ਸਿੱਖ ਕਤਲੇਆਮ ਦੇ ਮੁੱਖ ਦੋਸ਼ੀਆਂ ਦਾ ਸਾਥ ਦੇਣ ਵਾਲੇ ਸਰਨਾ ਭਰਾਵਾਂ ਦਾ ਅਸਲੀ ਚਿਹਰਾ ਨੰਗਾ ਹੋਇਆ ਜਰਮਨੀ, 27 ਜੁਲਾਈ (ਅ.ਬ.)- ਦਿੱਲੀ ਦੇ ਸਿੱਖ ਕਤਲੇਆਮ ਦੇ ਦੋਸ਼ੀਆਂ ਦਾ ਸਾਥ ਨਾਲ ਅੱਜ ਸਰਨਾ ਭਰਾਵਾਂ ਦਾ ਝੂਠ ਦਾ ਭਾਂਡਾ ਚੁਰਸਤੇ ਵਿਚ ਭੱਜ ਚੁੱਕਾ ਹੈ। ਇਕ ਪਾਸੇ ਇਹ ਲੋਕ ਸਿੱਖੀ ਦੇ ਦਾਅਵੇਦਾਰ ਬਣੀ ਬੈਠੇ ਹਨ ਤੇ ਗੁਰਦੁਆਰਿਆਂ ’ਤੇ ਕਾਬਜ ਹੋ ਕੇ ਗੁਰੂ ਦੀ ਗੋਲਕ ਸਿੱਖੀ ਵਿਰੁੱਧ ਹੀ ਵਰਤ ਰਹੇ ਹਨ। ਇਹ ਅੱਜ ਦੇ ਮਹੰਤ ਨਰੂਣੂ ਦਾਸ ਹਨ ਜੋ ਸਿੱਖੀ ਭੇਸ ਵਿਚ ਸਿੱਖੀ ਅਤੇ ਸਿੱਖਾਂ ਦਾ ਹੀ ਨੁਕਸਾਨ ਕਰ ਰਹੇ ਹਨ। ਸਰਨਾ ਭਰਾਵਾਂ ਅਤੇ ਇਨ੍ਹਾਂ ਵਰਗੇ ਸਿੱਖੀ ਵਿਰੋਧਧਆਂ ਨੇ ਹਮੇਸ਼ਾ ਉਨ੍ਹਾਂ ਸਿੱਖਾਂ ’ਤੇ ਇਲਜ਼ਾਮ ਲਾਏ ਜੋ ਇਮਾਨਦਾਰੀ ਨਾਲ ਸਿੱਖੀ ਦੀ ਸੇਵਾ ਕਰ ਰਹੇ ਹਨ? ਇਹ ਲੋਕ ਉਸ ਹਰੇਕ ਸਿੱਖ ਦੇ ਵੈਰੀ ਹਨ ਜੋ ਸੱਚੇ ਦਿਲੋਂ ਸਿੱਖੀ ਦੀ ਸੇਵਾ ਕਰ ਰਿਹਾ ਹੈ।
Read More..
ਸਿਡਨੀ ਵਾਸੀ ਡਾ: ਅਮਰਜੀਤ ਸਿੰਘ ਟਾਂਡਾ ਲੜਣਗੇ ਆਸਟ੍ਰੇਲੀਆ ਦੀਆਂ ਪਾਰਲੀਮਾਨੀ ਚੋਣਾਂ  ਸਿਡਨੀ, 27, ਜੁਲਾਈ (ਅ.ਬ)- ਪੰਜਾਬੀ ਦੇ ਜਾਣੇ ਪਹਿਚਾਣੇ ਸ਼ਾਇਰ, ਹਿੰਦ ਰਤਨ ਐਵਾਰਡ ਵਿਜੇਤਾ, ਪੰਜਾਬੀਅਤ ਦੀ ਸੋਚ ’ਤੇ ਪਹਿਰਾ ਦੇਣ ਵਾਲੇ ਡਾ.ਅਮਰਜੀਤ ਸਿੰਘ ਟਾਂਡਾ ਆਸਟ੍ਰੇਲੀਆ ’ਚ 21 ਅਗਸਤ 2010 ਨੂੰ ਹੋਣ ਵਾਲੀਆਂ ਪਾਰਲੀਮਾਨੀ ਚੋਣਾਂ ’ਚ ਅਜ਼ਾਦ ਉਮੀਦਵਾਰ ਵਜੋਂ ਗਰੀਨਵੇ ਡਿਵੀਜ਼ਨ ਤੋਂ ਭਾਰਤੀ ਪੰਜਾਬੀ ਪਾਕਿਸਤਾਨੀ ਬੰਹਗਲਾਦੇਸੀ ਤੇ ਸ੍ਰੀ ਲੰਕਨ ਲੋਕਾਂ ਵੱਲੋਂ ਨਾਮਜ਼ਦ ਕੀਤੇ ਗਏ ਹਨ। ਡਾ.