ਬਾਘਾ ਪੁਰਾਣਾ- ਬਰਾੜ-ਕਿਸੇ ਨਾ ਕਿਸੇ ਗੱਲ ਨੂੰ ਲੈ ਕੇ ਚਰਚਾ ਵਿਚ ਰਹਿਣ ਵਾਲੀ ਪੰਜਾਬ ਪੁਲਿਸ ਦੇ ਸਹਾਇਕ ਥਾਣੇਦਾਰ ਨੇ ਇਕ ਵਾਰ ਫਿਰ ਖਾਕੀ ਵਰਦੀ ਦਾਗਦਾਰ ਕਰ ਦਿੱਤੀ ਅਤੇ ਹੁਣੇ ਜਿਹੇ ਹੀ ਅਕਾਲੀ ਸਰਕਾਰ ਵੱਲੋਂ ਹੌਲਦਾਰ ਤੋਂ ਪ੍ਰਮੋਟ ਕਰਕੇ ਲਾਏ ਸਹਾਇਕ ਥਾਣੇਦਾਰ ਦੇ ਸਟਾਰ ਨੂੰ

ਚਾਰ ਚੰਨ ਲਾ ਦਿੱਤੇ ਜਦ ਉਕਤ ਏ.ਐਸ.ਆਈ ਦਲਜੀਤ ਸਿੰਘ ਥਾਣਾ ਸਮਾਲਸਰ ਨੂੰ ਬਾਘਾ ਪੁਰਾਣਾ ਦੀ ਗਲੀ ਨੰਬਰ 02 ਦੇ ਇਕ ਮਕਾਨ ਵਿੱਚੋਂ ਇਕ ਔਰਤ ਨਾਲ ਨੂੰ ਮੁਹੱਲਾ ਵਾਸੀਆ ਨੇ ਰੰਗੀ ਹੱਥੀ ਪਕੜ ਕੇ ਸਥਾਨ ਬਾਘਾ ਪੁਰਾਣਾ ਪੁਲਿਸ ਦੇ ਹਵਾਲੇ ਕਰ ਦਿੱਤਾ। ਮੌਕੇ ਤੇ ਹਾਜਰ ਗਲੀ ਦੇ ਵਸਨੀਕ ਲੋਕਾਂ ਨੇ ਦੱਸਿਆ ਕਿ ਉਕਤ ਸਹਾਇਕ ਥਾਣੇਦਾਰ ਕਾਫੀ ਸਮੇਂ ਤੋਂ ਸਰੇਆਮ ਉਕਤ ਮਕਾਨ ’ਚ ਰੰਗਰਲੀਆ ਮਨਾਉਦਾ ਆ ਰਿਹਾ ਸੀ ਪਰ ਕਈ ਵਾਰ ਰੋਕਣ ਤੇ ਵੀ ਅੱਗੋ ਧਮਕੀਆ ਦਿੰਦਾ ਸੀ। ਅੱਜ ਬਾਘਾ ਪੁਰਾਣਾ ਐਸ.ਐਚ.ਓ ਗੁਰਪ੍ਰੀਤ ਸਿੰਘ ਨੇ ਮੌਕੇ ਤੇ ਪੁਲਿਸ ਪਾਰਟੀ ਨਾਲ ਜਾ ਕੇ ਉਕਤ ਥਾਣੇਦਾਰ ਦਲਜੀਤ ਸਿੰਘ ਅਤੇ ਔਰਤ ਮੋਨਿਕਾ (ਕਾਲਪਿਨਕ ਨਾਮ) ਵਾਸੀ ਮੋਗਾ ਨੂੰ ਗ੍ਰਿਫਤਾਰ ਕਰਕੇ ਥਾਣਾ ਬਾਘਾ ਪੁਰਾਣਾ ਵਿੱਚ ਨਜਰਬੰਦ ਕਰ ਦਿੱਤਾ ਅਤੇ ਅਗਲੀ ਕਾਰਵਾਈ ਅੰਰਭ ਕਰ ਦਿੱਤੀ । ਖਬਰ ਲਿਖਣ ਤੱਕ ਮੁੱਹਲਾ ਵਾਸੀ ਲੋਕਾ ਨੇ ਗੁਰਬਚਨ ਸਿੰਘ ਬਰਾੜ ਅਤੇ ਗੁਰਜੰਟ ਸਿੰਘ ਧਾਲੀਵਾਲ ਦੀ ਅਗਵਾਈ ਵਿਚ ਥਾਣੇ ਸਾਹਮਣੇ ਇਕੱਠ ਕੀਤਾ ਹੋਇਆ ਸੀ। ਤਾ ਜੋ ਪੁਲਿਸ ਦੋਸ਼ੀਆ ਨੂੰ ਛੱਡ ਨਾ ਸਕੇ। ਹੁਣ ਦੇਖਣਾ ਇਹ ਬਣਦਾ ਹੈ ਕਿ ਸਮਾਜ ਵਿੱਚੋਂ ਕੁਰੀਤੀਆ ਮਿਟਾਉਣ ਅਤੇ ਲੋਕਾਂ ਦੀ ਰੱਖਿਆ ਕਰਨ ਵਾਲੀ ਪੰਜਾਬ ਪੁਲਿਸ ਦੇ ਇਕ ਜੁੰਮੇਵਾਰ ਥਾਣੇਦਾਰ ਖਿਲਾਫ਼ ਪੁਲਿਸ ਕੀ ਕਾਰਵਾਈ ਕਰਦੀ ਹੈ। ਵਰਣਨਯੋਗ ਹੈ ਕਿ ਇਸ ਤੋਂ ਪਹਿਲਾ ਵੀ ਪੰਜਾਬ ਪੁਲਿਸ ਦਾ ਉਪ ਪੁਲਿਸ ਕਪਤਾਨ ਜੋ ਮੋਗਾ ਜਿਲਾ ’ਚ ਤੈਨਾਤ ਸੀ, ਦਾ ਵੀ ਨਜ਼ਾਇਜ ਸਬੰਧਾਂ ਕਰਕੇ ਲੁਧਿਆਣਾ ਵਿਚ ਇਕ ਔਰਤ ਸਮੇਤ ਕਤਲ ਹੋ ਚੁੱਕਾ ਹੈ।

Share this post