ਨਵੀਂ ਦਿੱਲੀ, (ਅ.ਬ.)-ਭਾਰਤ ਅਤੇ ਨੇਪਾਲ ਪੰਚੇਸ਼ਵਰ ਬਹੁ-ਮੰਤਵੀ ਪ੍ਰੋਜੈਕਟ ਲਾਗੂ ਕਰਨ ਲਈ ਪੰਚਸ਼ਵਰ ਵਿਕਾਸ ਅਥਾਰਿਟੀ ਦੀ ਸਥਾਪਨਾ ਉੱਤੇ ਸਹਿਮਤ ਹੋ ਗਏ ਹਨ। ਦੋਵਾਂ ਪੱਖਾਂ ਵਿਚਾਲੇ ਇਹ ਸਹਿਮਤੀ ਮੰਤਰੀ ਪੱਧਰ ਦੀ ਸੰਯੁਕਤ ਭਾਰਤ ਨੇਪਾਲ ਪਾਣੀ ਵਸੀਲਿਆਂ ਬਾਰੇ ਕਮਿਸ਼ਨ ਦੀ ਨਵੀਂ ਦਿੱਲੀ ਵਿੱਚ ਪਹਿਲੀ ਬੈਠਕ ਵਿੱਚ ਬਣੀ। ਇਸ ਬੈਠਕ ਵਿੱਚ ਦੋਵਾਂ ਦੇਸ਼ਾਂ ਦੇ ਕਈ ਸੀਨੀਅਰ ਕੇਂਦਰੀ

ਮੰਤਰੀ ਅਤੇ ਭਾਰਤ ਦੇ ਸਬੰਧਿਤ ਰਾਜਾਂ ਦੇ ਮੰਤਰੀ ਅਤੇ ਅਧਿਕਾਰੀ ਮੌਜੂਦ ਸਨ। ਦੋਵਾਂ ਧਿਰਾਂ ਸਪਤ ਕੋਸੀ ਹਾਈ ਡੈਮ ਪ੍ਰੋਜੈਕਟ ਵੀ ਜਲਦੀ ਤੋਂ ਜਲਦੀ ਪੂਰਾ ਕਰਨ ਉੱਤੇ ਸਹਿਮਤ ਹੋਏ। ਉਨ੍ਹਾਂ ਵਿੱਚ ਸਨ ਕੋਸੀ ਸਟੋਰੇਜ਼ ਕਮ ਡਾਈਵਰਜਰਨ ਸਕੀਮ ਪੂਰੀ ਕਰਨ ਉੱਤੇ ਸਹਿਮਤੀ ਬਣ ਗਈ। ਭਾਰਤ ਨੇਪਾਲ ਮੰਤਰੀ ਪੱਧਰ ਦੇ ਸੰਯੁਕਤ ਕਮਿਸ਼ਨ ਦੀ ਇਸ ਬੈਠਕ ਵਿੱਚ 15 ਕਿਲੋਮੀਟਰ ਲੰਬੇ ਕੋਸੀ ਤੱਟ ਬੰਨ੍ਹ ਦਾ ਰੱਖ ਰਖਾਓ ਭਾਰਤ ਸਰਕਾਰ ਵੱਲੋਂ ਕੀਤੇ ਜਾਣ ਦੀ ਸਿਫਾਰਿਸ਼ ਕੀਤੀ ਗਈ, ਜਿਸ ਨੂੰ ਮੰਨ ਲਿਆ ਗਿਆ। ਦੋਵਾਂ ਧਿਰਾਂ ਨੇ ਨੋਟ ਕੀਤਾ ਹੈ ਕਿ ਮੁਜ਼ੱਫਰਪੁਰ ਢਾਲਕੇਬਰ 400 ਕੇਵੀ ਟ੍ਰਾਂਸਮਿਸ਼ਨ ਲਾਈਨ ਨੂੰ ਮਜ਼ਬੂਤ ਬਣਾਇਆ ਜਾਵੇ ਤਾਂ ਕਿ ਨੇਪਾਲ ਤੋਂ 75 ਮੈਗਾਵਾਟ ਵਧੇਰੇ ਬਿਜਲੀ ਆਯਾਤ ਕੀਤੀ ਜਾ ਸਕੇ। ਦੋਵੇਂ ਪੱਖ ਗੰਡਕ ਪ੍ਰੋਜੈਕਟ ਦੀ ਮੁਰੰਮਤ ਅਤੇ ਰੱਖ ਰਖਾਓ ਲਈ ਜ਼ਰੂਰੀ ਸਮੱਗਰੀ ਅਤੇ ਉਪਰਕਰਣ ਨੇਪਾਲ ਭੇਜੇ ਜਾਣ ਉੱਤੇ ਵੀ ਸਹਿਮਤੀ ਹੋਏ। ਇਹ ਸਮੱਗਰੀ ਕਰ ਮੁਕਤ ਹੋਵੇਗੀ। ਇਸ ਬੈਠਕ ਵਿੱਚ ਹੋਰਨਾਂ ਤੋਂ ਇਲਾਵਾ ਭਾਰਤ ਦੇ ਕੇਂਦਰੀ ਵਸੀਲਿਆਂ ਅਤੇ ਸੰਸਦੀ ਕਾਰਜ ਮੰਤਰੀ ਸ੍ਰੀ ਪਵਨ ਕੁਮਾਰ ਬਾਂਸਲ ਅਤੇ ਨੇਪਾਲ ਦੇ ਊਰਜਾ ਮੰਤਰੀ ਸ੍ਰੀ ਪੋਸਟਾ ਬਹਾਦੁਰ ਬੋਗਾਤਕੀ ਵੀ ਹਾਜ਼ਰ ਸਨ।

Share this post