ਬ੍ਰਿਸਬੇਨ, (ਅ.ਬ.)-ਸੀਨੀਅਰ ਬੱਲੇਬਾਜ਼ ਸਚਿਨ ਤੇਂਦੂਲਕਰ ਨੂੰ ਬ੍ਰਿਸਬੇਨ ਵਿੱਚ ਆਸਟਰੇਲੀਆ ਦੇ ਖਿਲਾਫ ਤਿਕੌਣੀ ਇੱਕ ਦਿਨਾਂ ਕ੍ਰਿਕੇਟ ਟੈਸਟ ਲੜੀ ਦੇ ਮੈਚ ਦੇ ਦੌਰਾਨ ਤੇਜ਼ ਗੇਂਦਬਾਜ਼ ਬਰੇਟ ਲੀ ਦੀ ਗੇਂਦ ਸਿਰ ਵਿੱਚ ਲੱਗ ਜਾਣ ਨਾਲ ਸਚਿਨ ਨੂੰ ਸੱਟ ਲੱਗੀ ਹੈ। ਇਸ ਲਈ ਇਹਤਿਆਤ ਦੇ ਤੌਰ ’ਤੇ ਐਮ.ਆਰ ਸਕੈਨ ਕਰਵਾਉਣ ਦੀ ਉਮੀਦ ਜਤਾਈ ਜਾ ਰਹੀ ਹੈ।  ਲੀ ਦੇ ਦੂਸਰੇ ਓਵਰ ਦੀ ਗੇਂਦ ਨੂੰ ਤੇਂਦੂਲਕਰ ਸਮਝ ਨਹੀਂ ਸਕੇ,

ਜੋ ਉਨ੍ਹਾਂ ਦੇ ਹੈਲਮੈਟ ਦੀ ਗਰਿੱਲ ਨਾਲ ਟਕਰਾ ਕੇ ਮਿਡ ਆਨ ’ਤੇ ਗਈ ਜਿੱਥੇ ਜੇਵੀਅਰ ਡੋਹਟੀ ਨੇ ‘ਕੈਚ’ ਪਕੜ ਲਿਆ। ਇਸ ਨਾਲ ਸਚਿਨ ਦੇ ਸਿਰ ਦੇ ਅੰਦਰ ਸੱਟ ਲੱਗ ਗਈ ਹੈ। ਆਸਟਰੇਲੀਆ ਨੇ ਆਊਟ ਦੀ ਅਪੀਲ ਕੀਤੀ, ਲੇਕਿਨ ਅੰਪਾਇਰ ਸਟੀਵ ਡੇਵਿਸ ਨੇ ਤੈਂਦੂਲਕਰ ਨੂੰ ਨਾਟ ਆਊਟ ਕਰ ਦਿੱਤਾ।  ਹੈਮਲੈਟ ’ਤੇ ਟਕਰਾਈ ਇਸ ਗੇਂਦ ਦਾ ਕੁੱਝ ਅਸਰ ਤੇਂਦੂਲਕਰ ਦੇ ਮੱਥੇ ’ਤੇ ਸੱਜੀ ਅੱਖ ਦੇ ਉੱਪਰ ਵੀ ਪਿਆ।  ਜ਼ਿਕਰਯੋਗ ਹੈ ਕਿ ਤੇਂਦੂਲਕਰ ਨੇ ਆਪਣੀ ਪਾਰੀ ਜਾਰੀ ਰੱਖੀ ਲੇਕਿਨ ਉਹ ਆਪਣੀ ਅਗਲੀ ਹੀ ਗੇਂਦ ’ਤੇ ਬੇਨ ਹਿਲਫਾਨਸ ਦੀ ਗੇਂਦ ’ਤੇ ਆਊਟ ਹੋ ਗਏ। ਆਊਟ ਹੋਣ ਦੇ ਬਾਅਦ ਤੇਂਦੂਲਕਰ ਨੂੰ ਡਰੈਸਿੰਗ ਰੂਮ ਵਿੱਚ  ਸੂਜਨ ’ਤੇ ਬਰਫ ਦਾ ਉਪਚਾਰ ਦਿੱਤਾ ਗਿਆ ਅਤੇ ਉਨ੍ਹਾਂ ਵਿੱਚ ਅਸਹਿਜਤਾ ਦੇ ਕੋਈ ਲੱਛਣ ਨਹੀਂ ਦਿਖਾਈ ਦਿੱਤੇ, ਲੇਕਿੰਨ ਇਸ ਦੇ ਬਾਵਜੂਦ ਉਨ੍ਹਾਂ ਨੇ ਅਹਿਤਿਆਤ ਦੇ ਤੌਰ ’ਤੇ ਐਮਆਰਆਈ ਸਕੈਨ ਕਰਵਾਉਣ ਦੀ ਸਲਾਹ ਦਿੱਤੀ ਗਈ ਹੈ।  ਹਾਲਾਂਕਿ ਡਾਕਟਰਾਂ ਨੇ ਕਿਹਾ ਹੈ ਕਿ ਇਸ ਨਾਲ ਉਨ੍ਹਾਂ ਦੇ ਖੇਡ ਖੇਤਰ ਵਿੱਚ ਕੁੱਝ ਖਾਸ ਅਸਰ ਨਹੀਂ ਪਵੇਗਾ, ਲੇਕਿਨ ਜੇਕਰ ਅੰਦਰੂਨੀ ਕੋਈ ਸੱਟ ਰਹਿ ਜਾਵੇ ਤਾਂ ਇਸ ਕਾਰਨ ਸਕੈਨ ਕਰਵਾਉਣਾ ਜ਼ਰੂਰੀ ਹੁੰਦਾ ਹੈ।  ਤੇਂਦੂਲਕਰ ਨੂੰ ਇਸ ਤੋਂ ਪਹਿਲਾਂ ਭਾਰਤੀ ਗੇਂਦਬਾਜੀ ਦੇ ਦੌਰਾਨ ਵੀ ਸੱਟ ਲੱਗੀ ਸੀ। ਉਸ ਸਮੇਂ 2 ਓਵਰ ਵਿੱਚ ਗੇਂਦ ਪੀਟਰ ਫੋਰੇਸਟ ਦੇ ਕਿਨਾਰਾ ਲੈ ਕੇ ਉਨ੍ਹਾਂ ਦੇ ਪੈਰ ਵਿੱਚ ਲੱਗੀ ਸੀ ਅਤੇ ਉਨ੍ਹਾਂ ਨੂੰ ਮੈਦਾਨ ਵਿੱਚੋਂ ਬਾਹਰ ਜਾਣਾ ਪਿਆ ਸੀ।

Share this post