ਲੁਧਿਆਣਾ ( ਅਸ਼ੋਕ ਪੁਰੀ,ਵਰਿੰਦਰ ਲਾਡੀ ) ਮਾਰਕੀਟ ਐਸੋਸੀਏਸ਼ਨ ਕੋਟ ਮੰਗਲ ਸਿੰਘ ਵੱਲੋਂ ਅਸ਼ਵਨੀ ਸੂਦ ਅਤੇ ਗੁਰਪ੍ਰੀਤ ਸਿੰਘ ਰਾਜਾ ਦੀ ਅਗਵਾਈ ਹੇਠ  ਮਹਾਂਸ਼ਿਵਰਾਤਰੀ ਦੇ ਪਵਿੱਤਰ ਦਿਹਾੜੇ ਤੇ ਸਮੂਹ ਦੁਕਾਨਦਾਰਾਂ ਤੇ ਸ਼ਿਵਾ ਕਲੱਬ ਵੱਲੋਂ ਭੋਲੇ ਨਾਥ ਦੇ ਭੰਡਾਰੇ ਅਤੇ ਲੰਗਰਾਂ ਦਾ ਪ੍ਰਬੰਧ ਕੀਤਾ ਗਿਆ।

ਲੰਗਰ ਦਾ ਉਦਘਾਟਨ ਕੋਂਸਲਰ ਅਤੇ ਮੈਂਬਰ ਵਿੱਤ ਤੇ ਠੇਕਾ ਕਮੇਟੀ ਨਗਰ ਨਿਗਮ ਲੁਧਿਆਣਾ ਸਿਮਰਜੀਤ ਸਿੰਘ ਬੈਂਸ ਨੇ ਕੀਤਾ ਅਤੇ ਉਨਾਂ ਦੇ ਨਾਲ ਕੋਂਸਲਰ ਕਮਲਜੀਤ ਸਿੰਘ ਕੜਵਲ ਨੇ ਵੀ ਉਚੇਚੇ ਤੌਰ ਸ਼ਿਰਕਤ ਕੀਤੀ। ਇਸ ਮੌਕੇ ਜੂਨੀਅਰ ਸ਼ਿਵਾ ਕਲੱਬ ਦੇ ਬੱਚਿਆਂ ਵੱਲੋਂ ਰੋਬਿਨ ਜਿੰਦਲ ਦੀ ਅਗਵਾਈ ਵਿਚ ਸ਼ਿਵ ਭਗਵਾਨ ਦੇ ਜੀਵਨ ਦੀਆਂ ਵੱਖੋ-ਵੱਖਰੀਆਂ ਝਾਕੀਆਂ ਨੂੰ ਬਾਖੂਬੀ ਨਿਭਾਇਆ। ਇਸ ਮੌਕੇ ਰਾਜਕੁਮਾਰ ਰਾਜਾ ਨੇ ਆਏ ਹੋਏ ਪਤਵੰਤਿਆਂ ਦਾ ਅਤੇ ਸਮੂਹ ਐਸੋਸੀਏਸ਼ਨ ਅਤੇ ਕਲੱਬਾਂ ਦਾ ਧੰਨਵਾਦ ਕੀਤਾ ਜਿਹਨਾਂ ਦੇ ਸਹਿਯੋਗ ਸਦਕਾ ਇਹ ਪਵਿੱਤਰ ਦਿਹਾੜਾ ਉਤਸ਼ਾਹਪੂਰਬਕ ਮਨਾਇਆ ਗਿਆ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਜਗਜੀਤ ਸਿੰਘ ਨੀਟਾ, ਗੁਰਵਿੰਦਰ ਸਨੀ, ਪਰਵਿੰਦਰ ਸਿੰਘ ਹੈਪੀ, ਪਰਮਿੰਦਰ ਸਿੰਘ ਰਿੰਕੂ, ਬਲਵਿੰਦਰ ਸਿੰਘ ਬੰਟੀ, ਕਾਕਾ ਧਕੇਲੂ, ਪਵਨ ਕੁਮਾਰ ਸੈਣੀ, ਸ਼ਿਵ ਕੁਮਾਰ ਸੈਣੀ, ਕਮਲ ਜਿੰਦਲ, ਪ੍ਰੇਮ ਚੱਕੀ ਵਾਲੇ, ਗੁਰਵਿੰਦਰ ਗਿੰਦਾ , ਸਤਨਾਮ ਸਿੰਘ ਸੱਤਾ, ਦਲਜੀਤ ਨੀਟਾ, ਕੁਲਜੀਤ ਬੱਗਾ, ਮਨਦੀਪ ਸਿੰਘ, ਆਤਮਾ ਸਿੰਘ, ਵਿੱਕੀ ਅਰੋੜਾ ਆਦਿ ਹਾਜ਼ਰ ਸਨ।

Share this post