ਜਿਨ੍ਹਾਂ ਸਦਾ ਕਟਵਾਏ ਸੀ ਰੁੱਖ ਨਾਲ ਜੋ ਚਾਵਾਂ ਨੂੰ,
ਉਹੀ ਭਾਲਣ ਅੱਜ ਚਾਰ ਚੁਫੇਰਿਉਂ ਠੰਡੀਆਂ ਛਾਵਾਂ ਨੂੰ।

    ਜਿਨ੍ਹਾਂ ਦਿੱਤੇ ਘਰੋਂ ਧੱਕੇ ਬਾਹਰ ਕੱਢਿਆ ਮਾਪਿਆਂ ਨੂੰ,
    ਉਹੀ ਭਾਲਦੇ ਮੰਦਿਰ ਮਸੀਤਾ ’ਚ ਨੇ ਅੱਜ ਮਾਂਵਾਂ ਨੂੰ।

ਜਿਨ੍ਹਾਂ ਨੇ ਮਾਰ ਮੁਕਾਇਆ ਕੁੱਖਾਂ ਵਿੱਚ ਹੀ ਧੀਆਂ ਨੂੰ,
ਕਿਵੇਂ ਨੂੰਹਾਂ ਤੋਂ ਭਾਲਣ ਉਹ ਠੰਡੀਆਂ ਹਵਾਵਾਂ ਨੂੰ।

    ਜਿਨ੍ਹਾਂ ਭੁੱਖਿਆਂ ਗਰੀਬਾਂ ਨੂੰ ਕਦੇ ਰੋਟੀ ਖੁਵਾਈ ਨਾ,
    ਕਿਵੇਂ ਕੁੱਟ ਕੇ ਉਹੀ ਪਾਉਣ ਅੱਜ ਚੂਰੀ ਕਾਂਵਾਂ ਨੂੰ।

ਜ਼ਿਨ੍ਹਾਂ ਪਸ਼ੂਆਂ ਨੂੰ ਕੁੱਟਿਆ ਬੜੇ ਦਿੱਤੇ ਤਸੀਹੇ ਸਨ,
ਉਹੀ ਪੱਠੇ ਅੱਜ ਕੁਤਰ ਪਾਉਂਦੇ ਨੇ ਗਾਂਵਾਂ ਨੂੰ।

    ਪਵਾ ਕੇ ਫੁੱਟ ਜੋ ਤਾੜੀ ਮਾਰ ਕੇ ਹੱਸਿਆ ਕਰਦੇ ਸਨ,
    ਕਿਵੇਂ ‘ਲਾਡੀ’ ਮਨਾ ਕੇ ਉਹ ਬਿਠਾਉਂਦੇ ਦੋ ਧਿਰਾਵਾਂ ਨੂੰ।

ਪਤਾ: ਪਿੰਡ ਫਰੀਦ ਸਰਾਏ, ਤਹਿਸੀਲ- ਸੁਲਤਾਨਪੁਰ ਲੋਧੀ (ਕਪੂਰਥਲਾ)
ਸੰਪਰਕ: 97811-91910

Share this post