ਮੁੰਬਈ, 22 ਜੂਨ (ਵਿਸ਼ਵ ਵਾਰਤਾ)-ਬਾਲੀਵੁੱਡ ਦੇ ਮਹਾਨ ਅਭਿਨੇਤਾ ਅਮਿਤਾਬ ਬੱਚਨ ਛੇਤੀ ਹੀ ਦਾਦਾ ਬਣਨ ਜਾ ਰਹੇ ਹਨ। ਬਿੱਗ ਬੀ ਨੇ ਬੀਤੀ ਕੱਲ੍ਹ ਟਵਿੱਟਰ ਉੱਤੇ ਆਪਣੀ ਇਸ ਖੁਸ਼ੀ ਨੂੰ ਜਨਤਕ ਕੀਤਾ। ਉਨ੍ਹਾਂ ਲਿਖਿਆ ਹੈ ਕਿ ਉਨ੍ਹਾਂ ਦੀ ਨੂੰਹ ਐਸ਼ਵਰਿਆ ਰਾਏ ਬੱਚਨ ਗਰਭਵਤੀ ਹੈ। ਅਮਿਤਾਬ ਨੇ ਲਿਖਿਆ ਹੈ ਕਿ ਇਹ ਬੇਹੱਦ ਖੁਸ਼ੀ ਵਾਲੀ ਗੱਲ ਹੈ ਕਿ ਅਭਿਸ਼ੇਕ ਪਿਤਾ ਅਤੇ ਉਹ ਦਾਦਾ ਬਣਨ ਵਾਲੇ ਹਨ। ਦੂਸਰੇ ਪਾਸੇ ਇਸ ਖ਼ਬਰ ਨਾਲ ਬੱਚਨ ਪਰਿਵਾਰ ਨੂੰ ਵਧਾਈਆਂ ਦੇਣ ਵਾਲਿਆਂ ਦਾ ਤਾਂਤਾ ਲੱਗ ਗਿਆ ਹੈ। ਬਾਲੀਵੁੱਡ ਨਾਲ ਸਬੰਧਤ ਲਗਪਗ ਸਾਰੀਆਂ ਹੀ ਹਸਤੀਆਂ ਨੇ ਬਿੱਗ ਬੀ ਤੇ ਉਨ੍ਹਾਂ ਦੇ ਪਰਿਵਾਰ ਨੂੰ ਵਧਾਈ ਦਿੱਤੀ ਹੈ। ਜ਼ਿਕਰਯੋਗ ਹੈ ਕਿ ਐਸ਼ਵਰਿਆ ਅਤੇ ਅਭਿਸ਼ੇਕ ਬੱਚਨ ਦਾ ਵਿਆਹ ਸਾਲ 2007 ਵਿੱਚ ਹੋਇਆ ਸੀ। ਪਿਛਲੇ ਕੁੱਝ ਮਹੀਨਿਆਂ ਤੋਂ ਐਸ਼ਵਰਿਆ ਦੇ ਮਾਂ ਬਣਨ ਦੀਆਂ ਖ਼ਬਰਾਂ ਆ ਰਹੀਆਂ ਸਨ, ਹੁਣ ਖੁਦ ਅਮਿਤਾਬ ਬੱਚਨ ਨੇ ਇਹ ਗੱਲ ਸਾਰਿਆਂ ਨੂੰ ਦੱਸ ਦਿੱਤੀ ਹੈ।

Share this post