ਜਲੰਧਰ (ਅਮਨ)-ਐਚ.ਐਮ.ਵੀ. ਕਾਲਜ ਜਲੰਧਰ ਵਿਖੇ ਰੁਜ਼ਗਾਰ ਮੁੱਖੀ ਯੋਗਤਾਵਾਂ ਸਮੇਂ ਦੀ ਲੋੜ ਵਿਸ਼ੇ ’ਤੇ 40 ਘੰਟਿਆਂ ਦੀ ਯੂਨੀਵਰਸਿਟੀ ਗਰਾਂਟਸ ਕਮਿਸ਼ਨ ਵਲੋਂ ਸਪਾਂਸਰਡ ਵਰਕਸ਼ਾਪ ਕੈਰੀਅਰ ਕਾਉਂਸਲਿੰਗ ਵਿਭਾਗ ਵਲੋਂ ਆਯੋਜਿਤ ਕੀਤੀ ਗਈ। ਇਸ ਵਰਕਸ਼ਾਪ ਵਿੱਚ ਐਮ.ਆਈ.ਈ. ਐਜੂਕੇਸ਼ਨ ਸਰਵਿਸਿਜ ਪ੍ਰਾ. ਲਿਮਿ. ਦੇ ਸੀ.ਈ.ਓ. ਅਤੇ ਸਹਿ-ਬਾਨੀ ਸ੍ਰੀ ਪ੍ਰੀਕਸ਼ਤ ਢਾਂਡਾ ਮੁੱਖ ਬੁਲਾਰੇ ਸਨ। ਇਸ ਵਰਕਸ਼ਾਪ ਵਿੱਚ 500 ਦੇ ਲਗਭਗ ਵਿਦਿਆਰਥੀਆਂ ਨੇ ਹਿੱਸਾ ਲਿਆ। ਪ੍ਰੀਕਸ਼ਤ ਢਾਂਡਾ ਨੇ ਇਸ ਵਰਕਸ਼ਾਪ ਵਿੱਚ ਬੋਲਦਿਆਂ ਰੁਜ਼ਗਾਰ ਸਬੰਧੀ ਯੋਗਤਾਵਾਂ ਬਾਰੇ ਆਪਣੇ ਵਿਚਾਰ ਪ੍ਰਗਟ ਕਰਦਿਆਂ ਵਿਦਿਆਰਥੀਆਂ ਨੂੰ ਬਹੁਮੁੱਲੇ ਸੁਝਾਅ ਦਿੱਤੇ। ਉਨ੍ਹਾਂ ਵਿਦਿਆਰਥੀਆਂ ਨੂੰ ਕਮਿਊਨੀਕੇਸ਼ਨ, ਸਾਫਟ, ਰੀਡਿੰਗ, ਜਨਰਲ ਨਾਲੇਜ ਯੋਗਤਾਵਾਂ ਨੂੰ ਇੰਪਰੂਵ ਕਰਨ ਤੇ ਇਸ ਵਿੱਚ ਮੁਹਾਰਤ ਹਾਸਲ ਦੀ ਅਪੀਲ ਕੀਤੀ। ਇਸ ਮੌਕੇ ਐਮ.ਆਈ.ਈ. ਪੰਜਾਬ ਦੇ ਰਿਜਨਲ ਸੇਲਜ਼ ਹੈੱਡ ਹਰਜਿੰਦਰ ਸਿੰਘ ਵੀ ਹਾਜ਼ਰ ਸਨ। ਕੈਰੀਅਰ ਕੌਂਸਲਿੰਗ ਸੈਲ ਦੇ ਇੰਚਾਰਜ ਸ੍ਰੀਮਤੀ ਸੀਮਾ ਖੰਨਾ ਅਤੇ ਮਿਸ ਕਾਜਲ ਵਿੱਜ, ਸਹਾਇਕ ਪ੍ਰੋਫੈਸਰ ਕਾਮਰਸ ਨੇ ਆਏ ਮੁੱਖ ਬੁਲਾਰਿਆਂ ਅਤੇ ਪ੍ਰੋਗਰਾਮ ਵਿੱਚ ਸ਼ਾਮਲ ਹੋਣ ਵਾਲੇ ਵਿਦਿਆਰਥੀਆਂ ਦਾ ਧੰਨਵਾਦ ਕੀਤਾ। ਕਾਲਜ ਪ੍ਰਿੰਸੀਪਲ ਡਾ. ਰੇਖਾ ਕਾਲੀਆ ਭਾਰਦਵਾਜ ਨੇ ਇਸ ਮਹੱਤਵਪੂਰਵ ਕਿੱਤਾ ਅਗਵਾਈ ਵਾਲੀ ਵਰਕਸ਼ਾਪ ਆਯੋਜਿਤ ਲਈ ਕੈਰੀਅਰ ਕਾਊਂਸਲਿੰਗ ਸੈੱਲ ਦੇ ਇੰਚਾਰਜ ਸਟਾਫ ਤੇ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ।

Share this post