂ ਕਿ ਜੰਤਰੀ ਵਿੱਚ ਭੱਟਾਂ, ਭਗਤਾਂ, ਬਾਰੇ ਵੀ ਤਾਰੀਖਾਂ ਛਾਪੀਆਂ ਜਾਣ। ਸਮੁੱਚਾ ਪੰਥ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਮੱਥਾ ਟੇਕਦਾ ਹੈ ਤੇ ਇਸ ਵਿੱਚ ਗੁਰੂ ਸਾਹਿਬਾਨਾਂ, ਭਗਤਾਂ, ਭੱਟਾਂ ਤੇ ਗੁਰਸਿੱਖਾਂ ਦੀ ਬਾਣੀ ਦਰਜ ਹੈ। ਇਸ ਸੋਧੇ ਜਾ ਰਹੇ ਨਾਨਕਸ਼ਾਹੀ ਕੈਲੰਡਰ ਵਿੱਚ ਗੁਰੂ ਸਾਹਿਬਾਨ ਦੇ ਪ੍ਰਕਾਸ਼ ਪੁਰਬ, ਗੁਰਗੱਦੀ ਤੇ ਜੋਤੀ-ਜੋਤ ਪੁਰਬ ਦੀਆਂ ਤਾਰੀਖਾਂ ਦੇ ਨਾਲ-ਨਾਲ ਸਾਰੇ ਭਗਤਾਂ, ਭੱਟਾਂ ਤੇ ਗੁਰਸਿੱਖਾਂ ਦੇ ਪ੍ਰਕਾਸ਼ ਪੁਰਬ ਤੇ ਜੋਤੀ-ਜੋਤ ਪੁਰਬਾਂ ਦੀਆਂ ਤਾਰੀਖਾਂ ਵੀ ਛਾਪੀਆਂ ਜਾਣ? ਦਸਮ ਪਾਤਸ਼ਾਹ ਨੇ ਆਪਣੇ ਅੰਤਿਮ ਸਮੇਂ ਕਿਹਾ ਸੀ ਕਿ ‘‘ਸਭ ਸਿਖਨ ਕੋ ਹੁਕਮ ਹੈ, ਗੁਰੂ ਮਾਨਿਓ ਗ੍ਰੰਥ।’’ ਗੁਰੂਆਂ ਦੇ ਪੁਰਬਾਂ ਵੇਲੇ ਸ੍ਰੀ ਹਰਿਮੰਦਰ ਸਾਹਿਬ ਵਿੱਚ ਉਨ੍ਹਾਂ ਦੀ ਬਾਣੀ ਦਾ ਗਾਇਨ ਹੁੰਦਾ ਹੈ ਤੇ ਅਰਦਾਸ ਕੀਤੀ ਜਾਂਦੀ ਹੈ। ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਿੱਚ ਭਗਤਾਂ, ਭੱਟਾਂ ਤੇ ਗੁਰਸਿੱਖਾਂ ਦੇ ਪੁਰਬ ਲਈ ਨਿਸ਼ਚਿਤ ਮਿਤੀ ਕਰਕੇ ਉਨ੍ਹਾਂ ਦੀ ਬਾਣੀ ਗਾਇਨ ਕਰਕੇ ਅਰਦਾਸ ਕਰਨ ਦੀ ਪੰ੍ਰ੍ਰਪਰਾ ਵੀ ਸ਼ੁਰੂ ਕੀਤੀ ਜਾਵੇ। ਕ੍ਰਿਪਾ ਕਰਕੇ ਇਨ੍ਹਾਂ ਸੁਝਾਵਾਂ ’ਤੇ ਅਮਲ ਕੀਤਾ ਜਾਵੇ।
