ਸੰਪਾਦਕੀ ਡਾਕ ਪਰਮ ਸਤਿਕਾਰਯੋਗ ਜੀਓ ਜੱਥੇਦਾਰ ਗੁਰਬਚਨ ਸਿੰਘ ਜੀ
ਸ੍ਰੀ ਅਕਾਲ ਤਖਤ ਸਾਹਿਬ ਅੰਮ੍ਰਿਤਸਰ !
ਵਾਹਿਗੁਰੂ ਜੀ ਕਾ ਖਾਲਸਾ,ਵਾਹਿਗੁਰੂ ਜੀ ਕੀ ਫਤਹਿ।
ਆਪ ਸਿੱਖ ਪੰਥ ਦੇ ਸੁਪਰੀਮ ਤਖਤ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਜੱਥੇਦਾਰ ਵੱਜੋਂ ਪਿਛਲੇ ਸਾਲ ਜ਼ਿੰਮੇਵਾਰੀ ਸੰਭਾਲੀ ਹੈ। ਪੰਜਵਾਂ ਤਖਤ ਸ੍ਰੀ ਦਮਦਮਾ ਸਾਹਿਬ ਤਲਵੰਡੀ ਸਾਬੋਂ ਕੀ (ਬਠਿੰਡਾ) ਤੋਂ ਸਿੱਖ ਸਮੁਦਾਇ ਦਾ ਇੱਕ ਵੱਖਰਾ ਨਾਨਕਸ਼ਾਹੀ ਕੈਲੰਡਰ 2003 ਵਿੱਚ ਖਾਲਸੇ ਦੀ ਸਾਜਨਾ ਵਾਲੇ ਦਿਨ ਰਿਲੀਜ਼ ਕਰਕੇ ਲਾਗੂ ਕੀਤਾ ਗਿਆ ਸੀ, ਪੰਥਕ ਜੱਥੇਬੰਦੀਆਂ ਦੇ ਇਤਰਾਜ਼ਾਂ ਕਰਕੇ ਹੁਣ ਇਸ ਕੈਲੰਡਰ ਵਿੱਚ ਸੋਧਾਂ ਕੀਤੀਆਂ ਗਈਆਂ ਹਨ। ਇਨ੍ਹਾਂ ਸੋਧਾਂ ਨੂੰ ਸ਼੍ਰੋਮਣੀ ਕਮੇਟੀ ਨੇ ਵੀ ਪ੍ਰਵਾਨਗੀ ਦਿੱਤੀ ਹੈ। ਇਸ ਸਬੰਧ ਵਿੱਚ ਆਪ ਜੀ ਨੂੰ ਬੇਨਤੀ ਭੇਜ ਰਹੇ ਹਾਂ ਕਿ ਜੰਤਰੀ ਵਿੱਚ ਭੱਟਾਂ, ਭਗਤਾਂ, ਬਾਰੇ ਵੀ ਤਾਰੀਖਾਂ ਛਾਪੀਆਂ ਜਾਣ। ਸਮੁੱਚਾ ਪੰਥ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਮੱਥਾ ਟੇਕਦਾ ਹੈ ਤੇ ਇਸ ਵਿੱਚ ਗੁਰੂ ਸਾਹਿਬਾਨਾਂ, ਭਗਤਾਂ, ਭੱਟਾਂ ਤੇ ਗੁਰਸਿੱਖਾਂ ਦੀ ਬਾਣੀ ਦਰਜ ਹੈ। ਇਸ ਸੋਧੇ ਜਾ ਰਹੇ ਨਾਨਕਸ਼ਾਹੀ ਕੈਲੰਡਰ ਵਿੱਚ ਗੁਰੂ ਸਾਹਿਬਾਨ ਦੇ ਪ੍ਰਕਾਸ਼ ਪੁਰਬ, ਗੁਰਗੱਦੀ ਤੇ ਜੋਤੀ-ਜੋਤ ਪੁਰਬ ਦੀਆਂ ਤਾਰੀਖਾਂ ਦੇ ਨਾਲ-ਨਾਲ ਸਾਰੇ ਭਗਤਾਂ, ਭੱਟਾਂ ਤੇ ਗੁਰਸਿੱਖਾਂ ਦੇ ਪ੍ਰਕਾਸ਼ ਪੁਰਬ ਤੇ ਜੋਤੀ-ਜੋਤ ਪੁਰਬਾਂ ਦੀਆਂ ਤਾਰੀਖਾਂ ਵੀ ਛਾਪੀਆਂ ਜਾਣ? ਦਸਮ ਪਾਤਸ਼ਾਹ ਨੇ ਆਪਣੇ ਅੰਤਿਮ ਸਮੇਂ ਕਿਹਾ ਸੀ ਕਿ ‘‘ਸਭ ਸਿਖਨ ਕੋ ਹੁਕਮ ਹੈ, ਗੁਰੂ ਮਾਨਿਓ ਗ੍ਰੰਥ।’’ ਗੁਰੂਆਂ ਦੇ ਪੁਰਬਾਂ ਵੇਲੇ ਸ੍ਰੀ ਹਰਿਮੰਦਰ ਸਾਹਿਬ ਵਿੱਚ ਉਨ੍ਹਾਂ ਦੀ ਬਾਣੀ ਦਾ ਗਾਇਨ ਹੁੰਦਾ ਹੈ ਤੇ ਅਰਦਾਸ ਕੀਤੀ ਜਾਂਦੀ ਹੈ। ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਿੱਚ ਭਗਤਾਂ, ਭੱਟਾਂ ਤੇ ਗੁਰਸਿੱਖਾਂ ਦੇ ਪੁਰਬ ਲਈ ਨਿਸ਼ਚਿਤ ਮਿਤੀ ਕਰਕੇ ਉਨ੍ਹਾਂ ਦੀ ਬਾਣੀ ਗਾਇਨ ਕਰਕੇ ਅਰਦਾਸ ਕਰਨ ਦੀ ਪੰ੍ਰ੍ਰਪਰਾ ਵੀ ਸ਼ੁਰੂ ਕੀਤੀ ਜਾਵੇ। ਕ੍ਰਿਪਾ ਕਰਕੇ ਇਨ੍ਹਾਂ ਸੁਝਾਵਾਂ ’ਤੇ ਅਮਲ ਕੀਤਾ ਜਾਵੇ।
ਧੰਨਵਾਦੀ ਹੋਵਾਂਗੇ।
ਬਲਵਿੰਦਰ ਸਿੰਘ ਕੋਟਕਪੂਰਾ
ਸੰਪਾਦਕੀ ਡਾਕ ਬਹੁਤ ਹੀ ਸਤਿਕਾਰਯੋਗ ਜੀਓ, ਸਤਿ ਸ੍ਰੀ ਅਕਾਲ
ਹਰਭਜਨ ਸਿੰਘ ਬਰਾੜ ਦੀ ਕਿਤਾਬ ‘ਸਾਂਝਾਂ ਆਰ-ਪਾਰ ਦੀਆਂ’ ਹੁਣੇ ਹੀ ਪੜ੍ਹ ਕੇ ਹਟਿਆ ਹਾਂ। ਪਹਿਲਾਂ ਕਿੰਨਾ ਚਿਰ ਬੈਠਾ ਕਿਤਾਬ ਵਿਚਲੀਆਂ ਘਟਨਾਵਾਂ ਬਾਰੇ ਸੋਚਦਾ ਰਿਹਾ। ਉਨ੍ਹਾਂ ਲੋਕਾਂ ਦੇ ਦੁੱਖਾਂ ਨੂੰ ਮਹਿਸੂਸ ਕਰਕੇ ਕਿੰਨਾ ਚਿਰ ਗੁੰਮ-ਸੁੰਮ ਬੈਠਾ ਰਿਹਾ। ਹੁਣ ਸ਼ਕਤੀ ਜਿਹੀ ਇੱਕਠੀ ਕਰਕੇ ਲਿਖਣ ਲੱਗਿਆ ਹਾਂ। ਕਿਤਾਬ ਵਿੱਚ ਜਿੰਦਾਂ ਦਾ ਆਪਣੇ ਰਿਸ਼ਤੇਦਾਰਾਂ ਨੂੰ ਮਿਲਣਾ ਅਤੇ ਨੂਰਾਂ ਦਾ ਆਪਣੇ ਭਰਾਵਾਂ ਨੂੰ ਮਿਲਣ ਦਾ ਬਿਆਨ ਅੱਖਾਂ ਨਮ ਕਰ ਗਿਆ। ਤੁਹਾਡੀ ਇਹ ਕਿਤਾਬ ਪੜ੍ਹ ਕੇ ਅੱਖਾਂ ਸਾਹਮਣੇ ਵੰਡ ਦੀ ਤਸਵੀਰ ਹੋਰ ਵੀ ਸਾਫ ਹੋ ਗਈ ਹੈ ਕਿ ਲੋਕਾਂ ਨੇ ਵੰਡ ਦੇ ਕਿੰਨੇ ਦੁੱਖ ਝੱਲੇ ਸੀ ਅਤੇ ਅੱਜ ਵੀ ਝੱਲ ਰਹੇ ਹਨ, ਜਿਨ੍ਹਾਂ ਲੋਕਾਂ ਨੂੰ ਤੁਸੀਂ ਮਿਲਾਇਆ ਹੈ, ਉਨ੍ਹਾਂ ਲਈ ਤੁਸੀਂ ਰੱਬ ਹੋ। ਤੁਹਾਡੇ ਵਾਲਾ ਕੰਮ ਕੋਈ ਦੇਵਤਾ ਹੀ ਕਰ ਸਕਦਾ ਹੈ। ਤੁਸੀਂ ਦੋਵਾਂ ਪੰਜਾਬਾਂ ਵਿਚਕਾਰ ਪੁਲ ਦਾ ਕੰਮ ਕਰਦਿਆਂ ਪੰਜ ਦਰਿਆਵਾਂ ਦੀ ਧਰਤੀ ਦਾ ਲਾਇਕ ਪੁੱਤਰ ਹੋਣ ਦਾ ਸਬੂਤ ਦਿੱਤਾ ਹੈ। ਆਪਣੇ ਪਿੰਡ ਦੀ ਮਿੱਟੀ ਨੂੰ ਤਰਸਦੇ ਮੁਖਤਿਆਰ ਸਿੰਘ ਨੂੰ ਜਦ ਉਸ ਦੇ ਉੱਧਰ ਰਹਿ ਗਏ ਘਰ ਵਿੱਚੋਂ ਮਿੱਟੀ ਲਿਆ ਕੇ ਦਿੱਤੀ ਹੋਵੇਗੀ ਤਾਂ ਪਤਾ ਨਹੀਂ ਉਸ ਨੇ ਤੁਹਾਨੂੰ ਕਿੰਨੀਆਂ ਹੀ ਅਸੀਸਾਂ ਦਿੱਤੀਆਂ ਹੋਣਗੀਆਂ। ਅਜਿਹੇ ਕਿੰਨੇ ਹੀ ਲੋਕ ਹਨ ਜਿਨ੍ਹਾਂ ਨੂੰ ਤੁਸੀਂ ਮਿਲਾਇਆ ਹੈ।
ਸਕੂਲਾਂ ਵਿੱਚ ਪੜ੍ਹਨ ਸਪਤਾਹ ਮਨਾਇਆ ਜਾ ਰਿਹਾ ਹੈ। ਜਿਸ ਵਿੱਚ ਪੂਰਾ ਹਫਤਾ ਬੱਚਿਆਂ ਨੂੰ ਸਾਹਿਤਕ ਕਿਤਾਬਾਂ ਪੜ੍ਹਾਉਣੀਆਂ ਹਨ। ਮੈਂ ਬੱਚਿਆਂ ਨੂੰ ਸਾਹਿਤਕ ਕਿਤਾਬਾਂ ਵੰਡ ਕੇ ਆਪ ‘ਸਾਂਝਾਂ ਆਰ-ਪਾਰ ਦੀਆਂ’ ਪੜ²੍ਹ ਰਿਹਾ ਸੀ। ਜਦੋਂ ‘ਮੈਂ ਮੁਆਫੀ’ ਦੀਆਂ ਅਖੀਰੀ ਲਾਈਨਾਂ ਪੜ੍ਹ ਰਿਹਾ ਸੀ ਤਾਂ ਮੇਰਾ ਮਨ ਭਰ ਆਇਆ। ਮੇਰੀਆਂ ਅੱਖਾਂ ਵਿੱਚੋਂ ਹੰਝੂ ਡਿੱਗ ਪਏ। ਇੱਕ ਬੱਚਾ ਮੇਰੇ ਕੋਲ ਆਇਆ। ਮੈਥੋਂ ਕੁੱਝ ਪੁੱਛ ਰਿਹਾ ਸੀ, ਪਰ ਮੇਰਾ ਗੱਚ ਭਰਿਆ ਹੋਣ ਕਰਕੇ ਮੇਰੇ ਮੂੰਹੋਂ ਬੋਲ ਨਹੀਂ ਸੀ ਨਿਕਲ ਰਿਹਾ। ਇਹ ਅੱਜ ਦੀ ਹੀ ਗੱਲ ਹੈ।
‘‘ਨਵੇਂ ਭਾਅ ਜੀ’’ ਨੇ ਬੜਾ ਹੈਰਾਨ ਕਰ ਦਿੱਤਾ ਹੈ ਕਿ ਜਿੰਦਗੀ ਕਿਨੇ ਮੋੜ ਕੱਟਦੀ ਹੈ। ਛਿੰਦੋ ਦਾ ਵਿਆਹ ਵੀ ਬੜਾ ਚੰਗਾ ਕੀਤਾ ਹੈ। ‘ਈਵਨਿਗ ਇੰਨ ਪੈਰਸ’ ਅਤੇ ਹਕੀਮ ਵੱਡਾ ਕਿ ਯਕੀਨ ਜਰੂਰ ਦੱਸਣਾ ਕਿ ਇਹ ਸੱਚਮੁੱਚ ਤੁਹਾਡੇ ਨਾਲ ਵਾਪਰੀ ਹੈ? ਬਾਕੀ ਇਸ ਕਿਤਾਬ ਤੋਂ ਤੁਹਾਨੂੰ ਜ਼ਿੰਜਗੀ ਬਾਰੇ ਹੋਰ ਬੜਾ ਕੁੱਝ ਪਤਾ ਲੱਗਾ ਹੈ।
Read More..
ਸੰਪਾਦਕੀ ਡਾਕ (ਨਾਭੇ ਦੇ ਨਜ਼ਰ ਬੰਦ ਸਿੰਘਾਂ ਵੱਲੋਂ)
ਸ਼ਾਂਤਮਈ ਸਿੰਘਾਂ ’ਤੇ ਗੋਲੀ ਚਲਾਉਣ ਤੋਂ ਬਾਅਦ ਬਾਦਲ ਦਾ ਪੰਥ ਵਿਰੋਧੀ ਚਿਹਰਾ ਬੇਨਕਾਬ
ਪਿਛਲੇ ਦਿਨੀਂ ਲੁਧਿਆਣੇ ਸ਼ਹਿਰ ’ਚ ਪੰਥ ਵਿਰੋਧੀ ਅਤੇ ਸਿੱਖ ਗੁਰੂ ਸਾਹਿਬਾਨਾਂ ਖਿਲਾਫ ਕੂੜ ਪ੍ਰਚਾਰ ਕਰਨ ਵਾਲੇ ਨੂਰਮਹਿਲੀਏ ਆਸ਼ੂਤੋਸ਼ ਦੇ ਸਮਾਗਮ ਦੇ ਵਿਰੋਧ ’ਚ ਸ਼ਾਂਤਮਈ ਰੋਸ ਮਾਰਚ ਕਰਦੇ ਹੋਏ ਸਿੰਘਾਂ ’ਤੇ ਪੰਜਾਬ ਪੁਲਿਸ ਵੱਲੋਂ ਕੀਤੇ ਅੱਤਿਆਚਾਰ ਜਿਸ ’ਚ ਭਾਈ ਦਰਸ਼ਨ ਸਿੰਘ ਲੁਹਾਰਾ ਜੀ ਦੀ ਸ਼ਹਾਦਤ ਹੋਈ ਅਤੇ ਦਰਜਨਾਂ ਸਿੰਘਾਂ ਦੇ ਸਖਤ ਜ਼ਖਮੀ ਕਰਨ ਦੀ ਨਿਖੇਧੀ ਕਰਦਿਆਂ ਹੋਇਆਂ ਭਾਈ ਅਮੋਲਕ ਸਿੰਘ ਅਖਾੜਾ (ਸਕਿਉਰਟੀ ਜੇਲ੍ਹ ’ਚ ਬੰਦ) ਨੇ ਕਿਹਾ ਕਿ 