ਪਟਨਾ, 12 ਫਰਵਰੀ-  ਬਿਹਾਰ ਦੀ ਰਾਜਧਾਨੀ ਪਟਨਾ ‘ਚ ਇਕ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਵਾਪਰੀ ਹੈ ਜਿਸ ਨੂੰ ਦੇਖ ਕੇ ਹਰ ਕਿਸੇ ਦੇ ਪੈਰਾਂ ਹੇਠ ਜ਼ਮੀਨ ਖਿਸਕ ਗਈ। ਪਟਨਾ ਦੇ ਹੋਟਲ ਸਰੋਜ ਦੇ ਕਮਰਾ ਨੰਬਰ 102 ‘ਚ ਪੁਲਸ ਨੂੰ ਇਕ ਲਾਸ਼ ਮਿਲੀ। ਪਹਿਲੀ ਨਜ਼ਰ ‘ਚ ਦੇਖਣ ‘ਤੇ ਪੁਲਸ ਨੂੰ ਸ਼ੱਕ ਹੋਇਆ ਕਿ ਇਹ ਕਿਸੇ ਮਹਿਲਾ ਦੀ ਲਾਸ਼ ਹੈ ਪਰ ਜਦੋਂ ਉਨ੍ਹਾਂ ਜਾਂਚ ਕੀਤੀ ਤਾਂ ਦੇਖਿਆ ਕਿ  ਉਸ ਮਹਿਲਾ ਦੀ ਸ਼ਰੀਰਕ ਬਨਾਵਟ ਅਤੇ ਵਾਲ

ਅਜੀਬੋ-ਗਰੀਬ ਲੱਗਣ ‘ਤੇ ਜਦੋਂ ਪੁਲਸ ਨੇ ਡੂੰਘਾਈ ਨਾਲ ਜਾਂਚ ਕੀਤੀ ਤਾਂ ਉਸਦੇ ਵਾਲ ਨਕਲੀ ਸਨ ਅਤੇ ਉਹ ਮਹਿਲਾ ਨਹੀਂ ਸਗੋਂ ਇਕ ਪੁਰਸ਼ ਸੀ। ਉਥੋਂ ਤਲਾਸ਼ੀ ਲੈਣ ‘ਤੇ ਪੁਲਸ ਨੂੰ ਇਕ ਆਈ ਕਾਰਡ ਮਿਲਿਆ ਜਿਸ ‘ਚ ਉਸ ਲੜਕੇ ਦੀ ਅਸਲ ਫੋਟੋ ਲੱਗੀ ਸੀ। ਅਸਲ ‘ਚ ਇਹ ਲੜਕਾ ਇਕ ਇੰਜੀਨੀਅਰਿੰਗ ਸਟੂਡੈਂਟ ਸੀ।  ਉਸਦਾ ਨਾਂ ਹਰੀਓਮ ਸੀ।  ਉਸਨੇ 9 ਫਰਵਰੀ ਨੂੰ ਹੋਟਲ ਦਾ ਕਮਰਾ ਕਿਰਾਏ ‘ਤੇ ਲਿਆ ਸੀ। ਜਦੋਂ ਉਹ ਹੋਟਲ ਬੁੱਕ ਕਰਾਉਣ ਆਇਆ ਸੀ ਉਸ ਸਮੇਂ ਵੀ ਉਹ ਇਕ ਔਰਤ ਦੇ ਹੀ ਸਰੂਪ ‘ਚ ਆਇਆ ਸੀ। ਉਸਨੇ ਪੂਰੀ ਤਰ੍ਹਾਂ ਔਰਤਾਂ ਵਾਲਾ ਹਾਰ ਸ਼ਿੰਗਾਰ, ਬਿੰਦੀ, ਲਪੀਸਟਿਕ,  ਗਹਿਣੇ ਅਤੇ ਆਪਣੀਆਂ ਆਈਬ੍ਰੋਜ਼ ਵੀ ਔਰਤਾਂ ਵਰਗੀਆਂ ਹੀ ਬਣਾਈਆਂ ਸਨ।  ਹੋਟਲ ਕਰਮਚਾਰੀਆਂ ਨੇ ਕਿਹਾ ਕਿ ਉਸ ਨੂੰ ਦੇਖਣ ‘ਤੇ ਇਹੀ ਲੱਗਦਾ ਸੀ ਕਿ ਉਹ ਇਕ ਔਰਤ ਹੈ। ਦੋ ਦਿਨ ਬਾਅਦ 11 ਫਰਵਰੀ ਨੂੰ ਜਦੋਂ ਹੋਟਲ ਕਰਮਚਾਰੀਆਂ ਨੇ ਕਮਰੇ ਦਾ ਦਰਵਾਜ਼ਾ ਖੜਕਾਇਆ ਤਾਂ ਉਥੋਂ ਕੋਈ ਜਵਾਬ ਨਾ ਮਿਲਣ ‘ਤੇ ਉਨ੍ਹਾਂ ਨੇ ਪੁਲਸ ਨੂੰ ਸੂਚਨਾ ਦਿੱਤੀ। ਮੌਕੇ ‘ਤੇ ਪੁੱਜੀ ਪੁਲਸ ਨੇ ਦਰਵਾਜ਼ਾ ਖੁੱਲ੍ਹਾਇਆ ਅਤੇ ਜਾਂਚ ਕੀਤੀ। ਜਾਂਚ ਦੌਰਾਨ ਜੋ ਤੱਥ ਸਾਹਮਣੇ ਆਏ ਉਸ ਨੂੰ ਦੇਖ ਕੇ ਪੁਲਸ ਨੂੰ ਸੋਚਾਂ ‘ਚ ਪੈ ਗਈ ਕਿ ਇਸ ਲੜਕੇ ਵਲੋਂ ਅਜਿਹਾ ਸਰੂਪ ਕਿਉਂ ਤਿਆਰ ਕੀਤਾ ਗਿਆ ਸੀ। ਪੁਲਸ ਅਨੁਸਾਰ ਲੜਕੇ ਵਲੋਂ ਆਤਮਹੱਤਿਆ ਕੀਤੀ ਗਈ।  ਪਰ ਸਵਾਲ ਇਹ ਹੈ ਕਿ ਉਸਨੇ ਔਰਤ ਦਾ ਸਰੂਪ ਕਿਉਂ ਧਾਰਿਆ ਸੀ। ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ। ਪੁਲਸ ਨੇ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

Share this post