ਗਿੱਦੜਬਾਹਾ (ਰਾਜੀਵ)-ਘਰਾਂ ਤੇ ਦੁਕਾਨਾਂ ਤੇ ਭੀਖ ਮੰਗਣ ਵਾਲਿਆਂ ਨੇ ਭਾਵੇਂ ਮੰਗਣ ਦੇ ਨਵੇਂ ਨਵੇਂ ਤਰੀਕੇ ਲੱਭ ਲਏ ਹੋਣ ਪਰ ਕੰਨਿਆਦਾਨ ਦੇ ਨਾਂ ਤੇ ਮੰਗੀ ਜਾ ਰਹੀ ਭੀਖ ਨਾ ਕੇਵਲ ਕੁਝ ਭਿਖਾਰੀਆਂ ਨੂੰ ਰਾਸ ਆ ਚੁੱਕੀ ਹੈ ਬਲਕਿ ਕਈਆਂ ਲਈ ਇਹ ਵਰਦਾਨ ਸਾਬਿਤ ਹੋ ਰਹੀ ਹੈ। ਜਾਣਕਾਰ ਸੂਤਰਾਂ ਅਨੁਸਾਰ
ਆਪਣੀ ਬੇਟੀ ਦੀ ਸ਼ਾਦੀ ਦਾ ਵਾਸਤਾ ਦੇ ਕੇ ਪੈਸੇ ਤੇ ਵੱਖ ਵੱਖ ਵਸਤੂਆਂ ਠੱਗਣ ਵਾਲੇ ਕੁਝ ਪਰਿਵਾਰਾਂ ਨੇ ਨਾ ਕੇਵਲ ਆਪਣੀ ਕੰਗਾਲੀ ਨੂੰ ਦੂਰ ਭਜਾ ਦਿੱਤਾਹੈ ਬਲਕਿ ਕਈ ਤਾਂ ਇਸ ਧੰਦੇ ਤੋਂ ਲੱਖਪਤੀ ਬਣ ਚੁੱਕੇ ਹਨ। ਕੰਨਿਆਦਾਨ ਅਰਥਾਤ ਲੜਕੀ ਦੀ ਸ਼ਾਦੀ ਦੇ ਨਾਂ ਤੇ ਭੀਖ ਮੰਗਣ ਵਿਚ ਗੁਆਂਢੀ ਸੂਬੇ ਰਾਜਸਥਾਨ ਤੇ ਦੱਖਣੀ ਸੂਬਿਆਂ ਦੀਆਂ ਔਰਤਾਂ ਸ਼ਾਮਲ ਹਨ। ਇੰਜ ਹੀ ਪੇਟ ਦੀ ਭੁੱਖ ਮਿਟਾਉਣ ਵਾਸਤੇ ਮੰਗੀ ਜਾਣ ਵਾਲੀ ਭੀਖ ਕੁਝ ਸਮੇਂ ਤੋਂ ਇਕ ਵੱਡੇ ਕਾਰੋਬਾਰ ਦਾ ਰੂਪ ਧਾਰਨ ਕਰਦੀ ਜਾ ਰਹੀ ਹੈ। ਭੀਖ ਮੰਗਣ ਵਾਲੇ ਮੌਸਮ ਦੇ ਨਾਲ ਨਾਲ ਆਪਣਾ ਤਰੀਕਾ ਵੀ ਬਦਲ ਲੈਂਦੇ ਹਨ। ਠੰਡ ਦਾ ਮੌਸਮ ਸ਼ੁਰੂ ਹੁੰਦਿਆਂ ਹੀ ਆਪਣਾ ਤਰੀਕਾ ਵੀ ਬਦਲ ਲੈਂਦੇ ਹਨ। ਠੰਡ ਦਾ ਮੌਸਮ ਸ਼ੁਰੂ ਹੁੰਦਿਆਂ ਹੀ ਗਰਮ ਕੱਪੜਿਆਂ ਦੀ ਦੁਹਾਈ ਦਿੱਤੀ ਜਾਂਦੀ ਹੈ ਜਿਹੜੇ ਕਿ ਬਾਅਦ ਵਿਚ ਵੇਚ ਦਿੱਤੇ ਜਾਂਦੇ ਹਨ। ਇੱਕ ਆਟਾ ਚੱਕੀ ਦੇ ਮਾਲਿਕ ਦਾ ਕਹਿਣਾ ਹੈ ਕਿ ਲੋਕਾਂ ਦੇ ਘਰਾਂ ਤੋਂ ਇਕੱਠਾ ਕੀਤਾ ਗਿਆ ਆਟਾ ਤੱਕ ਜਿਆਦਾਤਰ ਭਿਖਾਰੀ ਵੇਚ ਦਿੰਦੇ ਹਨ। ਕਿਉਂਕਿ ਖਾਣ ਲਈ ਤਾਂ ਉਹਨਾਂ ਨੂੰ ਬਣੀ ਬਣਾਈ ਰੋਟੀ ਮਿਲ ਜਾਂਦੀ ਹੈ। ਦਿਨ ਭਰ ਲੋਕਾਂ ਤੋਂ ਨੋਟ ਇਕੱਠੇ ਕਰਨ ਵਾਲਿਆਂ ਵਿਚੋਂ ਜਿਆਦਾਤਰ ਭਿਖਾਰੀ ਰਾਤ ਵੇਲੇ ਸ਼ਰਾਬ ਪੀ ਕੇ ਰੇਲਵੇ ਸਟੇਸ਼ਨ ਤੇ ਹੋਰ ਸਰਵਜਨਕ ਥਾਵਾਂ ਤੇ ਡਿੱਗੇ ਦੇਖੇ ਜਾ ਸਕਦੇ ਹਨ। ਇਕ ਦੂਜੇ ਦੇ ਇਲਾਕੇ ਵਿਚ ਭੀਖ ਮੰਗਣ ਦੇ ਕਾਰਨ ਨਸ਼ੇ ਦੀ ਹਾਲਤ ਵਿਚ ਕੁਝ ਭਿਖਾਰੀ ਆਪਸ ਵਿਚ ਲੜ ਵੀ ਪੈਂਦੇ ਹਨ।
ਲੜਕੀ ਦੀ ਸ਼ਾਦੀ ਦਾ ਬਹਾਨਾ ਬਣਾ ਕੇ ਭੀਖ ਮੰਗਣ ਵਾਲਿਆਂ ਦੇ ਹੱਥ ਤਾਂ ਅਜਿਹਾ ਧੜੱਲੇਦਾਰ ਤਰੀਕਾ ਆ ਗਿਆ ਹੈ ਕਿ ਕਿਸੇ ਸਮੇਂ ਦਿਨ ਵਿਚ ਵੀਹ-ਤੀਹ ਰੁਪਏ ਇਕੱਠੇ ਕਰਨ ਵਾਲੀਆਂ ਔਰਤਾਂ ਸ਼ਾਮ ਨੂੰ ਸੈਂਕੜੇ ਰੁਪਏ ਜੋੜਣ ਲੱਗੀਆਂ ਹਨ। ਸੂਤਰ ਦੱਸਦੇ ਹਨ ਕਿ ਕੰਨਿਆਦਾਨ ਦਾ ਰਾਗ ਅਲਾਪ ਕੇ ਕੁਝ ਭਿਖਾਰਨਾ ਤਾਂ ਘਰੇਲੂ ਔਰਤਾਂ ਨੂੰ ਇਸ ਕਦਰ ਪਿਘਲਾਂ ਲੈਂਦੀਆਂ ਹਨ ਕਿ ਔਰਤਾਂ ਉਹਨ੍ਯਾਂ ਨੂੰ ਪੈਸਿਆਂ ਦੇ ਨਾਲ ਨਾਲ ਕੱਪੜੇ ਬਰਤਨ ਤੇ ਹੋਰ ਵਸਤੂਆਂ ਵੀ ਖੁਸ਼ੀ ਖੁਸ਼ੀ ਦੇ ਦਿੰਦੀਆਂ ਹਨ। ਲੜਕੀ ਦੀ ਸ਼ਾਦੀ ਦੀ ਗੱਲ ਗੁਣ ਕੇ ਘਰੇਲੂ ਔਰਤਾਂ 1-2 ਰੁਪਏ ਦੇਣ ਦੀ ਬਜਾਇ 10-20 ਰੁਪਏ ਬੜੀ ਅਸਾਨੀ ਨਾਲ ਦੇ ਦਿੰਦੀਆਂ ਹਨ। ਇਸ ਧੰਦੇ ਵਿਚ ਹਜਾਰਾਂ ਰੁਪਏ ਕਮਾ ਚੁੱਕੇ ਪਰਿਵਾਰਾਂ ਨੇ ਹੁਣ ਆਪਣੇ ਪ੍ਰਦੇਸ਼ਾਂ ਦੇ ਬੈਂਕਾਂ ਵਿਚ ਖਾਤੇ ਖੋਲ ਲਏ ਹਨ। ਹਰ 15 ਦਿਨ ਦੀ ਕਮਾਈ ਨੂੰ ਡਰਾਫਟ ਬਣਾ ਕੇ ਉਥੇ ਭੇਜ ਦਿੱਤਾ ਜਾਂਦਾ ਹੈ। ਇਸ਼ ਧੰਦੇ ਨਾਲ ਜੁੜੇ ਇਕ ਪਰਿਵਾਰ ਦੇ ਇਕ ਮੈਂਬਰ ਨੇ ਪਰਿਵਾਰਿਕ ਮਤਭੇਦ ਦੇ ਬਾਅਦ ਜੋ ਗੱਲਾਂ ਦੱਸੀਆਂ ਉਹ ਹੈਰਾਨ ਕਰ ਦੇਣ ਵਾਲੀਆਂ ਸਨ। ਆਪਣਾ ਨਾਮ ਨਾਂ ਛੱਪਣ ਦੀ ਸ਼ਰਤ ’ਤੇ ਉਸ ਨੇ ਦੱਸਿਆ ਕਿ ਉਸ ਦੀ ਭਾਬੀ ਆਪਣੀ ਜਿਸ ਬੇਟੀ ਦੇ ਵਿਆਹ ਦੇ ਨਾਂ ਤੇ ਹਜਾਰਾਂ ਰੁਪਏ ਲੋਕਾਂ ਤੋਂ ਠੱਗ ਚੁਕੀ ਹੈ ਉਸਦੇ ਬੇਟੀ ਕਦੇ ਪੈਦਾ ਹੀ ਨਹੀਂ ਹੋਈ?
