ਮੁੰਬਈ, 20 ਜੁਲਾਈ (ਅ.ਬ.)-ਕਿੰਗ ਖਾਨ ਸ਼ਾਹਰੁਖ ਇਹਨੀ ਦਿਨੀਂ ਉਪਹਾਰ ਵੰਡਣ ਦੇ ਮੂਡ ਵਿੱਚ ਹੈ। ਪਿਛਲੇ ਦਿਨਾਂ ਵਿੱਚ ਉਸ ਨੇ ਪ੍ਰਿਯੰਕਾ ਚੋਪੜਾ ਨੂੰ ਇੱਕ ਸ਼ਾਨਦਾਰ ਗਿਟਾਰ ਅਤੇ ਸੰਜੇ ਦੱਤ ਨੂੰ 15 ਲੱਖ ਰੁਪਏ ਦੀ ਬਾਈਕ ਦਿੱਤੀ। ਇਹਨਾਂ ਦੋਨਾਂ  ਕਲਾਕਾਰਾਂ ਨੇ ਰਾਵਨ ਵਿੱਚ ਛੋਟੀ ਜਿਹੀ ਭੂਮਿਕਾ ਨਿਭਾਈ ਹੈ । ਜਦੋਂ ਸ਼ਾਹਰੁਖ ਨੇ ਪੈਸਿਆਂ ਦੀ ਗੱਲ ਕੀਤੀ ਤਾਂ ਦੋਨਾਂ ਨੇ ਕੁਝ ਵੀ ਲੈਣ ਤੋਂ ਇਨਕਾਰ ਕਰ ਦਿੱਤਾ। ਸ਼ਾਹਰੁਖ ਉਹਨਾਂ ਨੂੰ ਕੁਝ ਨਾ ਕੁਝ ਦੇਣਾ ਚਾਹੁੰਦਾ ਸੀ। ਇਸੇ ਦੌਰਾਨ ਪ੍ਰਿਯੰਕਾ  ਚੋਪੜਾ ਦਾ ਜਨਮ ਦਿਨ  ਆ ਗਿਆ ਅਤੇ ਸ਼ਾਹਰੁਖ ਨੇ ਉਹਨਾਂ ਦੀ ਸੰਗੀਤ ਵਿੱਚ ਰੁਚੀ  ਨੂੰ ਦੇਖਦੇ ਹੋਏ ਉਹਨਾਂ ਨੂੰ ਇੱਕ ਗਿਟਾਰ ਦੇ ਦਿੱਤਾ।

ਸੰਜੇ ਦੱਤ ਦੇ ਬਾਰੇ ਵਿੱਚ ਉਹਨਾਂ  ਨੇ ਪਤਾ ਲਗਾਇਆ ਤਾਂ ਪਤਾ ਲੱਗਾ ਕਿ ਸੰਜੂ ਬਾਬਾ ਦਾ ਦਿਲ ਇੱਕ ਬਾਈਕ ਉਤੇ ਆਇਆ ਹੋਇਆ ਹੈ। ਇਸ ਲਈ ਉਹਨਾਂ ਨੇ ਜਲਦੀ ਹੀ ਬਾਈਕ  ਖਰੀਦ ਕੇ ਸੰਜੇ ਦੱਤ ਨੂੰ ਦੇ ਦਿੱਤੀ। ਬਾਈਕ ਨੂੰ ਪਾ ਕੇ ਸੰਜੇ ਦੱਤ ਬੇਹੱਦ ਖੁਸ਼ ਹੋਏ ਅਤੇ  ਸ਼ਾਹਰੁਖ  ਨੂੰ ਉਹਨਾਂ ਨੇ ਬੜੇ ਦਿਲਵਾਲਾ ਦੱਸਿਆ। ਵਰਨਣਯੋਗ ਹੈ ਕਿ ਦੀਵਾਲੀ ਤੇ ਰਿਲੀਜ਼ ਹੋਣ ਵਾਲੀ ਰਾਵਨ ਵਿੱਚ ਇੱਕ ਡਰੀਮ ਸੀਕਵੈਂਸ ਫਿਲਮਾਇਆ ਗਿਆ ਹੈ। ਜਿਸ ਵਿਚ ਪ੍ਰਿਯੰਕਾ ਚੋਪੜਾ  ਅਤੇ ਸੰਜੇ ਦੱਤ ਸਟੰਟ ਕਰਦੇ ਨਜ਼ਰ ਆਉਣਗੇ।

Share this post