ਅਮਰਜੀਤ ਟਾਂਡਾ ਨੇ ਗਰੀਨਵੇ ਡਿਵੀਜ਼ਨ ’ਚ ਵਸਦੇ ਆਪਣੇ ਸਾਰੇ ਦੋਸਤਾਂ-ਮਿੱਤਰਾਂ ਨੂੰ ਆਪਣੀ ਕੀਮਤੀ ਵੋਟ ਲਈ ਅਪੀਲ ਕੀਤੀ ਹੈ। ਗਰੀਨਵੇ ਡਿਵੀਜ਼ਨ ’ਚ ਪੈਂਡਲ ਹਿੱਲ, ਗਿਰਾਵੀਨ, ਸੈਵਨ ਹਿੱਲ, ਟੂਨਗਾਬੀ, ਲਾਲਰ ਪਾਰਕ, ਕਿੰਗਜ਼ ਲੈਂਗਲੀ, ਕਿੰਗਜ਼ ਪਾਰਕ, ਕਿਉਐਕਰਜ਼ ਹਿੱਲ, ਪਾਰਕਲੀ, ਕੈਲੀਵਿੱਲ ਰਿੱਜ਼, ਦਾ ਪੌਂਡਜ, ਸਕੋਫ਼ੀਲਡ, ਰਿਵਰਸਟੋਨ ਦੇ ਇਲਾਕੇ ਸ਼ਾਮਿਲ ਹਨ- ਡਾ.ਅਮਰਜੀਤ ਟਾਂਡਾ ਚੌਥੀ
Read More..
ਉਤਰ ਕੋਰੀਆ ਖ਼ਿਲਾਫ ਸਖ਼ਤ ਕਦਮ ਉਠਾਵੇ ਚੀਨ– ਅਮਰੀਕਾ ਵਾਸ਼ਿੰਗਟਨ, 22 ਜੁਲਾਈ (ਵਿਸ਼ਵ ਵਾਰਤਾ)-ਅਮਰੀਕਾ ਨੇ ਅੱਜ ਚੀਨ ਨੂੰ ਅਪੀਲ ਕੀਤੀ ਹੈ ਕਿ ਉਹ ਉਤਰ ਕੋਰੀਆ ’ਤੇ ਦਬਾਅ ਵਧਾਉਣ ਲਈ ਕਦਮ ਉਠਾਵੇ। ਇਸ ਦੇ ਨਾਲ ਹੀ ਉਸ ਨੇ ਹੋਰ ਦੇਸ਼ਾਂ ਨੂੰ ਅਪੀਲ ਕੀਤੀ ਕਿ ਉਹ ਉਤਰ ਕੋਰੀਆ ਖ਼ਿਲਾਫ ਨਵੀਆਂ ਅਮਰੀਕੀ ਪਾਬੰਦੀਆਂ ਪਾਲਣ ਕਰੇ। ਅਮਰੀਕਾ ਦੀ ਵਿਦੇਸ਼ ਮੰਤਰੀ ਹਿਲੇਰੀ ਕ¦ਿਟਨ ਨੇ ਦੱਖਣੀ ਕੋਰੀਆ ਦੀ ਯਾਤਰਾ ਦੌਰਾਨ ਉਤਰ ਕੋਰੀਆ ਖ਼ਿਲਾਫ ਨਵੀਂ ਪਾਬੰਦੀ ਲਗਾਉਣ ਦਾ ਐਲਾਨ ਕੀਤਾ ਸੀ। ਉਹ ਹੁਣ ਸ਼ੁੱਕਰਵਾਰ ਨੂੰ ਵੀਅਤਨਾਮ ਵਿੱਚ ਖੇਤਰੀ ਬੈਠਕ ਦੌਰਾਨ ਚੀਨ ਦੇ ਵਿਦੇਸ਼ ਮੰਤਰੀ ਯਾਂਗ ਜਿਇਚੀ ਨਾਲ ਮੁਲਾਕਾਤ ਕਰੇਗੀ। ਅਮਰੀਕੀ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਪੀ.ਜੇ. ਕ੍ਰਾਉਲੇ ਨੇ ਕਿਹਾ– ਅਸੀਂ ਚੀਨ ਦੇ ਨਾਲ ਸਲਾਹ ਕਰ ਰਹੇ ਹਨ।
ਏਸ਼ੀਆਈ ਬਾਜ਼ਾਰ ’ਚ ਕੱਚੇ ਤੇਲ ਦੀਆਂ ਕੀਮਤਾਂ ’ਚ ਗਿਰਾਵਟ ਸਿੰਗਾਪੁਰ, 22 ਜੁਲਾਈ (ਵਿਸ਼ਵ ਵਾਰਤਾ)-ਅਮਰੀਕਾ ਦੇ ਕੱਚੇ ਤੇਲ ਭੰਡਾਰ ਵਿੱਚ ਵਾਧਾ ਅਤੇ ਯੂਰੋ ਦੇ ਮੁਕਾਬਲੇ ਡਾਲਰ ਦੀ ਮਜ਼ਬੂਤੀ ਨਾਲ ਏਸ਼ੀਆਈ ਬਾਜ਼ਾਰ ਵਿੱਚ ਕੱਚੇ ਤੇਲ ਦੀਆਂ ਕੀਮਤਾਂ ਵਿੱਚ ਗਿਰਾਵਟ ਦਰਜ ਕੀਤੀ ਗਈ ਹੈ ਅਤੇ ਕੀਮਤਾਂ 76 ਡਾਲਰ ਪ੍ਰਤੀ ਬੈਰਲ ਦੇ ਨੇੜੇ–ਤੇੜੇ ਆ ਗਈਆਂ। ਨਿਊਯਾਰਕ ਵਾਅਦਾ ਬਾਜ਼ਾਰ ਵਿੱਚ ਸਤੰਬਰ ਡਿਲੀਵਰੀ ਵਾਲੇ ਲਾਈਟ ਸਵੀਟ ਕੱਚੇ ਤੇਲ ਦੇ ਸੌਦੇ ਵਿੱਚ 21 ਸੇਂਟ ਦੀ ਗਿਰਵਾਟ ਆਈ ਅਤੇ ਇਹ 76.35 ਡਾਲਰ ਪ੍ਰਤੀ ਬੈਰਲ ’ਤੇ ਆ ਗਿਆ। ਸਤੰਬਰ ਡਿਲੀਵਰੀ ਵਾਲੇ ¦ਦਨ ਬ੍ਰੇਂਟ ਨਾਰਥ ਸੀ ਕੱਚੇ ਤੇਲ ਦੀ ਕੀਮਤ ਅੱਠ ਸੇਂਟ ਘਟ ਕੇ 75.29 ਡਾਲਰ ਪ੍ਰਤੀ ਬੈਰਲ ਬੋਲਿਆ ਗਿਆ। ਸੀ.ਡਬਲਿਊ.ਏ. ਗਲੋਬਲ ਮਾਰਕੀਟ ਦੇ ਪ੍ਰਬੰਧ ਨਿਰਦੇਸ਼ਕ ਪਿਟਰ ਮੈਕਗੁਰੇ ਨੇ ਕਿਹਾ ਕਿ ਇਹ ਗਿਰਾਵਟ ਪਿਛਲੇ ਦਿਨ ਯੂਰੋ ਦੇ ਮੁਕਾਬਲੇ ਡਾਲਰ ਨੂੰ ਮਜ਼ਬੂਤੀ ਦੀ ਵਜ੍ਹਾ ਕਰਕੇ ਆਈ ਹੈ।
ਟੋਰਾਂਟੋ ਸਥਿਤ ਕੌਸਲੇਟ ਜਰਨਲ ਦੇ ਹੈ¤ਡ ਆਫ ਚਾਂਸਲਰੀ ਐਮ ਪੀ ਸਿੰਘ ਦਾ ਸੋਨੇ ਦੇ ਮੈਡਲ ਨਾਲ ਸਨਮਾਨ ਟੋਰਾਂਟੋ, 20 ਜੁਲਾਈ (ਸੁਰਜੀਤ ਸਿੰਘ ਫਲੋਰਾ)- ਬੀਤੇ ਸ਼ੁਕਰਵਾਰ ਨੂੰ ਐਲੀਟ ਬੈਂਕੁਟ ਹਾਲ ਵਿਚ ਪੰਜਾਬੀ ਮੀਡੀਆ ਐਸੋਸੀਏਸ਼ਨ ਤੋਂ ਹਮਦਰਦ ਦੇ ਸੰਪਾਦਕ ਸ: ਅਮਰ ਸਿੰਘ ਭੁੱਲਰ, ਗਾਉਂਦਾ ਪੰਜਾਬ ਤੋਂ ਜੁਗਿੰਦਰ ਬਾਸੀ, ਖਬਰਨਾਮਾ ਤੋਂ ਬਲਰਾਜ ਦਿਉਲ , ਸਤਿੰਦਰਪਾਲ ਸਿੱਧਵਾਂ , ਪੰਜਾਬੀ ਪੋਸਟ ਤੋਂ ਜਗਦੀਸ਼ ਗਰੇਵਾਲ ,ਦੇਵ ਤਾਤਲਾ, ਅਜੀਤ ਜਲੰਧਰ ਤੋਂ ਹਰਜੀਤ ਬਾਜਵਾ, ਤਜਿੰਦਰ ਸਿੱਧੂ ਤੇ ਹੋਰ ਕਈ ਮੀਡੀਏ ਦੇ ਮੈਂਬਰਾਂ ਵੱਲੋਂ ਮਿਲ ਕੇ ਟੋਰਾਂਟੋ ਸਥਿਤ ਭਾਰਤੀ ਕੌਂਸਲੇਟ ਜਰਨਲ ਦੇ ਦਫਤਰ ਦੇ ਹੈਂਡ ਆਫ ਚਾਂਸਲਰੀ ਐਮ ਪੀ ਸਿੰਘ ਇਕ ਵੱਡੇ ਇਕੱਠ ਵਿਚ ਸੋਨੇ ਦੇ ਮੈਡਲ ਨਾਲ ਸਨਮਾਨ ਕੀਤਾ ਗਿਆ। ਐਮ ਪੀ ਸਿੰਘ ਜੋ ਜੂਨ 2006 ਵਿਚ ਟੋਰਾਂਟੋ ਭਾਰਤੀ ਕੌਂਸਲੇਟ ਦੇ ਦਫ਼ਤਰ ਵਿਚ ਹੈਡ ਆਫ ਚਾਂਸਲਰ ਦੇ ਅਹੁਦੇ ਤੇ ਨਿਵਾਜੇ ਗਏ ਸਨ। ਹੁਣ ਉਹਨਾਂ ਦੀ ਤਬਦੀਲੀ ਡੁਬਈ ਦੀ ਹੋ ਜਾਣ ਕਰਕੇ ਇਹ ਇਕ ਵੱਡੀ ਪਾਰਟੀ ਉਹਨਾਂ ਨੂੰ
Read More..