ਧੰਨਵਾਦੀ ਹੋਵਾਂਗੇ।
ਬਲਵਿੰਦਰ ਸਿੰਘ ਕੋਟਕਪੂਰਾ
ਸੰਪਾਦਕੀ ਡਾਕ ਬਹੁਤ ਹੀ ਸਤਿਕਾਰਯੋਗ ਜੀਓ, ਸਤਿ ਸ੍ਰੀ ਅਕਾਲ
ਹਰਭਜਨ ਸਿੰਘ ਬਰਾੜ ਦੀ ਕਿਤਾਬ ‘ਸਾਂਝਾਂ ਆਰ-ਪਾਰ ਦੀਆਂ’ ਹੁਣੇ ਹੀ ਪੜ੍ਹ ਕੇ ਹਟਿਆ ਹਾਂ। ਪਹਿਲਾਂ ਕਿੰਨਾ ਚਿਰ ਬੈਠਾ ਕਿਤਾਬ ਵਿਚਲੀਆਂ ਘਟਨਾਵਾਂ ਬਾਰੇ ਸੋਚਦਾ ਰਿਹਾ। ਉਨ੍ਹਾਂ ਲੋਕਾਂ ਦੇ ਦੁੱਖਾਂ ਨੂੰ ਮਹਿਸੂਸ ਕਰਕੇ ਕਿੰਨਾ ਚਿਰ ਗੁੰਮ-ਸੁੰਮ ਬੈਠਾ ਰਿਹਾ। ਹੁਣ ਸ਼ਕਤੀ ਜਿਹੀ ਇੱਕਠੀ ਕਰਕੇ ਲਿਖਣ ਲੱਗਿਆ ਹਾਂ। ਕਿਤਾਬ ਵਿੱਚ ਜਿੰਦਾਂ ਦਾ ਆਪਣੇ ਰਿਸ਼ਤੇਦਾਰਾਂ ਨੂੰ ਮਿਲਣਾ ਅਤੇ ਨੂਰਾਂ ਦਾ ਆਪਣੇ ਭਰਾਵਾਂ ਨੂੰ ਮਿਲਣ ਦਾ ਬਿਆਨ ਅੱਖਾਂ ਨਮ ਕਰ ਗਿਆ। ਤੁਹਾਡੀ ਇਹ ਕਿਤਾਬ ਪੜ੍ਹ ਕੇ ਅੱਖਾਂ ਸਾਹਮਣੇ ਵੰਡ ਦੀ ਤਸਵੀਰ ਹੋਰ ਵੀ ਸਾਫ ਹੋ ਗਈ ਹੈ ਕਿ ਲੋਕਾਂ ਨੇ ਵੰਡ ਦੇ ਕਿੰਨੇ ਦੁੱਖ ਝੱਲੇ ਸੀ ਅਤੇ ਅੱਜ ਵੀ ਝੱਲ ਰਹੇ ਹਨ, ਜਿਨ੍ਹਾਂ ਲੋਕਾਂ ਨੂੰ ਤੁਸੀਂ ਮਿਲਾਇਆ ਹੈ, ਉਨ੍ਹਾਂ ਲਈ ਤੁਸੀਂ ਰੱਬ ਹੋ। ਤੁਹਾਡੇ ਵਾਲਾ ਕੰਮ ਕੋਈ ਦੇਵਤਾ ਹੀ ਕਰ ਸਕਦਾ ਹੈ। ਤੁਸੀਂ ਦੋਵਾਂ ਪੰਜਾਬਾਂ ਵਿਚਕਾਰ ਪੁਲ ਦਾ ਕੰਮ ਕਰਦਿਆਂ ਪੰਜ ਦਰਿਆਵਾਂ ਦੀ ਧਰਤੀ ਦਾ ਲਾਇਕ ਪੁੱਤਰ ਹੋਣ ਦਾ ਸਬੂਤ ਦਿੱਤਾ ਹੈ। ਆਪਣੇ ਪਿੰਡ ਦੀ ਮਿੱਟੀ ਨੂੰ ਤਰਸਦੇ ਮੁਖਤਿਆਰ ਸਿੰਘ ਨੂੰ ਜਦ ਉਸ ਦੇ ਉੱਧਰ ਰਹਿ ਗਏ ਘਰ ਵਿੱਚੋਂ ਮਿੱਟੀ ਲਿਆ ਕੇ ਦਿੱਤੀ ਹੋਵੇਗੀ ਤਾਂ ਪਤਾ ਨਹੀਂ ਉਸ ਨੇ ਤੁਹਾਨੂੰ ਕਿੰਨੀਆਂ ਹੀ ਅਸੀਸਾਂ ਦਿੱਤੀਆਂ ਹੋਣਗੀਆਂ। ਅਜਿਹੇ ਕਿੰਨੇ ਹੀ ਲੋਕ ਹਨ ਜਿਨ੍ਹਾਂ ਨੂੰ ਤੁਸੀਂ ਮਿਲਾਇਆ ਹੈ।
ਸਕੂਲਾਂ ਵਿੱਚ ਪੜ੍ਹਨ ਸਪਤਾਹ ਮਨਾਇਆ ਜਾ ਰਿਹਾ ਹੈ। ਜਿਸ ਵਿੱਚ ਪੂਰਾ ਹਫਤਾ ਬੱਚਿਆਂ ਨੂੰ ਸਾਹਿਤਕ ਕਿਤਾਬਾਂ ਪੜ੍ਹਾਉਣੀਆਂ ਹਨ। ਮੈਂ ਬੱਚਿਆਂ ਨੂੰ ਸਾਹਿਤਕ ਕਿਤਾਬਾਂ ਵੰਡ ਕੇ ਆਪ ‘ਸਾਂਝਾਂ ਆਰ-ਪਾਰ ਦੀਆਂ’ ਪੜ²੍ਹ ਰਿਹਾ ਸੀ। ਜਦੋਂ ‘ਮੈਂ ਮੁਆਫੀ’ ਦੀਆਂ ਅਖੀਰੀ ਲਾਈਨਾਂ ਪੜ੍ਹ ਰਿਹਾ ਸੀ ਤਾਂ ਮੇਰਾ ਮਨ ਭਰ ਆਇਆ। ਮੇਰੀਆਂ ਅੱਖਾਂ ਵਿੱਚੋਂ ਹੰਝੂ ਡਿੱਗ ਪਏ। ਇੱਕ ਬੱਚਾ ਮੇਰੇ ਕੋਲ ਆਇਆ। ਮੈਥੋਂ ਕੁੱਝ ਪੁੱਛ ਰਿਹਾ ਸੀ, ਪਰ ਮੇਰਾ ਗੱਚ ਭਰਿਆ ਹੋਣ ਕਰਕੇ ਮੇਰੇ ਮੂੰਹੋਂ ਬੋਲ ਨਹੀਂ ਸੀ ਨਿਕਲ ਰਿਹਾ। ਇਹ ਅੱਜ ਦੀ ਹੀ ਗੱਲ ਹੈ।
‘‘ਨਵੇਂ ਭਾਅ ਜੀ’’ ਨੇ ਬੜਾ ਹੈਰਾਨ ਕਰ ਦਿੱਤਾ ਹੈ ਕਿ ਜਿੰਦਗੀ ਕਿਨੇ ਮੋੜ ਕੱਟਦੀ ਹੈ। ਛਿੰਦੋ ਦਾ ਵਿਆਹ ਵੀ ਬੜਾ ਚੰਗਾ ਕੀਤਾ ਹੈ। ‘ਈਵਨਿਗ ਇੰਨ ਪੈਰਸ’ ਅਤੇ ਹਕੀਮ ਵੱਡਾ ਕਿ ਯਕੀਨ ਜਰੂਰ ਦੱਸਣਾ ਕਿ ਇਹ ਸੱਚਮੁੱਚ ਤੁਹਾਡੇ ਨਾਲ ਵਾਪਰੀ ਹੈ? ਬਾਕੀ ਇਸ ਕਿਤਾਬ ਤੋਂ ਤੁਹਾਨੂੰ ਜ਼ਿੰਜਗੀ ਬਾਰੇ ਹੋਰ ਬੜਾ ਕੁੱਝ ਪਤਾ ਲੱਗਾ ਹੈ।
Read More..
|
