ਤਪਾ ਮੰਡੀ-ਵਿਸ਼ਵਜੀਤ ਸ਼ਰਮਾ-ਡਿਪਟੀ ਕਮਿਸ਼ਨਰ ਬਰਨਾਲਾ  ਸ੍ਰੀ ਵੀ. ਐਨ ਜਾਦੇ ਜਿਲ੍ਹਾ ਚੋਣ ਅਧਿਕਾਰੀ ਨੇ ਈ.ਵੀ.ਐਮ ਮਸ਼ੀਨਾ ਜੋ ਕਿ ਐਮ.ਜੇ.ਡੀ. ਡਿਗਰੀ ਕਾਲਜ ਤਪਾ ਵਿਚ ਪੂਰੇ ਸਖਤ ਪ੍ਰਬੰਧਾ ਹੇਠ ਰੱਖੀਆ ਗਈਆ ਹਨ ਦੀ ਗਿਣਤੀ 6 ਮਾਰਚ ਨੂੰ  ਹੋਣੀ ਹੈ ਦੀ ਥਾਂ ਦਾ ਦੌਰਾ ਕਰਕੇ ਨਿਰੀਖਣ ਕੀਤਾ ਤੇ ਦੱਸਿਆ ਕਿ ਮੁੱਖ ਚੋਣ ਕਮਿਸ਼ਨਰ ਦੇ ਦਿਸ਼ਾਂ-ਨਿਰਦੇਸ਼ਾਂ ਅੁਨਸਾਰ ਪੂਰੇ ਸਖਤ ਪ੍ਰਬੰਧ ਕੀਤੇ ਗਏ ਹਨ ਤੇ ਵੋਟਿੰਗ ਮਸ਼ੀਨਾ ਦੀ ਨਿਗਰਾਨੀ ਲਈ ਪੈਰਾ ਮਿਲਟਰੀ ਫੋਰਸ

,ਪੰਜਾਬ ਆਰਮੈਡ ਫੋਰਸ ਤੇ ਪੰਜਾਬ ਪੁਲਸ ਤਾਇਨਾਤ ਕੀਤੀ ਹੋਈ ਹੈ। ਉਨ੍ਹਾਂ ਦੱਸਿਆ ਕਿ ਚੋਣ ਕਮਿਸ਼ਨਰ ਦੀਆਂ ਸਖ਼ਤ ਹਿਦਾਇਤਾਂ ਦੀ ਪਾਲਣਾ ਕਰਦਿਆਂ ਇਲੈਕਟ੍ਰੋਨਿਕ ਵੋਟ ਮਸ਼ੀਨਾਂ ਦੀ ਸਟਰਾਂਗ ਰੂਮਾਂ ਵਿਖੇ ਸਕਿਓਰਿਟੀ ਹੋਰ ਵਧਾਈ ਜਾਵੇਗੀ ਤਾਂ ਕਿ ਕਿਸੇ ਵੀ ਧਿਰ ਨੂੰ ਕਿਸੇ ਕਿਸਮ ਦੀ ਸ਼ੱਕ ਦੀ ਗੁੰਜ਼ਾਇਸ਼ ਨਾ ਰਹੇ। ਉਨ੍ਹਾਂ ਦੱਸਿਆ ਕਿ ਐਸ.ਡੀ.ਐਮ. ਤਪਾ ਜਸਪਾਲ ਸਿੰਘ ਅਤੇ ਡੀ.ਐਸ.ਪੀ.ਤਪਾ ਹਰਵਿੰਦਰ ਸਿੰਘ ਵਿਰਕ ਰੋਜ਼ਾਨਾ ਇਸ ਜਗ੍ਹਾ ਦਾ ਦੋ ਵਾਰ ਦੌਰਾ ਕਰਨਗੇ। ਉਨ੍ਹਾਂ ਦੱਸਿਆ ਕਿ ਕਮਿਸ਼ਨਰ ਵੱਲੋਂ ਪਹਿਲੀ ਵਾਰ ਖੁੱਲ ਦਿੱਤੀ ਗਈ ਹੈ ਕਿ ਉਮੀਦਵਾਰਾਂ ਦੇ ਹਿਮਾਇਤੀਆਂ ਆਪਣੇ ਪੱਧਰ ਤੇ ਪੁਲਿਸ ਅਤੇ ਕੇਂਦਰੀ ਸੁਰੱਖਿਆ ਬਲਾਂ ਦੀ ਸਕਿਓਰਟੀ ਪ੍ਰਬੰਧਾਂ ਤੇ ਆਪਣੀ ਨਜ਼ਰ ਰੱਖ ਸਕਣ। ਉਨ੍ਹਾਂ ਇੱਕ ਪਾਰਟੀ ਵਰਕਰਾਂ ਵੱਲੋਂ ਨਿੱਜੀ ਰੂਪ ਵਿੱਚ 24 ਘੰਟੇ ਪਹਿਰਾ ਦੇਣ ਲਈ ਤਿੰਨ ਜਣਿਆਂ ਦੀ ਟੋਲੀ ਨਿਯੁਕਤ ਕਰਨ ਤੇ ਇੱਥੇ ਡਿਊਟੀ ਦੇਣ ਦੀ ਵੀ ਪ੍ਰਸ਼ਸ਼ਾ ਕੀਤੀ। ਉਨ੍ਹਾਂ ਦੱਸਿਆ ਕਿ ਇੰਨ੍ਹਾਂ ਨੂੰ ਕੁੱਝ ਦੂਰੀ ਤੇ ਬਾਹਰ ਤਾਇਨਾਤ ਕੀਤਾ ਗਿਆ ਹੈ । ਜਿੱਥੋਂ ਉਨ੍ਹਾਂ ਨੂੰ ਸਟਰਾਂਗ ਰੂਮ ਪੂਰੀ ਤਰ੍ਹਾਂ ਨਜ਼ਰ ਆ ਸਕੇ। ਉਨ੍ਹਾਂ ਕਿਹਾ ਕਿ ਜੇ ਕਿਸੇ ਕਾਰਨ ਬਾਹਰੋ ਸਟਰਾਂਗ ਰੂਮ ਨਜ਼ਰ ਨਹੀਂ ਆਉਂਦਾ ਤਾਂ ਉੱਥੇ ਸੀ.ਸੀ.ਟੀ.ਵੀ. ਕੈਮਰਿਆਂ ਦਾ ਪ੍ਰਬੰਧ ਕੀਤਾ ਜਾਵੇਗਾ ਅਤੇ ਕੈਮਰਿਆਂ ਰਾਹੀਂ ਆਉਣ-ਜਾਣ ਵਾਲਿਆਂ ਦਾ ਪੂਰਾ ਵੇਰਵਾ ਰੱਖਿਆ ਜਾਵੇਗਾ। ਇਸ ਮੌਕੇ ਉਹਨਾ ਨਾਲ ਐਸ ਡੀ ਐਮ ਤਪਾ ਜਸਪਾਲ ਸਿੰਘ ,ਡੀ ਐਸ ਪੀ ਹਰਵਿੰਦਰ ਸਿੰਘ ਵਿਰਕ ਤੇ ਥਾਣਾ ਮੁੱਖੀ ਸੰਜੀਵ ਸਿੰਗÑਲਾ, ਏ.ਐਫ਼.ਐਸ.ਓ. ਅਨਵਰ ਖਾਂ ਆਦਿ ਮੌਜ਼ੂਦ ਸਨ।

Share this post