ਜਲੰਧਰ-ਅਮਨ-ਅੱਜ ਸੀ.ਟੀ. ਪਬਲਿਕ ਸਕੂਲ ਵਿਖੇ ਅਧਿਆਪਕਾਂ ਅਤੇ ਗਿਆਰਵੀਂ ਦੇ ਵਿੱਦਿਆਰਥੀਆਂ ਨੇ ਬਾਰ੍ਹਵੀਂ ਜਮਾਤ ਦੇ ਵਿੱਦਿਆਰਥੀਆਂ ਨੂੰ ਵਿਦਾਇਗੀ ਪਾਰਟੀ ਦਿੱਤੀ ਗਈ। ਇਸ ਵਿਸ਼ੇਸ਼ ਮੌਕੇ ’ਤੇ ਸੀ.ਟੀ. ਐਜੂਕੇਸ਼ਨਲ ਸੁਸਾਇਟੀ ਦੇ ਚੇਅਰਮੈਨ ਸ. ਚਰਨਜੀਤ ਸਿੰਘ ਚੰਨੀ, ਕੋ ਚੇਅਰਪਰਸਨ ਸ਼੍ਰੀ ਮਤੀ ਪਰਮਿੰਦਰ ਕੌਰ ਚੰਨੀ, ਉਹਨਾਂ ਦੀ ਪੋਤਰੀ ਅਰਾਇਨਾ , ਪ੍ਰਿੰਸੀਪਲ ਸ਼੍ਰੀਮਤੀ ਰੰਜਨਾ ਰਾਜਪੂਤ, ਵਾਈਮ ਪ੍ਰਿੰਸੀਪਲ ਸ. ਸੁਖਵਿੰਦਰ ਸਿੰਘ ਅਤੇ ਹੋਰ ਸੱਜਣ ਪੱਤਵੰਤੇ ਹਾਜ਼ਰ ਹੋਏ।  ਗਿਆਰਵੀਂ ਦੇ ਵਿੱਦਿਆਰਥੀਆਂ ਨੇ ਬਾਰ੍ਹਵੀ ਦੇ ਵਿੱਦਿਆਰਥੀਆਂ ਨੂੰ ਤਿਲਕ ਲਗਾ ਕੇ ਅਤੇ ਫੁੱਲਾਂ ਦੀ ਵਰਖਾ ਕਰਕੇ ਸੁਆਗਤ ਕੀਤਾ। ਸ਼੍ਰੀ ਮਤੀ ਵੰਦਨਾ ਕੰਬੋਜ਼ ਨੇ ਆਏ ਮਹਿਮਾਨਾਂ ਨੂੰ ਜੀ ਆਇਆ ਕਿਹਾ ਅਤੇ ਪ੍ਰੋਗਰਾਮ ਦੀ ਸ਼ੁਰੂਆਤ ਕੀਤੀ। ਗਿਆਰਵੀਂ ਦੇ ਮੁੰਡੇ-ਕੁੜੀਆਂ ਨੇ ਨ੍ਰਿਤ ਪੇਸ਼ ਕਰਕੇ ਸਭ ਦਾ ਮਨ ਮੋਹ ਲਿਆ। ਸੁੰਦਰ ਪੁਸ਼ਾਕਾਂ ਵਿੱਚ ਸੱਜੇ ਬਾਰ੍ਹਵੀਂ ਦੇ ਵਿੱਦਿਆਰਥੀਆਂ ਨੇ ਮਾਡਲਿੰਗ ਕਰਕੇ ਦਰਸ਼ਕਾਂ ਦੀ ਵਾਹ-ਵਾਹ ਖੱਟੀ। ਬੱਚਿਆਂ ਦੇ ਆਤਮ ਵਿਸ਼ਵਾਸ ਅਤੇ ਟੈਲੇਂਟ ਦੀ ਪਰਖ ਕਰਨ ਲਈ ਪ੍ਰਸ਼ਨੋਉ¤ਤਰ ਵਿੱਧੀ ਅਪਨਾਈ ਗਈ। ਬੱਚਿਆਂ ਦੀ ਪ੍ਰਤਿਭਾ ਦਾ ਨਿਰੀਖਣ ਸ਼੍ਰੀਮਤੀ ਪੁਸ਼ਪਿੰਦਰ ਕੌਰ ਅਤੇ ਸ਼੍ਰੀਮਤੀ ਮੰਜੂ ਵਿਰਕ ਨੇ ਕੀਤਾ। ਕਾਮਰਸ ਦੀ ਦਿਵਿਆ ਮਿਸ ਸੀ.ਟੀ.ਪੀ.ਐਸ. ਅਤੇ ਪਾਰਸ ਮਿਸਟਰ ਸੀ.ਟੀ.ਪੀ.ਐਸ. ਬਣਿਆ। ਸਕੂਲ ਦੇ ਚੇਅਰਮੈਨ ਸ. ਚਰਨਜੀਤ ਸਿੰਘ ਚੰਨੀ ਨੇ ਜੇਤੂ ਬੱਚਿਆਂ ਨੂੰ ਆਸ਼ੀਰਵਾਦ ਦਿੱਤਾ। ਉਹਨਾਂ ਨੇ ਬੱਚਿਆਂ ਨੂੰ ਵਧੀਆ

ਕਾਰਗੁਜ਼ਾਰੀ ਵਿਖਾਉਣ ਲਈ ਉਤਸਾਹਿਤ ਕੀਤਾ।  ਸਕੂਲ ਦੇ ਪ੍ਰਿੰਸੀਪਲ ਸ਼੍ਰੀਮਤੀ ਰੰਜਨਾ ਰਾਜਪੂਤ ਨੇ ਬਾਰ੍ਹਵੀਂ ਦੇ ਵਿੱਦਿਆਰਥੀਆਂ ਨੂੰ ਸ਼ੁੱਭ ਇੱਛਾਵਾਂ ਦਿੰਦੀਆਂ ਕਿਹਾ ਕਿ ਉਹ ਆਪਣੀ ਮਿਹਨਤ ਅਤੇ ਲਗਨ ਸਦਕਾ ਆਪਣਾ ਮਿਥਿਆ ਮੁਕਾਮ ਹਾਸਲ ਕਰਨ। ਉਹਨਾਂ ਨੇ ਵਿੱਦਿਆਰਥੀਆਂ ਨੂੰ ਬੋਰਡ ਪਰੀਖਿਆ ਦੀ ਤਿਆਰੀ ਲਈ ਆਪਣੇ ਸੁਝਾਅ ਦਿੰਦੀਆਂ ਕਿਹਾ ਕਿ ਉਹ ਤਨਾਵ-ਮੁਕਤ ਹੋ ਕੇ ਅਤੇ ਇਕਾਗਰਚਿਤ ਹੋ ਕੇ ਪੜ੍ਹਾਈ ਕਰਨ। ਉਹਨਾਂ ਨੇ ਬੱਚਿਆਂ ਦੇ ਸੁਨਹਿਰੀ ਭਵਿੱਖ ਦੀ ਕਾਮਨਾ ਵੀ ਕੀਤੀ। ਅਜ ਦੀ ਇਹ ਸ਼ਾਨਦਾਰ ਪਾਰਟੀ ਇੱਕ ਯਾਦਗਾਰ ਹੋ ਨਿਬੜੀ।  

Share this post