ਸੰਯੁਕਤ ਰਾਸ਼ਟਰ -ਅ.ਬ- ਸੰਯੁਕਤ ਰਾਸ਼ਟਰ ਦਾ ਜਨਰਲ ਅੰਸਬਲੀ ਨੇ ਅੱਜ ਰਸਮੀ ਤੌਰ ਤੇ ਇਕ ਮਤਾ ਪਾਸ ਕੀਤਾ ਜਿਸ ਵਿੱਚ ਸੀਰੀਆ ਦੇ ਰਾਸ਼ਟਰਪਤੀ ਦੇ ਅਹੁਦਾ ਤਿਆਗਣ ਲਈ ਅਰਬ ਲੀਗ ਪਲਾਨ ਦਾ ਸਮਰਥਨ ਕੀਤਾ ਗਿਆ ਹੈ। ਮਤੇ ਦੇ ਹੱਕ ਵਿੱਚ 137 ਅਤੇ ਵਿਰੋਧ ਵਿੱਚ 12 ਵੋਟਾਂ ਪਈਆ ਜਦਕਿ 17 ਗੈਰ ਹਾਜ਼ਰ ਰਹੇ ਅਮਰੀਕੀ ਰਾਜਦੂਤ ਸੂਸਨ ਈ ਰਾਈਸ ਨੇ ਅੱਜ ਇਥੇ ਇਕ ਬਿਆਨ ਵਿੱਚ

ਕਿਹਾ ਕਿ ਅੰਸਬਲੀ ਨੇ ਸੀਰੀਆ ਦੇ ਲੋਕਾ ਤੱਕ ਇਹ ਸਪਸ਼ਟ ਸ਼ੰਦੇਸ਼ ਪਹੁੰਚਾਇਆ ਹੈ ਕਿ ਪੂਰਾ ਸੰਸਾਰ ਉਹਨਾਂ ਦੇ ਨਾਲ ਹੈ । ਹੁਣ ਬਦਲਾਅ ਜਰੂਰ ਆਉਣਾ  ਚਾਹਿਦਾ ਹੇੈ । ਫਰਾਸ ਦੇ ਵਿਦੇਸ਼ ਮੰਤਰੀ ਏਲੀਅਨ ਜੁੱਪੇ ਨੇ ਵੀ ਇਕ ਬਿਆਨ ਵਿੱਚ ਕਿਹਾ ਕਿ ਸੀਰੀਆਈ ਲੋਕਾਂ ਦੇ ਕਤਲੇਆਮ ਦਾ ਖਾਤਮਾ ਕਰਨ ਵੱਲ ਇਹ ਇਕ ਬਹੁਤ ਅਹਿਮ ਕਦਮ ਹੈ। ਅਸੀਂ ਪੂਰੀ ਕੋਸ਼ਿਸ ਕਰਾਂਗੇ ਕਿ ਇਸ ਮਤੇ ਨੂੰ ਪੂਰੀ ਤਰ੍ਹਾਂ ਲਾਗੂ ਕੀਤਾ ਜਾਵੇ । ਸੀਰੀਆ ਵਿੱਚ ਸੰਯੁਕਤ ਰਾਸ਼ਟਰ ਦੇ ਰਾਜਦੂਤ ਬਸ਼ਰ ਜਾਫਰੀ ਨੇ ਇਸ ਦੀ ਆਲੋਚਨਾ ਕਰਦਿਆ ਕਿਹਾ ਕਿ ਜੇਕਰ ਅਜਿਹਾ ਜਾਰੀ ਰਿਹਾ ਤਾਂ ਸੰਯੁਕਤ ਰਾਸ਼ਟਰ ਸਿਧਾਂਤਕ ਤੌਰ ’ਤੇ ਢਹਿਢੇਰੀ ਹੋ ਜਾਵੇਗਾ ।ਇਸ ਤੋ ਪਹਿਲਾ ਚੀਨ ਅਤੇ ਰੂਸ ਨੇ ਸੁੱਰਖਿਆ ਕੌਂਸਲ ਨੂੰ ਸੀਰੀਆ ਵਿੱਰੁਧ ਫੌਜੀ ਕਾਰਵਾਈ ਦੀ ਇਜ਼ਾਜਤ ਨਹੀਂ ਲੈਣ ਦਿੱਤੀ ਸੀ ਜਿਸ ਤੋ ਬਾਅਦ ਅੰਸਬਲੀ ਵਿੱਚ ਇਹ ਮਤਾ ਪੇਸ਼ ਕੀਤਾ ਗਿਆ ਸੀ। ਇਸੇ ਦੌਰਾਨ ਸੀਰੀਆ ਤੇ ਸੰਯੁਕਤ ਰਾਸ਼ਟਰ ਵਿੱਚ ਵੋਟਿੰਗ ਤੋ ਪਹਿਲਾ ਸੀਰੀਆਈ ਬਖਤਰ ਬੰਦ ਵਾਹਣਾ ਨੇ ਪ੍ਰਦਰਸ਼ਨ ਕੇਂਦਰਾ ’ਤੇ ਦਮਨ ਤੇਜ਼ ਕਰ ਦਿੱਤਾ ਜਿਸ ਵਿੱਚ ਘੱਟੋ -ਘੱਟ 41 ਲੋਕਾਂ ਦੀ ਮੌਤ ਹੋ ਗਈ ਅਤੇ ਪ੍ਰਸਿੱਧ ਬਲਾਗਰ ਰੇਜਨ ਅਜਾਵੀ ਅਤੇ ਹੋਰਨਾਂ ਵਰਕਰਾਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।

Share this post