ਭਾਰਤੀ ਫ਼ਿਲਮਾਂ ਦੇ ਨਕਸ਼ੇ ’ਤੇ 80 ਦੇ  ਦਹਾਕੇ ਤੋਂ ਉਭਰਦਿਆਂ ਫ਼ਿਲਮ ਨਗਰੀ ’ਚ ਨਰੋਈ ਵਿਚਾਰਧਾਰਾ ਵਾਲੀਆਂ ਫ਼ਿਲਮਾਂ ਨਾਲ ਪੂਰੀ ਤਰ੍ਹਾਂ ਛਾ ਜਾਣ ਵਾਲੇ ਅਦਾਕਾਰ ਆਮਿਰ ਖਾਨ ਹੁਣ ਫ਼ਿਲਮ ਐਡੀਟਰ ਦੀ ਕੈਂਚੀ ਫੜ੍ਹ  ਫ਼ਿਲਮਾਂ ਦੀ ਚੀਰ ਫਾੜ ਕਰਨ ਦੇ ਗੁਰ ਸਿੱਖਣ ਦੇ ਰਾਹ ਪੈ ਰਹੇ ਹਨ। ਇਸ ਬਾਰੇ ਖੁੱਦ ਆਮਿਰ ਖਾਨ ਦਾ ਕਹਿਣਾ ਹੈ ਕਿ ਮੈਂ ਫ਼ਿਲਮਾਂ ’ਚ ਐਕਟਿੰਗ ਕੀਤੀ ਹੈ, ਨਿਰਦੇਸ਼ਨ ਦਿੱਤਾ ਹੈ, ਫ਼ਿਲਮ ਨਿਰਮਾਤਾ ਬਣਿਆ ਹਾਂ, ਇੱਥੋਂ ਤੱਕ ਕਿ ਫ਼ਿਲਮਾਂ ਦੀ ਕਹਾਣੀ ਵੀ ਲਿਖੀ ਹੈ.... ਇਸ ਦੇ ਨਾਲ ਹੀ ਮੈਨੂੰ ਫਿਲਮਾਂ ਦੀ ਕਾਂਟ-ਛਾਂਟ (ਐਡਟਿੰਗ) ਕਰਨਾ ਵੀ ਬਹੁਤ ਪਿਆਰਾ ਲੱਗਦਾ ਹੈ। ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਆਮਿਰ ਖਾਨ

ਨੇ ਦੱਸਿਆ ਕਿ ਫ਼ਿਲਮਾਂ ਦੀ ਐਡਟਿੰਗ ਦੌਰਾਨ  ਫ਼ਿਲਮ ਨਿਰਦੇਸ਼ਕਾਂ ਨਾਲ ਬਹੁਤ ਕੰਮ ਕੀਤਾ ਹੈ ਪਰ ਮੈਂ ਉਹ ਐਡਟਿੰਗ  ਦਾ ਕੰਮ ਇਕੱਲਿਆਂ ਖੁੱਦ ਨਹੀਂ ਕੀਤਾ। ਮੈਂ ਫ਼ਿਲਮ ਨੂੰ ਇਕੱਲਿਆਂ ਐਡਟਿੰਗ ਕਰਕੇ ਨਹੀਂ ਕੱਟ ਸਕਦਾ। ਮੈਂ ਫ਼ਿਲਮ ਦੀ ਖੁੱਦ ਕਾਂਟ-ਛਾਂਟ  (ਐਡਟਿੰਗ) ਕਰਨੀ ਪਸੰਦ ਕਰਦਾ ਹਾਂ।
ਆਮਿਰ ਖਾਨ ਨੇ ਫ਼ਿਲਮੀ ਕੈਰੀਅਰ ਆਪਣੇ ਅੰਕਲ ਨਾਸੀਪੁਰ ਹੁਸੈਨ ਦੀ ਫ਼ਿਲਮ ‘ਯਾਦੋਂ ਕੀ ਬਾਰਾਤ’ (1973) ਵਿੱਚ ਬਾਲ  ਕਲਾਕਾਰ ਵਜੋਂ ਕੰਮ ਕਰਕੇ ਸ਼ੁਰੂ ਕੀਤਾ ਸੀ। ਸਟਾਰ ਕਲਾਕਾਰਾਂ ਵਿੱਚ ਉਹ 1988 ਦੌਰਾਨ ‘ਕਿਆਮਤ ਸੇ ਕਿਆਮਤ ਤੱਕ’ ਨਾਲ ਸ਼ਾਮਲ ਹੋਏ ਸਨ। ਫ਼ਿਲਮਾਂ ਵਿੱਚ ਆਮਿਰ ਖਾਨ ਦਾ ਪ੍ਰੋਫੈਸ਼ਨਲ ਕੈਰੀਅਰ 1984 ਵਿੱਚ ‘ਹੋਲੀ’ ਫ਼ਿਲਮ ਨਾਲ ਸ਼ੁਰੁੂ ਹੋਇਆ ਸੀ। ਆਮਿਰ ਦੀ ਆਪਣੀ ਨਿਰਮਤ ਫ਼ਿਲਮ ‘ਲਗਾਨ’ ਨੂੰ 74ਵੇਂ ਅਕੈਡਮੀ ਐਵਾਰਡਾਂ ਦੌਰਾਨ ਭਾਰਤ ਦੀ ਪ੍ਰਤੀਨਿੱਧਤਾ ਕਰਨ ਵਜੋਂ ‘ਵਧੀਆ ਵਿਦੇਸ਼ੀ ਫ਼ਿਲਮ-2011’ ਦਾ ਐਵਾਰਡ ਦਿੱਤਾ ਗਿਆ। 2008 ਵਿੱਚ  ‘ਆਮਿਰ ਦੀ ਫ਼ਿਲਮ ‘ਤਾਰੇ ਜ਼ਮੀਨ ਪਰ’ ਨੇ ਫ਼ਿਲਮ ਫੇਅਰ ਐਵਾਰਡ’ ਜਿੱਤਿਆ। 1993 ਵਿੱਚ ਆਈ ਫ਼ਿਲਮ ‘ਹਮ ਹੈਂ ਰਾਹੀ ਪਿਆਰ ਕੇ’ ਵਿੱਚ ਆਮਿਰ ਨੇ ਸਹਿ-ਲੇਖਕ ਤੇ ਸਕਰੀਨ ਲੇਖਕ ਵਜੋਂ ਵੀ ਕੰਮ ਕੀਤਾ ਸੀ।

Share this post