ਮੁੰਬਈ- ਸ਼ੇਰ ਅਤੇ ਬਾਘਾਂ ਨਾਲ ਬਾਲੀਵੁੱਡ ਦੀ ਪੁਰਾਣੀ ਦੁਸ਼ਮਣੀ ਹੈ। ਫਿਲਮਾਂ ਵਿਚ ਅਕਸਰ ਹੀਰੋ ਦੇ ਕਿਰਦਾਰ ਨੂੰ ਤਾਕਤਵਰ ਦਿਖਾਉਣ ਲਈ ਕਦੀ ਉਨ੍ਹਾਂ ਨੂੰ ਜੰਗਲ ਦੇ ਰਾਜਾ ਨਾਲ ਭਿੜਾ ਦਿੱਤਾ ਜਾਂਦਾ ਹੈ ਤਾਂ ਕਦੀ ਦੁਨੀਆ ਦੇ ਸਭ ਤੋਂ ਤਾਕਤਵਰ ਜਾਨਵਰ ਹਾਥੀ ਨਾਲ। ਹੁਣ ਦਬੰਗ ਸਲਮਾਨ ਜਲਦੀ ਹੀ ਤੁਹਾਨੂੰ ਇਸ ਫਿਲਮ ਵਿਚ ਸ਼ੇਰ ਨਾਲ ਲੜਦਾ ਨਜ਼ਰ ਆਏਗਾ। ਬੈਂਕਾਕ ਦੇ ਘਣੇ ਜੰਗਲਾਂ ਵਿਚ ਸਲਮਾਨ ਦੀ ਨਵੀਂ ਫਿਲਮ ‘ਸ਼ੇਰ ਖਾਨ‘ ਦੀ ਸ਼ੂਟਿੰਗ ਜਲਦੀ ਹੀ ਸ਼ੁਰੂ ਹੋਣ ਵਾਲੀ ਹੈ। ਖਬਰਾਂ ਦੀ ਮੰਨੀਏ ਤਾਂ ਅਮਿਤਾਭ ਬੱਚਨ ਤੋਂ ਬਾਅਦ ਪਹਿਲੀ ਵਾਰ ਬਾਲੀਵੁੱਡ ਦਾ ਕੋਈ ਸਟਾਰ ਸ਼ੇਰ ਅਤੇ ਬਾਘ ਨਾਲ ਵੱਡੇ ਪਰਦੇ ‘ਤੇ ਭਿੜਦਾ ਦਿਖਾਈ ਦੇਵੇਗਾ। ਦਰਅਸਲ ਸਲਮਾਨ

ਆਪਣੀ ਅਗਲੀ ਫਿਲਮ ਸ਼ੇਰ ਖਾਨ ਵਿਚ ਇਕ ਖਤਰਨਾਕ ਸਟੰਟ ਕਰਨ ਜਾ ਰਿਹਾ ਹੈ, ਜਿਸ ਵਿਚ ਉਹ ਜੰਗਲ ਵਿਚ ਸ਼ੇਰ ਨਾਲ ਲੜਾਈ ਕਰਦਾ ਦਿਖੇਗਾ। ਭਰਾ ਸੁਹੇਲ ਖਾਨ ਦੀ ਡਾਇਰੈਕਸ਼ਨ ਵਿਚ ਬਣਨ ਵਾਲੀ ਇਸ ਫਿਲਮ ਵਿਚ ਸਲਮਾਨ ਟਾਰਜਨ ਬਣਿਆ ਹੈ ਅਤੇ ਸੀਨ ਮੁਤਾਬਕ ਉਸ ਨੇ ਫਿਲਮ ਵਿਚ ਇਕ ਸ਼ੇਰ ਨਾਲ ਭਿੜਨਾ ਹੈ। ਬਾਘਾਂ ਨਾਲ ਦੋਸਤੀ ਕਰਨੀ ਹੈ ਅਤੇ ਚੀਤੇ ਤੋਂ ਵੀ ਤੇਜ਼ ਦੌੜਨਾ ਹੈ। ਇਸ ਦੇ ਲਈ ਭਾਵੇਂ ਹੀ ਸਪੈਸ਼ਲ ਇਫੈਕਟਸ ਦੀ ਵਰਤੋਂ ਕੀਤੀ ਜਾਵੇਗੀ ਪਰ ਫਾਈਟਿੰਗ ਸੀਨ ਵਿਚ ਸਲਮਾਨ ਦੇ ਸਾਹਮਣੇ ਸੱਚਮੁੱਚ ਸ਼ੇਰ ਹੋਵੇਗਾ। ਫਿਲਮ ਲਈ ਸਿਖਲਾਈ ਪ੍ਰਾਪਤ ਜਾਨਵਰਾਂ ਦੀ ਲੋੜ ਪਵੇਗੀ।

Share this post