31 ਸਾਲ ਬਾਅਦ ਬਾਦਲ ਨੇ ਫਿਰ ਸਿੱਖ ਕੌਮ ਨੂੰ ਅੰਮ੍ਰਿਤਸਰ ਸਾਹਿਬ ਵਿੱਚ ਬਾਦਲ ਦੀ ਸ਼ਹਿ ’ਤੇ ਨਰਕ-ਧਾਰੀਆਂ ਵੱਲੋਂ ਅਖੰਡ ਕੀਰਤਨੀ ਜਥੇ ਅਤੇ ਦਮਦਮੀ ਟਕਸਾਲ ਦੇ 13 ਸਿੰਘਾਂ ਨੂੰ ਸ਼ਹੀਦ ਅਤੇ 78 ਸਿੰਘ ਜ਼ਖਮੀ ਕਰਵਾਏ ਸਨ,ੇ ਦੀ ਯਾਦ ਤਾਜ਼ਾ ਕਰਵਾ ਦਿੱਤੀ ਹੈ। ਬਾਦਲ ਨੇ ਸਮੁੱਚੇ ਪੰਥ ਦੀ ਵਿਰੋਧ ਦੀ ਪਰਵਾਹ ਨਾ ਕਰਦੇ ਹੋਏ ਇਸ ਗੁਰੂ ਅਤੇ ਪੰਥ ਵਿਰੋਧੀ ਆਸ਼ੂਤੋਸ਼ ਦੇ ਸਮਾਗਮ ਕਰਵਾ ਕੇ ਪੰਥ ਦੀ ਪਿੱਠ ਵਿੱਚ ਛੁਰਾ ਮਾਰ ਕੇ ਸਮੁੱਚੇ ਪੰਥ ਨਾਲ ਗਦਾਰੀ ਕੀਤੀ ਹੈ। ਇਸ ਲਈ ਖਾਲਸਾ ਪੰਥ ਇਸ ਨੂੰ ਕਦੇ ਵੀ ਮੁਆਫ ਨਹੀਂ ਕਰੇਗਾ। ਭਾਈ ਅਖਾੜਾ ਨੇ ਕਿਹਾ ਕਿ ਕਿੰਨੇ ਸ਼ਰਮ ਦੀ ਗੱਲ ਹੈ ਕਿ ਦੋ ਦਿਨ ਪਹਿਲਾਂ ਜਿਸ ਪੰਜਾਬ ਪੁਲਿਸ ਨੂੰ ਪ੍ਰਵਾਸੀ ਮਜ਼ਦੂਰਾਂ ਨੇ ਗਿੱਦੜ ਕੁੱਟ ਕੀਤੀ, ਦਰਜਨਾਂ ਵਾਹਨ ਸਾੜ ਕੇ ਸੁਆਹ ਕੀਤੇ ਅਤੇ ਪੰਜਾਬ ਜਿਹੜਾ ਕਿ ਪਹਿਲਾਂ ਹੀ ਬੜੇ ਵੱਡੇ ਕਰਜ਼ੇ ਥੱਲੇ ਦੱਬਿਆ ਹੋਇਆ ਹੈ। ਅਖਬਾਰਾਂ ਅਨੁਸਾਰ 900 ਕਰੋੜ ਦਾ ਨੁਕਸਾਨ ਉਸ ਵੇਲੇ ਨਾ ਇਨ੍ਹਾਂ ਸੂਰਬੀਰਾਂ ਤੋਂ ਗੋਲੀ ਚੱਲੀ ਅਤੇ ਨਾ ਹੀ ਵਹਿਸ਼ਤ ਦਾ ਨੰਗਾ ਨਾਚ ਕਰ ਰਹੇ ਪਰਵਾਸੀਆਂ ਤੋਂ ਆਪਣੀਆਂ ਜਾਨਾਂ ਬਚਾਉਣੀਆਂ ਔਖੀਆਂ ਹੋ ਗਈਆਂ। ਉਦੋਂ ਉੱਥੋਂ ਦੇ ਪੇਂਡੂ ਸਿੱਖਾਂ ਨੇ ਘੇਰ-ਘੇਰ ਕੇ ਕੁੱਟਦਿਆਂ ਦੀਆਂ ਜਾਨਾਂ ਬਚਾਈਆਂ। ਭਾਈ ਅਖਾੜਾ ਨੇ ਕਿਹਾ ਕਿ ਵਿਆਨਾ ਕਾਂਡ ਵਿੱਚ ਪੰਜਾਬ ਦੀ ਅਰਬਾਂ ਦੀ ਸੰਪਤੀ ਨੂੰ ਸਾੜਨ ਵਾਲੇ ਗੁੰਡਾ ਬਰਗੇਡ ਦੇ ਸ਼ਹੀਦਾਂ ਨੂੰ ਮਿਲੀ ਬਾਦਲ ਨੇ 5-5 ਲੱਖ ਪੰਜਾਬ ਦੇ ਖਜ਼ਾਨੇ ’ਚੋਂ ਦੇ ਕੇ ਹੁਲੜਬਾਜ਼ੀ ਕਰਨ ਵਾਲਿਆਂ ਨੂੰ ਸ਼ਹਿ ਦਿੱਤੀ। ਉਨ੍ਹਾਂ ਕਿਹਾ ਕਿ ਪਹਿਲਾਂ ਵੱਡੇ ਬਾਦਲ ਨੇ ਹਮੇਸ਼ਾ ਸਿੱਖ ਨੌਜਵਾਨਾਂ ਦਾ ਹੀ ਘਾਣ ਕੀਤਾ ਅਤੇ ਹੁਣ ਚਾਹੇ ਨਕਸਲੀ ਲਹਿਰ ਹੋਵੇ ਚਾਹੇ 1978 ਦਾ ਸਾਕਾ ਜਾਂ ਸਿਰਸੇ ਵਾਲੇ ਸਾਧ ਦੀ ਲੜਾਈ ਵਿੱਚ ਹਮੇਸ਼ਾ ਪੰਥ ਵਿਰੋਧੀਆਂ ਨੂੰ ਖੁਸ਼ ਕਰਕੇ ਆਪਣੇ ਅਤੇ ਆਪਣੇ ਫਰਜੰਦ ਦੀ ਕੁਰਸੀ ਪੱਕੀ ਕਰਨ ਵਾਸਤੇ ਹਮੇਸ਼ਾ ਪੰਥ ਵਿਰੋਧੀ ਸ਼ਕਤੀਆਂ ਦੀ ਹੀ ਪਿੱਠ ਠੋਕੀ ਹੈ। ਸੌ ਇਸ ਸਮੇਂ ਜ਼ਰੂਰਤ ਹੈ ਕਿ ਪੰਥ ਨਾਲ ਹਮਦਰਦੀ ਰੱਖਣ ਵਾਲੀਆਂ ਸਾਰੀਆਂ ਜਥੇਬੰਦੀਆਂ ਆਪਣੇ ਛੋਟੇ-ਮੋਟੇ ਗਿਲੇ-ਸ਼ਿਕਵੇ ਭੁੱਲ ਕੇ ਇੱਕ ਪਲੇਟਫਾਰਮ ’ਤੇ ਇਕੱਠੀਆਂ ਹੋ ਜਾਣ। ਤਾਂ ਕਿ ਬਾਦਲ ਪਰਿਵਾਰ ਦੇ ਗਲਬੇ ’ਚੋਂ ਪੰਥ ਨੂੰ ਆਜ਼ਾਦ ਕਰਵਾਇਆ ਜਾ ਸਕੇ। ਸੋ ਅਸੀਂ ਧਰਮ ਦੀ ਖਾਤਰ ਜੇਲ੍ਹਾਂ ਵਿੱਚ ਬੰਦ ਸਿੰਘਾਂ ਵੱਲੋਂ ਪੰਥਕ ਜਥੇਬੰਦੀਆਂ ਨੂੰ ਅਪੀਲ ਹੈ ਕਿ ਜੇ ਅੱਜ ਵੀ ਅਸੀਂ ਆਪਣੀਆਂ ਛੋਟੇ-ਛੋਟੇ ਲਾਲਚਾਂ ’ਚੋਂ ਨਿਕਲ ਕੇ ਬਾਦਲ ਨੂੰ ਇਸੇ ਤਰ੍ਹਾਂ ਸਿੱਖਾਂ ਦੇ ਸਿਰਾਂ ਦੇ ਮੁੱਲ ਵੱਟਣ ਦੀ ਖੁਲ੍ਹ ਦੇਈ ਰੱਖੀ ਤਾਂ ਇਤਿਹਾਸ ਦੇ ਅਸੀਂ ਵੀ ਦੇਣਦਾਰ ਹੋਵਾਂਗੇ।
ਪੰਥ ਦਾ ਦਾਸ ਅਮੋਲਕ ਸਿੰਘ (ਅਖਾੜਾ)
|