ਅਮਰੀਕਾ ਨਹੀਂ ਭੇਜੇਗਾ ਗਵਰਨਰ ਨੂੰ ਉਤਰ ਕੋਰੀਆ ਵਾਸ਼ਿੰਗਟਨ, 20 ਜੁਲਾਈ (ਵਿਸ਼ਵ ਵਾਰਤਾ)-ਅਮਰੀਕਾ ਨੇ ਕੋਰੀਆਈ ਦੀਪ ਵਿੱਚ ਤਣਾਅ ਘੱਟ ਕਰਨ ਲਈ ਨਿਊ ਮੈਕਸੀਕੋ ਦੇ ਗਵਰਨਰ ਬਿਲ ਰਿਚਰਡਸਨ ਨੂੰ ਉਤਰ ਕੋਰੀਆ ਭੇਜਣ ਦੀਆਂ ਖ਼ਬਰਾਂ ਨੂੰ ਖਾਰਿਜ ਕਰ ਦਿੱਤਾ ਹੈ। ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਪੀ.ਜੇ. ਕ੍ਰਾਉਲੇ ਨੇ ਇਸ ਨਾਲ ਜੁੜੀਆਂ ਖ਼ਬਰਾਂ ਬਾਰੇ ਪ੍ਰਤਿਕਿਰਿਆ ਪ੍ਰਗਟ ਕਰਦਿਆਂ ਕਿਹਾ– ਅਮਰੀਕਾ ਗਵਰਨਰ ਰਿਚਰਡਸਨ ਨੂੰ ਉਤਰ ਕੋਰੀਆ ਭੇਜਣ ਬਾਰੇ ਵਿਚਾਰ ਨਹੀਂ ਕਰ ਰਿਹਾ। ਸੂਤਰਾਂ ਅਨੁਸਾਰ ਅਮਰੀਕੀ ਰਾਸ਼ਟਰਪਤੀ ਬਰਾਕ ਓਬਾਮਾ ਕੋਰੀਆਈ ਦੀਪ ਵਿੱਚ ਤਣਾਅ ਘੱਟ ਕਰਨ ਲਈ ਰਿਚਰਡਸਨ ਨੂੰ ਉਤਰ ਕੋਰੀਆ ਭੇਜਣ ’ਤੇ ਵਿਚਾਰ ਕਰ ਰਹੇ ਹਨ। ਸੰਯੁਕਤ ਰਾਸ਼ਟਰ ਵਿੱਚ ਉਤਰ ਕੋਰੀਆ ਦੇ ਉਪ ਦੂਤ ਹਾਨ ਸੋਂਗ–ਯਾਰਲ ਨੇ ਮਈ ਵਿੱਚ ਰਿਚਰਡਸਨ ਨੂੰ ਉਤਰ ਕੋਰੀਆ ਆਉਣ ਦਾ ਸੱਦਾ ਦਿੱਤਾ ਸੀ। ਹਾਨ ਨੇ ਕਿਹਾ ਸੀ ਕਿ ਰਿਚਰਡਸਨ ਪਿਯੋਂਗਯਾਂਗ ਆ ਕੇ ਦੱਖਣੀ ਕੋਰੀਆ ਦੇ ਜਹਾਜ਼ ਡੁੱਬਣ ਬਾਰੇ ਵਿਚਾਰ– ਵਟਾਂਦਰਾ ਕਰਨ।
ਕੱਚੇ ਤੇਲ ਦੀਆਂ ਕੀਮਤਾਂ ਵਧੀਆਂ ਸਿੰਗਾਪੁਰ, 20 ਜੁਲਾਈ (ਵਿਸ਼ਵ ਵਾਰਤਾ)-ਅਮਰੀਕੀ ਸ਼ੇਅਰ ਬਾਜ਼ਾਰ ਵਿੱਚ ਆਈ ਤੇਜ਼ੀ ਨਾਲ ਏਸ਼ੀਆਈ ਬਾਜ਼ਾਰ ਵਿੱਚ ਕੱਚੇ ਤੇਲ ਦੀਆਂ ਕੀਮਤਾਂ ਵਿੱਚ ਅੱਜ ਪ੍ਰਤੀ ਬੈਰਲ 29 ਸੇਂਟ ਤੱਕ ਦਾ ਉਛਾਲ ਆਇਆ ਹੈ। ਨਿਊਯਾਰਕ ਬਾਜ਼ਾਰ ਵਿੱਚ ਅਗਸਤ ਵਾਲੇ ਲਾਈਟ ਸਵੀਟ ਕੱਚੇ ਤੇਲੇ ਦੀਆਂ ਕੀਮਤਾਂ 24 ਸੇਂਟ ਵਧ ਕੇ 76.78 ਡਾਲਰ ਪ੍ਰਤੀ ਬੈਰਲ ’ਤੇ ਪਹੁੰਚ ਗਿਆ। ਸਤੰਬਰ ਡਿਲੀਵਰੀ ਵਾਲੇ ਬ੍ਰੇਂਟ ਨਾਰਥ ਸੀ ਕੱਚੇ ਤੇਲ ਦੀ ਦਰ 29 ਸੇਂਟ ਵਧ ਕੇ 75.91 ਡਾਲਰ ਪ੍ਰਤੀ ਬੈਰਲ ਹੋ ਗਈ ਹੈ। ਕਾਮਨਵੈਲਥ ਬੈਂਕ ਅਐਫ ਆਸਟਰੇਲੀਆ ਵਿੱਚ ਬਾਜ਼ਾਰ ਦੇ ਰਣਨੀਤੀਕਾਰ ਡੇਵਿਡ ਮੂਰ ਨੇ ਕਿਹਾ ਕਿ ਅੱਗੇ ਤੇਲ ਦੀਆਂ ਕੀਮਤਾਂ 74 ਤੋਂ 78 ਡਾਲਰ ਪ੍ਰਤੀ ਬੈਰਲ ਦੇ ਦਾਇਰੇ ਵਿੱਚ ਬਣੇ ਰਹਿਣ ਦੀ ਸੰਭਾਵਨਾ ਹੈ ਪਰ ਨੇੜੇ ਭਵਿੱਖ ਵਿੱਚ ਇਸ ਵਿੱਚ ਅਸਥਿਰਤਾ ਰਹਿ ਸਕਦੀ ਹੈ।
ਜੀਪ–ਟਰੱਕ ਦੀ ਟੱਕਰ ’ਚ 11 ਮਰੇ ਇਲਾਹਾਬਾਦ, 19 ਜੁਲਾਈ (ਵਿਸ਼ਵ ਵਾਰਤਾ)-ਇਲਾਹਾਬਾਦ ਵਿੱਚ ਅੱਜ ਇੱਕ ਜੀਪ ਸਾਹਮਣੇ ਤੋਂ ਆ ਰਹੇ ਟਰੱਕ ਨਾਲ ਟਕਰਾਅ ਗਈ ਜਿਸ ਕਰਕੇ ਜੀਪ ਵਿੱਚ ਸਵਾਰ ਤਿੰਨ ਬੱਚਿਆਂ ਅਤੇ ਚਾਰ ਮਹਿਲਾਵਾਂ ਸਮੇਤ 11 ਵਿਅਕਤੀ ਮਾਰੇ ਗਏ ਹਨ ਜਦਕਿ ਅੱਠ ਹੋਰ ਜ਼ਖਮੀ ਹੋ ਗਏ ਹਨ। ਅੱਠਾਂ ਜ਼ਖਮੀਆਂ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ। ਉਹਨਾਂ ਨੂੰ ਹਸਪਤਾਲ ਵਿੱਚ ਦਾਖ਼ਲ ਕਰਾਇਆ ਗਿਆ ਹੈ। ੳਤਰਾਂਵ ਪੁਲਿਸ ਥਾਣੇ ਦੇ ਇੰਚਾਰਜ ਬਲਰਾਮ ਮਿਸ਼ਰਾ ਨੇ ਦੱਸਿਆ ਕਿ ਇਹ ਹਾਦਸਾ ਇਲਾਹਾਬਾਦ ਸ਼ਹਿਰ ਤੋਂ ਕਰੀਬ 40 ਕਿਲੋਮੀਟਰ ਦੂਰ ਉਤਰਾਂਵ ਪੁਲਿਸ ਥਾਣਾ ਖੇਤਰ ਵਿੱਚ ਹੋਇਆ। ਹਾਦਸੇ ਵਿੱਚ 11 ਲੋਕਾਂ ਦੀ ਮੌਕੇ ’ਤੇ ਮੌਤ ਹੋ ਗਈ ਹੈ। ਇਹਨਾਂ ਵਿੱਚ ਜੀਪ ਦਾ ਚਾਲਕ ਵੀ ਸ਼ਾਮਲ ਹੈ। ਮਿਸ਼ਰਾ ਨੇ ਦੱਸਿਆ ਕਿ ਪੁਲਿਸ ਨੇ ਟਰੱਕ ਜ਼ਬਤ ਕਰਕੇ ਡਰਾਈਵਰ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।
ਇਰਾਕ ’ਚ ਤੈਅ ਸਮੇਂ ’ਤੇ ਹਟਾਈ ਜਾਵੇਗੀ ਫੌਜ– ਬਿਡੇਨ ਵਾਸ਼ਿੰਗਟਨ, 19 ਜੁਲਾਈ (ਵਿਸ਼ਵ ਵਾਰਤਾ)-ਅਮਰੀਕਾ ਦੇ ਉਪ–ਰਾਸ਼ਟਰਪਤੀ ਜੋਅ ਬਿਡੇਨ ਨੇ ਕਿਹਾ ਹੈ ਕਿ ਤੈਅ ਪ੍ਰੋਗਰਾਮ ਅਨੁਸਾਰ ਹੀ ਇਸ ਸਾਲ ਅਗਸਤ ਦੇ ਆਖਿਰ ਤੱਕ ਵੱਡੀ ਗਿਣਤੀ ਵਿੱਚ ਅਮਰੀਕੀ ਫੌਜੀਆਂ ਨੂੰ ਇਰਾਕ ਤੋਂ ਵਾਪਸ ਬੁਲਾ ਲਿਆ ਜਾਵੇਗਾ। ਸੂਤਰਾਂ ਅਨੁਸਾਰ ਬਿਡੇਨ ਨੇ ਕਿਹਾ ਕਿ ਇਰਾਕ ਵਿੱਚ ਸਰਕਾਰ ਦੇ ਬਦਲਾਅ ਦੀ ਪ੍ਰਕਿਰਿਆ ਚਲ ਰਹੀ ਹੈ ਅਤੇ ਇਰਾਕ ਨੂੰ ਉਸ ਦੇ ਹੀ ਲੋਕ ਹੁਣ ਸੁਰੱਖਿਆ ਮੁਹੱਈਆ ਕਰਾ ਰਹੇ ਹਨ। ਉਹਨਾਂ ਨੇ ਉਮੀਦ ਪ੍ਰਗਟਾਈ ਕਿ ਅਮਰੀਕੀ ਫੌਜੀਆਂ ਦੇ ਹਟਣ ਨਾਲ ਇਰਾਕ ਦੀ ਸੁਰੱਖਿਆ ਵਿਵਸਥਾ ’ਤੇ ਕੋਈ ਅਸਰ ਨਹੀਂ ਪਵੇਗਾ। ਜ਼ਿਕਰਯੋਗ ਹੈ ਕਿ ਅਮਰੀਕੀ ਸਰਕਾਰ ਵੱਲੋਂ ਬੀਤੇ ਸਾਲ ਇਹ ਐਲਾਨ ਕੀਤਾ ਗਿਆ ਸੀ ਕਿ ਇੱਕ ਸਤੰਬਰ 2010 ਤੱਕ ਇਰਾਕ ਤੋਂ 40,000 ਫੌਜੀ ਹਟਾ ਲਏ ਜਾਣਗੇ ਅਤੇ ਅਜਿਹੇ ਵਿੱਚ ਉਥੇ ਸਿਰਫ਼ 50,000 ਫੌਜੀ ਰਹਿ ਜਾਣਗੇ। ਪੂਰੀ ਫੌਜ 2011 ਦੇ ਆਖਿਰ ਤੱਕ ਹਟਾ ਲਈ ਜਾਵੇਗੀ।
ਏਸ਼ੀਆਈ ਬਾਜ਼ਾਰ ’ਚ ਕੱਚੇ ਤੇਲ ਦੀਆਂ ਕੀਮਤਾਂ ਡਿੱਗੀਆਂ ਸਿੰਗਾਪੁਰ, 19 ਜੁਲਾਈ (ਵਿਸ਼ਵ ਵਾਰਤਾ)-ਅਮਰੀਕੀ ਅਰਥ–ਵਿਵਸਥਾ ਦੇ ਤਾਜ਼ਾ ਅੰਕੜਿਆਂ ਤੋਂ ਬਾਜ਼ਾਰ ਧਾਰਨਾ ਕਮਜ਼ੋਰ ਹੋਣ ਦੇ ਕਾਰਨ ਏਸ਼ੀਆਈ ਵਾਅਦਾ ਬਾਜ਼ਾਰ ਵਿੱਚ ਕੱਚੇ ਤੇਲ ਦੀਆਂ ਕੀਮਤਾਂ ਵਿੱਚ 30 ਸੇਂਟ ਪ੍ਰਤੀ ਬੈਰਲ ਤੱਕ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਨਿਊਯਾਰਕ ਮੁੱਖ ਵਾਅਦਾ ਬਾਜ਼ਾਰ ਦੇ ਅਗਸਤ ਡਿਲੀਵਰੀ ਵਾਲੇ ਲਾਈਟ ਸਵੀਟ ਕਰੂਡ ਸਮਝੌਤਾ ਦੀਆਂ ਕੀਮਤਾਂ 30 ਸੇਂਟ ਡਿੱਗ ਕੇ 75.71 ਡਾਲਰ ਪ੍ਰਤੀ ਬੈਰਲ ਰਹੀਆਂ। ਇਸ ਤਰ੍ਹਾਂ ਬ੍ਰੇਂਟ ਨਾਰਥ ਸੀ ਕਰੂਡ ਦੀ ਸਤੰਬਰ ਡਿਲੀਵਰੀ ਦੇ ਸੌਦੇ 28 ਸੇਂਟ ਘਟ ਕੇ 75.09 ਡਾਲਰ ਪ੍ਰਤੀ ਬੈਰਲ ’ਤੇ ਹੋਏ। ਕਾਮਨਵੈਨਥ ਬੈਂਕ ਆਫ਼ ਆਸਟਰੇਲੀਆ ਵਿੱਚ ਜਿਣਸ ਬਾਜ਼ਾਰ ਦੇ ਰਣਨੀਤੀਕਾਰ ਡੇਵਿਡ ਮੂਰ ਨੇ ਕਿਹਾ ਕਿ ਤੇਲ ਦੀਆਂ ਕੀਮਤਾਂ ਵਿੱਚ ਕੁਝ ਗਿਰਾਵਟ ਆਈ ਹੈ। ਇਸ ਦੀ ਵਜ੍ਹਾ (ਪਿਛਲੇ ਹਫ਼ਤੇ) ਅਮਰੀਕਾ ਵੱਲੋਂ ਜਾਰੀ ਕੀਤੇ ਅੰਕੜੇ ਹਨ। ਅਮਰੀਕਾ ਦੀ ਸਰਕਾਰੀ ਰਿਪੋਰਟ ਮੁਤਾਬਿਕ ਮੁਦਰਾਸਫੀਤੀ ਹਾਲੇ ਵੀ ਘੱਟ ਹੈ ਜਦਕਿ ਪੈਟਰੋਲ ਦੀਆਂ ਕੀਮਤਾਂ ਵਿੱਚ ਕਮੀ ਦੀ ਵਜ੍ਹਾ ਕਰਕੇ ਉਪਭੋਗਤਾ ਮੁੱਲ ਸੂਚਕ ਅੰਕ ਦਾ ਲਗਾਤਾਰ ਤੀਸਰੇ ਮਹੀਨੇ ਡਿੱਗਣਾ ਜਾਰੀ ਰਿਹਾ।
ਉਲਫ਼ਾ ਦੇ ਦੋ ਨੇਤਾ ਬੰਗਲਾਦੇਸ਼ ’ਚ ਗ੍ਰਿਫ਼ਤਾਰ ਢਾਕਾ, 18 ਜੁਲਾਈ (ਵਿਸ਼ਵ ਵਾਰਤਾ)-ਬੰਗਲਾਦੇਸ਼ ਦੇ ਅਧਿਕਾਰੀਆਂ ਨੇ ਅੱਜ ਸਵੇਰੇ ਉਤਰੀ ਕਿਸ਼ੋਰਗੰਜ ਤੋਂ ਭੈਰਵ ਤੋਂ ਪਾਬੰਦੀਸ਼ੁਦਾ ਉਲਫ਼ਾ ਦੇ ਦੋ ਨੇਤਾਵਾਂ ਨੂੰ ਗ੍ਰਿਫ਼ਤਾਰ ਕੀਤਾ ਅਤੇ ਉਹਨਾਂ ਕੋਲੋਂ ਇੱਕ ਆਧੁਨਿਕ ਪਿਸਤੌਲ ਅਤੇ ਬੰਬ ਬਰਾਮਦ ਕੀਤੇ ਗਏ ਹਨ। ਆਰ.ਏ.ਬੀ. ਦੇ ਬੁਲਾਰੇ ਲੈਫਟੀਨੈਂਟ ਕਮਾਂਡਰ ਮੁਹੰਮਦ ਸੋਹੇਲ ਨੇ ਦੱਸਿਆ ਕਿ ਰੰਜਨ ਚੌਧਰੀ ਅਤੇ ਪ੍ਰਦੀਪ ਮਾਰਕ ਨੂੰ ਭੈਰਵ ਦੇ ਲਖੀਪੁਰ ਇਲਾਕੇ ਤੋਂ ਅਪਰਾਧ ਨਿਰੋਧੀ ਰੈਪਿਡ ਐਕਸ਼ਨ ਬਟਾਲੀਅਨ ਨੇ ਗ੍ਰਿਫ਼ਤਾਰ ਕੀਤਾ ਹੈ। ਉਹਨਾਂ ਦੱਸਿਆ ਕਿ ਉਹਨਾਂ ਲੋਕਾਂ ਕੋਲੋਂ ਇੱਕ ਪਿਸਤੌਲ ਅਤੇ ਛੋਟੇ ਬੰਬ ਬਰਾਮਦ ਕੀਤੇ ਗਏ ਹਨ। ਸੋਹੇਲ ਨੇ ਕਿਹਾ ਕਿ ਗੁਪਤ ਸੂਚਨਾ ਦੇ ਆਧਾਰ ’ਤੇ ਇਹ ਗ੍ਰਿਫ਼ਤਾਰੀ ਕੀਤੀ ਗਈ ਹੈ ਜਿਸ ਵਿੱਚ ਦੱਸਿਆ ਗਿਆ ਕਿ ਭੈਰਵ ਵਿੱਚ ਲੰਬੇ ਸਮੇਂ ਤੋਂ ਭਾਰਤੀ ਨਜਾਇਜ਼ ਰੂਪ ਨਾਲ ਰਹਿ ਰਹੇ ਹਨ।
