ਕੋਲਕਤਾ (ਅ.ਬ.)-ਪੱਛਮੀ ਬੰਗਾਲ ਹੁਣ ਫਿਰ ਸਿਆਸੀ ਹਿੱਸਾ ਦੀ ਲਪੇਟ ਵਿਚ ਆਉਂਦਾ ਜਾ ਰਿਹਾ ਹੈ। ਅੱਜ ਇਸੇ ਲੜੀ ਤਹਿਤ ਸੀ.ਪੀ.ਆਈ. ਐਮ ਦੇ ਸਾਬਕਾ ਵਿਧਾਇਕ ਸਮੇਤ ਦੋ ਵਿਅਕਤੀ ਉਸ ਵਕਤ ਮਾਰੇ ਗਏ ਜਦੋਂ ਪਾਰਟੀ ਵਲੋਂ 28 ਫਰਵਰੀ ਦੇ ਭਾਰਤ ਬੰਦ ਦੀ ਤਿਆਰੀ ਲਈ ਕੀਤੀ ਜਾ ਰਹੀ

ਰੈਲੀ ਦੌਰਾਨ ਅਣਪਛਾਤੇ ਹਥਿਆਰਬੰਦ ਨੇ ਹਮਲਾ ਕਰ ਦਿੱਤਾ। ਇਸ ਹਮਲੇ ਵਿਚ ਪਾਰਟੀ ਦੇ ਸਾਬਕਾ ਵਿਧਾਇਕ  ਸ. ਪਰਦੀਪ ਦਾ ਜਿਨ੍ਹਾਂ ਦੀ ਅਗਵਾਈ ਹੇਠ ਇਹ ਰੈਲੀ ਹੋ ਰਹੀ ਸੀ ਸਮੇਤ ਇਕ ਹੋਰ ਵਰਕਰ ਕਮਲ ਗਿਆਨ ਦੀ ਹਮਲਾਵਰਾਂ ਨੇ ਕੁੱਟ ਕੁੱਟ ਕੇ ਹੱਤਿਆ ਕਰ ਦਿੱਤੀ। ਇਹ ਹਮਲਾਵਰ ਤ੍ਰਿਣਮੂੁਲ ਕਾਂਗਰਸ ਦੇ ਹਿਮਾਇਤੀ ਦੱਸੇ ਜਾ ਰਹੇ ਹਨ। ਇਥੇ ਜਿਕਰਯੋਗ ਹੈ ਤ੍ਰਿਣਮੂਲ ਕਾਂਗਰਸ ਦੇ ਖੁੱਲੇ ਰੂਪ ਵਿਚ ਐਲਾਨ ਕੀਤਾ ਹੋਇਆ  ਹੈ ਕਿ ਉਹ 28 ਫਰਵਰੀ ਦੇ ਬੰਦ ਨੂੰ ਹਰ ਹਾਲਤ ਵਿਚ ਰੋਕਣ ਦਾ ਯਤਨ ਕਰੇਗੀ। ਸੀਨੀਅਰ ਤ੍ਰਿਣਮੂਲ ਕਾਂਗਰਸੀ ਨੇਤਾ ਅਤੇ ਸੂਬੇ ਦੇ ਸਨਅਤ ਮੰਤਰੀ ਪ੍ਰਥਾ ਚੈਟਰਜੀ ਨੇ ਕਿਹਾ ਹੈ ਕਿ ਤ੍ਰਿਣਮੂਲ ਵਰਕਰ ਬੰਦ ਨੂੰ ਰੋਕਣ ਦੀ ਲਾਮਬੰਦੀ ਤਹਿਤ ਰੈਲੀਆਂ ਕਰਨਗੇ। ਸੂਬਾ ਮੁੱਖ ਸਕੱਤਰ ਨੇ ਸਰਕਾਰੀ ਅਧਿਕਾਰੀਆਂ ਨੂੰ ਸਰਕੂਲਰ ਵੀ ਜਾਰੀ ਕੀਤਾ ਹੈ ਕਿ ਕੋਈ ਅਧਿਕਾਰੀ ਜਾਂ ਮੁਲਾਜਮ ਬੰਦ  ਵਾਲੇ ਦਿਨ ਛੁੱਟੀ ਨਾ ਲਵੇ। ਸੀ.ਪੀ.ਆਈ. ਐਮ ਨੇ ਇਹਨਾਂ ਕਤਲਾਂ ਦੀ ਨਿੰਦਾ ਕਰਦਿਆਂ ਕਿਹਾ ਹੈ ਕਿ ਮਮਤਾ ਸਰਕਾਰੇ ਬੰਦ ਨੂੰ ਡੰਡੇ ਦੇ ਜੋਰ ਅਸਫਲ ਕਰਨਾ ਚਾਹੁੰਦੀ ਹੈ।

Share this post