ਜੋਧਪੁਰ (ਅ.ਬ.)- ਭੰਵਰੀ ਅਗਵਾ ਅਤੇ ਹੱਤਿਆ ਕੇਸ ਵਿੱਚ ਅਮਰ ਚੰਦ ਵੱਲੋਂ ਕੋਰਟ ਵਿੱਚ ਦਾਇਰ ਪਟੀਸ਼ਨ ’ਤੇ ਸੁਣਵਾਈ ਦੌਰਾਨ ਸੀ ਬੀ ਆਈ ਦੇ ਵਕੀਲ ਨੇ ਇਹ ਕਹਿ ਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਕਿ ਉਨ੍ਹਾਂ ਨੂੰ ਦੋਸ਼ੀ ਧਿਰ ਵੱਲੋਂ ਧਮਕੀਆਂ ਮਿਲ ਰਹੀਆਂ ਹਨ। ਇਸੇ ਕਰਕੇ ਹੀ ਜਿਨ੍ਹਾਂ ਗਵਾਹਾਂ ਨੇ ਉਨ੍ਹਾਂ ਤੋਂ ਮੁਢਲੀ ਪੁੱਛ ਪੜਤਾਲ ਕੀਤੀ ਸੀ ਉਹ ਵੀ ਗਵਾਹੀ ਦੇਣ

ਨਹੀਂ ਆ ਰਹੇ। ਜਸਟਿਸ ਗੋਵਿੰਦ ਮਾਥੁਰ ਅਤੇ ਕਲਾਸ਼ ਚੰਦ ਜੋਸ਼ੀ ਨੇ ਸੀ ਬੀ ਆਈ ਦੇ ਵਕੀਲ ਪੰਨੋ ਸਿੰਘ ਨੂੰ ਅਗਲੀ ਤਹਿ ਕੀਤੀ ਮਿਤੀ 27 ਫਰਵਰੀ ਨੂੰ ਇਹ ਸਭ ਕੁਝ ਲਿਖਤੀ ਹਲਫਨਾਮੇ ਵਿੱਚ ਆਨ ਰਿਕਾਰਡ ਰੱਖਣ ਦੀ ਹਿਦਾਇਤ ਕੀਤੀ। ਅਦਾਲਤ ਨੇ ਕਿਹਾ ਕਿ ਉਨ੍ਹਾਂ ਕੋਲ ਅਸੀਮ ਤਾਕਤਾਂ ਹਨ ਜਿਸ ਨਾਲ ਉਹ ਕਿਸੇ ਵੀ ਸਥਿਤੀ ਨਾਲ ਨਿਪਟਣ ਲਈ ਅਸਮਰਥ ਹੈ।

Share this post