ਮੁੰਬਈੇ, (ਅ.ਬ.)-ਪੁਲਿਸ ਨੇ ਵੈਲੇਨਟਾਈਨ ਡੇ ’ਤੇ ਮੁੰਬਈ ਦੇ ਇੱਕ ਫਾਈਵ ਸਟਾਰ ਹੋਟਲ ਵਿੱਚ ਛਾਪਾ ਮਾਰ ਕੇ ਇੱਕ ਹਾਈ ਪ੍ਰੋਫਾਈਲ ਸੈਕਸ ਰੈਕੇਟ ਨੂੰ ਬੇਨਕਾਬ ਕੀਤਾ ਹੈ। ਇਸ ਰੈਕੇਟ ਵਿੱਚ ਰੂਸੀ ਮਾਡਲ ਸਮੇਤ 2 ਲੜਕੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। 3 ਦਲਾਲ ਵੀ ਪੁਲਿਸ ਦੇ ਹੱਥੇ ਚੜ੍ਹੇ ਹਨ। ਜਾਣਕਾਰੀ ਅਨੁਸਾਰ ਇੱਥੇ ਸਾਊਥ ਇੰਡੀਅਨ ਮਾਡਲ ਦੀ ਆਬਰੂ 40 ਹਜ਼ਾਰ ਵਿੱਚ ਵੇਚੀ ਜਾਂਦੀ ਸੀ। ਉੱਥੇ ਹੀ ਵਿਦੇਸ਼ੀ
ਮਾਡਲਾਂ ਲਈ ਇਹ ਰੇਟ ਇੱਕ ਰਾਤ ਲਈ 60 ਹਜ਼ਾਰ ਰੁਪਏ ਸੀ। ਪੁਲਿਸ ਮੁਤਾਬਕ ਗ੍ਰਾਹਕ ਦੇ ਰੂਪ ਵਿੱਚ ਭੇਜੇ ਗਏ ਪੁਲਿਸ ਕਰਮਚਾਰੀਆਂ ਨੇ 3 ਵਿਅਕਤੀਆਂ ਨਾਲ ਸੰਪਰਕ ਕੀਤਾ ਜੋ ਤੜਕੇ ਲਗਭਗ 2 ਵਜੇ ਕਾਲੀਨਾ ਵਿੱਚ ਗਰੈਂਡ ਹਿਆਤ ਹੋਟਲ ਵਿੱਚ 2 ਮਹਿਲਾਵਾਂ ਨੂੰ ਲੈ ਕੇ ਆਏ। ਮਹਿਲਾਵਾਂ ਵਿੱਚੋਂ ਇੱਕ 20 ਸਾਲ ਦੀ ਰੂਸੀ ਮਹਿਲਾ ਅਤੇ ਇੱਕ ਹੋਰ ਮਹਿਲਾ ਸੀ ਜਿਸ ਨੇ ਦੱਸਿਆ ਕਿ ਉਹ ਮਾਡਲ ਰਹੀ ਹੈ ਅਤੇ ਉਸ ਨੇ ਕਈ ਤੇਲਗੂ ਫਿਲਮਾਂ ਵਿੱਚ ਕੰਮ ਕੀਤਾ ਹੈ। 3 ਦਲਾਲਾਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ। ਫਿਲਮੀ ਜਿਸਮਫਰੋਸ਼ੀ ਤੋਂ ਝਲਕਦਾ ਸਿਨੇਮਾ ਦਾ ਸ਼ਰਮਨਾਕ ਚਿਹਰਾ-ਕਹਿੰਦੇ ਹਨ ਕਿ ਰੂਪਹਿਲੇ ਪਰਦੇ ਹੀ ਚਾਹ ਅਕਸਰ ਕਦਮ ਬਹਿਕਾ ਦਿੰਦੀ ਹੈ। ਅੱਖਾਂ ਵਿੱਚ ਸਫਲ ਅਭਿਨੇਤਰੀ ਬਣਨ ਦਾ ਸੁਪਨਾ ਸਜਾਏ ਹੋਏ ਲੜਕੀਆਂ ਜਦੋਂ ਮਾਇਆਨਗਰੀ ਵਿੱਚ ਆਉਂਦੀਆਂ ਹਨ ਤਾਂ ਉਨ੍ਹਾਂ ਦੀਆਂ ਅੱਖਾਂ ਖੁੱਲ੍ਹ ਜਾਂਦੀਆਂ ਹਨ। ਫਿਰ ਫਿਲਮ ਵਿੱਚ ਰੋਲ ਮਾਡਲ ਹਾਸਲ ਕਰਨ ਜਾਂ ਪਾਪੀ ਪੇਟ ਨੂੰ ਪਾਲਣ ਲਈ ਉਨ੍ਹਾਂ ਨੂੰ ਦੇਹ ਵਪਾਰ ਵਿੱਚ ਉਤਰਨਾ ਪੈਂਦਾ ਹੈ। ਅਜਿਹੀਆਂ ਘਟਨਾਵਾਂ ਬਾਲੀਵੁੱਡ ਅਤੇ ਸਾਊਥ ਫਿਲਮ ਇੰਡਸਟਰੀ ਵਿੱਚ ਕੁੱਝ ਜ਼ਿਆਦਾ ਹੀ ਦੇਖਣ ਨੂੰ ਮਿਲਦੀਆਂ ਹਨ। ਮਹਾਂਰਾਸ਼ਟਰ ਦੇ ਪੁਣੇ ਵਿੱਚ ਹਾਈ ਪ੍ਰੋਫਾਈਲ ਸੈਕਸ ਰੈਕੇਟ ਬੇਨਕਾਬ ਹੋਇਆ ਹੈ। ਇੱਥੇ ਇਕ ਫਾਈਵ ਸਟਾਰ ਹੋਟਲ ਵਿੱਚ ਜਿਸਮ ਫਰੋਸ਼ੀ ਦਾ ਧੰਦਾ ਚਲਾ ਰਹੀ ਹੀਰੋਇਨ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਇੱਥੇ ਧੰਦੇ ਲਈ 2 ਘੰਟੇ ਲਈ 2 ਲੱਖ ਰੁਪਏ ਲਏ ਜਾਂਦੇ ਹਨ। ਹੀਰੋਇਨ ਦੀ ਪਛਾਣ ਤਾਮਿਲ ਫਿਲਮਾਂ ਵਿੱਚ ਕੰਮ ਕਰਨ ਵਾਲੀ ਅਭਿਨੇਤਰੀ ਕੈਰੋਲੀਨ ਮਾਰੀਆ ਦੇ ਤੌਰ ’ਤੋ ਹੋਈ ਹੈ। ਉਹ ਚੇਨਈ ਦੀ ਮੂਲ ਨਿਵਾਸੀ ਹੈ। ਕੈਰੋਲੀਨ ਨੇ ਰੇਨ ਅਤੇ ਵਾਦ ਚੈਨਲ ਵਰਗੀਆਂ ਤਾਮਿਲ ਫਿਲਮਾਂ ਵਿੱਚ ਵੀ ਕੰਮ ਕੀਤਾ ਹੈ। ਉਸ ਨੇ ਹੀਰੋ ਦੀ ਐਂਡ ਲਈ ਵੀ ਕੰਮ ਕੀਤਾ ਹੈ। ਇਸ ਤਰ੍ਹਾਂ ਦੇ ਸੈਕਸ ਰੈਕੇਟ ਦਾ ਕਿਤੇ ਨਾ ਕਿਤੇ ਫਿਲਮੀ ਕੁਨੈਕਸ਼ਨ ਜ਼ਰੂਰ ਹੁੰਦਾ ਹੈ। ਹਾਲ ਹੀ ਵਿੱਚ ਬੰਗਲੌਰ ਵਿੱਚ ਪੁਲਿਸ ਨੇ ਜਿਸਮ ਫਰੋਸ਼ੀ ਦੇ ਦੋਸ਼ ਵਿੱਚ ਛੋਟੇ ਪਰਦੇ ਜਦ 3 ਕਲਾਕਾਰਾਂ ਸਮੇਤ 7 ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ। ਪੁਲਿਸ ਦੀ ਸੈਂਟਰਲ ਕਰਾਈਮ ਬਰਾਂਚ ਦੀ ਟੀਮ ਨੇ ਇਨ੍ਹਾਂ ਨੂੰ ਸ਼ਹਿਰ ਦੇ 2 ਟਿਕਾਣਿਆਂ ’ਤੇ ਛਾਪਾ ਮਾਰ ਕੇ ਗ੍ਰਿਫਤਾਰ ਕੀਤਾ ਸੀ। ਜਿਸਮ ਫਰੋਸ਼ੀ ਦੇ ਧੰਦੇ ਵਿੱਚ ਸ਼ਾਮਿਲ ਟੀਵੀ ਕਲਕਾਰਾਂ ਦੀ ਪਛਾਣ ਸਰੋਜਾ, ਦੀਕਸ਼ਿਤਾ (24) ਅਤੇ ਅਨੀਤਾਂ (35) ਦੇ ਰੂਪ ਵਿੱਚ ਹੋਈ ਸੀ। ਇਹ ਕਈ ਟੀ.ਵੀ. ਲੜੀਵਾਰਾਂ ਵਿੱਚ ਕੰਮ ਕਰ ਚੁੱਕੀਆਂ ਹਨ। ਸਰੋਜਾ (50) ਦੇ ਪਤੀ ਕ੍ਰਿਸਨਾ ਮੂਰਤੀ ਨੂੰ ਵੀ ਇਸ ਮਾਮਲੇ ਵਿੱਚ ਗ੍ਰਿਫਤਾਰ ਕੀਤਾ ਗਿਆ। ਇੱਥੇ ਇੱਕ ਗ੍ਰਾਹਕ ਤੋਂ 5 ਹਜ਼ਾਰ ਤੋਂ 10 ਹਜ਼ਾਰ ਤੱਕ ਰੁਪਏ ਲਏ ਜਾਂਦੇ ਹਨ।
