ਪਟਨਾ-ਅ.ਬ-ਬਿਹਾਰ ਦੀ ਰਾਜਧਾਨੀ ਪਟਨਾ ਦੇ ਐਸ ਪੀ ਸਿਟੀ ਮਿਸ ਕਿਮ ਉਪਰ ਇੱਕ ਮਹਿਲਾ ਦੀ ਸ਼ਰੇਆਮ ਕੁੱਟ ਮਾਰ ਕਰਨ ਦਾ ਦੋਸ਼ ਲੱਗਾ ਹੈ। ਮਾਮਲਾ ਸਾਹਮਣੇ ਆਉਣ ’ਤੇ ਸੂਬੇ ਵਿੱਚ ਇਸ ਮਾਮਲੇ ’ਤੇ ਸਿਆਸਤ ਗਰਮਾ ਗਈ ਹੈ। ਵਿਰੋਧੀ ਦਲ ਆਰ ਜੇ ਡੀ ਨੇ ਨਤੀਸ਼ ਸਰਕਾਰ ਦੇ ਰਾਜ ਵਿੱਚ ਕਾਨੂੰਨ ਪ੍ਰਬੰਧ ਵਿਘੜਨ ਦਾ ਦੋਸ਼ ਲਗਾਇਆ

ਹੈ। ਸਰਕਾਰ ਮਾਮਲੇ ਦੀ ਉੱਚ ਪੱਧਰੀ ਜਾਂਚ ਦਾ ਭਰੋਸਾ ਦਿੱਤਾ ਹੈ। ਘਟਨਾ ਦਾ ਕਾਰਨ ਬੀਤੇ ਦਿਨ ਰਾਜਧਾਨੀ ਵਿੱਚ ਕੱਕਬਾਗ ਇਲਾਕੇ ਵਿੱਚ ਬਿਜਲੀ ਦਾ ਕਰੰਟ ਲੱਗਣ ਨਾਲ 2 ਲੜਕਿਆਂ ਦੀ ਮੌਤ ਹੋਣਾ ਹੈ। ਘਟਨਾ ਤੋਂ ਭੜਕੇ ਲੋਕਾਂ ਨੇ ਸੜਕ ਜਾਮ ਕਰਕੇ ਪ੍ਰਦਰਸ਼ਨ ਕਰਨਾ ਸ਼ੁਰੂ ਕਰ ਦਿੱਤਾ। ਜਾਮ ਹਟਾਉਣ ਪਹੁੰਚੀ ਪੁਲਿਸ ਨੇ ਪਥਰਾਓ ਕਰ ਦਿੱਤਾ। ਹੰਗਾਮਾ ਵਧਣ ’ਤੇ ਹਲਕੇ ਦੀ ਐਸ ਪੀ ਸਿਟੀ ਵੀ ਪਹੁੰਚ ਗਈ। ਉਹ ਭੜਕੀਆਂ ਹੋਈਆਂ ਮਹਿਲਾਵਾਂ ਨੂੰ ਸਮਝਾਉਣ ਦੀ ਕੋਸ਼ਿਸ਼ ਕਰ ਰਹੀ ਸੀ ਕਿ ਇੱਕ ਵਧੇਰੇ ਰੌਲਾ ਪਾਉਣ ਵਾਲੇ ਔਰਤ ਐਸ ਪੀ ਨੇ ਥੱਪੜ ਮਾਰ ਦਿੱਤਾ। ਉਸ ਔਰਤ ਨੇ ਵੀ ਤੁਰੰਤ ਐਸ ਪੀ ਸਿਟੀ ਦੇ ਜਵਾਬੀ ਥੱਪੜ ਜੜ ਦਿੱਤਾ। ਹਾਜ਼ਰ ਹੋਰ ਪੁਲਿਸ ਨੇ ਇਸ ਔਰਤ ਨੂੰ ਜੰਮ ਕੇ ਲਾਠੀਆਂ ਡੰਡਿਆਂ ਨਾਲ ਕੁੱਟਿਆ। ਘਟਨਾ ਦੀ ਲਾਇਵ ਕਵਰੇਜ ਕਰਨ ਵਾਲੇ ਕੈਮਰਾ ਪੱਤਰਕਾਰਾਂ ਨੇ ਇਸ ਘਟਨਾ ਦੇ ਵੀਡਿਓ ਚੈਨਲਾਂ ’ਤੇ ਦਿਖਾਏ ਪ੍ਰੰਤੂ ਐਸ ਪੀ ਸਿਟੀ ਇਸ ਘਟਨਾ ਦੇ ਹੋਣ ਤੋਂ ਇਨਕਾਰ ਕਰ ਰਹੀ ਹੈ। ਦੱਸਿਆ ਗਿਆ ਹੈ ਕਿ ਕੱਕੜਬਾਗ ਵੱਲੋਂ ਦੋ ਨੌਜਵਾਨ ਰੋਹਤ ਅਤੇ ਪੰਚਮ ਚੌਧਰੀ ਆ ਰਹੇ ਸਨ। ਰਸਤੇ ਵਿੱਚ ਸੜਕ ਦਾ ਨਿਰਮਾਣ ਚੱਲ ਰਿਹਾ ਸੀ। ਨਿਰਮਾਣ ਦੌਰਾਨ ਠੇਕੇਦਾਰ ਦੀ ਲਾਪ੍ਰਵਾਹੀ ਕਾਰਨ ਜਮੀਨ ਵਿੱਚ ਦੱਬੀ ਬਿਜਲੀ ਦੀ ਕੇਬਲ ਤਾਰ ਕੱਟੇ ਜਾਣ ਕਾਰਨ ਪਾਣੀ ਵਿੱਚ ਕਰੰਟ ਆ ਗਿਆ। ਉਨ੍ਹਾਂ ਨੌਜਵਾਨਾਂ ਦੇ ਸੜਕ ਵਿੱਚ ਤੁਰਦਿਆਂ ਪਾਣੀ ਵਿੱਚ ਪੈਰ ਪੈਣ ਦੌਰਾਨ ਤੁਰੰਤ ਉਨ੍ਹਾਂ ਦੀ ਮੌਤ ਹੋ ਗਈ। ਇਸ ਉਪਰੰਤ ਲੋਕ ਭੜਕ ਪਏ।

Share this post