ਫਿਲਸਤੀਨ ਦਾ ਅਮਰੀਕਾ ਨਾਲ ਸਿੱਧੀ ਵਾਰਤਾ ਤੋਂ ਇਨਕਾਰ ਰਮੱਲਾ, 18 ਜੁਲਾਈ (ਵਿਸ਼ਵ ਵਾਰਤਾ)-ਫਿਲਸਤੀਨ ਦੇ ਰਾਸ਼ਟਰਪਤੀ ਮਹਿਮੂਦ ਅੱਬਾਸ ਨੇ ਵਿਸ਼ੇਸ਼ ਅਮਰੀਕੀ ਦੂਤ ਜਾਰਜ਼ ਮਿਸ਼ੇਲ ਦੇ ਇਜ਼ਰਾਇਲ ਦੇ ਸਿੱਧੀ ਵਾਰਤਾ ਸ਼ੁਰੂ ਕਰਨ ਦੇ ਪ੍ਰਸਤਾਵ ਨੂੰ ਠੁਕਰਾ ਦਿੱਤਾ ਹੈ। ਰਮੱਲਾ ਦੇ ਪੱਛਮੀ ਕਿਨਾਰੇ ਵਿੱਚ ਕਰੀਬ ਤਿੰਨ ਘੰਟੇ ਚੱਲੀ ਵਾਰਤਾ ਦੌਰਾਨ ਮਿਸ਼ੇਲ ਨੇ ਸਰਹੱਦ ਅਤੇ ਸੁਰੱਖਿਆ ਦੇ ਮਸਲੇ ’ਤੇ ਫਿਲਸਤੀਨ ਦੇ ਸਵਾਲਾਂ ’ਤੇ ਇਜ਼ਰਾਇਲ ਨੇ ਪ੍ਰਤਿਕਿਰਿਆ ਨਹੀਂ ਦਿੱਤੀ ਹੈ। ਫਤਿਹ ਕਮੇਟੀ ਦੇ ਇੱਕ ਮੈਂਬਰ ਨੇ ਇੱਕ ਬਿਆਨ ਵਿੱਚ ਇਹ ਜਾਣਕਾਰੀ ਦਿੱਤੀ। ਮੈਂਬਰ ਨੇ ਕਿਹਾ ਕਿ ਸਿੱਧੀ ਵਾਰਤਾ ਸ਼ੁਰੂ ਕਰਨ ਤੋਂ ਪਹਿਲਾਂ ਇਹ ਜ਼ਰੂਰੀ ਹੈ ਕਿ ਸਰਹੱਦ ਅਤੇ ਸੁਰੱਖਿਆ ਮਸਲੇ ’ਤੇ ਇਜ਼ਰਾਇਲ ਆਪਣੀ ਸਥਿਤੀ ਸਪੱਸ਼ਟ ਕਰੇ। ਇਹਨਾਂ ਦੋ ਸਵਾਲਾਂ ’ਤੇ ਇਜ਼ਰਾਇਲ ਦੀ ਪ੍ਰਤਿਕਿਰਿਆ ਦੇ ਬਿਨਾਂ ਫਤਿਹ ਸਿੱਧੀ ਗੱਲਬਾਤ ਤੋਂ ਇਨਕਾਰ ਸੰਬੰਧੀ ਆਪਣੇ ਰੁਖ਼ ਵਿੱਚ ਬਦਲਾਅ ਨਹੀਂ ਕਰੇਗਾ। ਜ਼ਿਕਰਯੋਗ ਹੈ ਕਿ ਪਿਛਲੇ ਹਫ਼ਤੇ ਅਮਰੀਕੀ ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਅੱਬਾਸ ਨੂੰ ਫੋਨ ’ਤੇ ਗੱਲਬਾਤ ਵਿੱਚ ਵਰਤਮਾਨ ਅਪ੍ਰਤੱਖ ਗੱਲਬਾਤ ਨਾਲ ਸਿੱਧੀ ਗੱਲਬਾਤ ਸ਼ੁਰੂ ਕਰਨ ਨੂੰ ਕਿਹਾ ਸੀ।
|
