ਲੰਡਨ, ਅ.ਬ.-ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਸ੍ਰੀ ਬਿਲ ਕਲਿੰਟਨ 1970 ਵਿੱਚ ਅਰਕਾਂਸਸ ਵਿੱਚ ਆਪਣੇ ਗਵਰਨਰੀ ਕਾਲ ਸਮੇਂ ਔਰਤਾਂ ਵਿੱਚ ਵੱਡੀ ਪੱਧਰ ਦੇ ਉੱਤੇ ਘਿਰੇ ਰਹਿੰਦੇ ਸਨ। ਇਹ ਦਾਅਵਾ ਉਨ੍ਹਾਂ ਦੀ ਇੱਕ ਸਾਬਕਾ ਸਟਾਫ ਮੈਂਬਰ ਵੱਲੋਂ ਆਪਣੀ ਇੱਕ ਡਾਕੂਮੈਂਟਰੀ ਫਿਲਮ ਵਿੱਚ ਕੀਤਾ ਗਿਆ ਹੈ। ਆਉਂਦੇ ਦਿਨੀਂ ਜਾਰੀ ਹੋ ਰਹੀ ਆਪਣੀ ਡਾਕੂਮੈਂਟਰੀ ਵਿੱਚ ਕਿਹਾ ਗਿਆ ਹੈ ਕਿ ਇੱਥੋਂ ਤੱਕ ਕਿ ਕਲਿੰਟਨ ਦੇ ਵਾਈਟ

ਹਾਊਸ ਵਿੱਚ ਪਹੁੰਚਣ ਤੋਂ ਪਹਿਲਾਂ ਹਰ ਰੋਜ਼ ਤਕਰੀਬਨ 25 ਔਰਤਾਂ ਦਾ ਘੇਰਾ ਲੰਘਣਾ ਪੈਂਦਾ ਸੀ। ਇਹ ਖੁਲਾਸਾ ਉਨ੍ਹਾਂ ਦੀ ਇੱਕ ਸਟਾਫਰ ਵੱਲੋਂ ਪੀ.ਬੀ.ਐੱਸ. ਡਾਕੂਮੈਂਟਰੀ ਵਿੱਚ ਕੀਤਾ ਗਿਆ ਹੈ। ਡਾਕੂਮੈਂਟਰੀ ਅਨੁਸਾਰ 1974 ਵਿੱਚ ਜਦੋਂ ਉਹ  ਕਾਂਗਰਸ ਲਈ ਚੋਣ ਲੜੇ ਸਨ ਤਾਂ ਉਨ੍ਹਾਂ ਦੀ ਅਸਫਲਤਾ ਦਾ ਇਹੋ ਕਾਰਨ ਸਮਝਿਆ ਗਿਆ ਸੀ। ਪਿੱਛੋਂ ਜਦੋਂ ਉਹ ਅਮਰੀਕਾ ਦੇ ਰਾਸ਼ਟਰਪਤੀ ਬਣੇ ਤਾਂ ਉਨ੍ਹਾਂ ਦੀ ਇਹ ਸਮੱਸਿਆ ਹੋਰ ਵੱਧ ਗਈ। ਇੱਕ ਕੰਪੇਨ ਮੈਨੇਜਰ ਪਾਲ ਫਰੇ ਅਨੁਸਾਰ ‘ਘੱਟੋ ਘੱਟ 25 ਔਰਤਾਂ ਹਰ ਰੋਜ ਉਸ ਨੂੰ ਤਲਾਸ਼ ਕਰਨ ਲਈ ਆਉਂਦੀਆਂ ਸਨ। ਮੈਨੂੰ ਉਨ੍ਹਾਂ ਨੂੰ ਦੱਸਣਾ ਪੈਂਦਾ ਸੀ ਕਿ ਉਹ ਹਾਲੇ ਸੜਕ ਉੱਤੇ ਹੀ ਹੈ। ਇਹ ਬਹੁਤ-ਬਹੁਤ-ਬਹੁਤ ਮਾੜੀ ਗੱਲ ਸੀ।’’ ਮਾਰਲਾ ਕਰਾਈਡਰ ਜਿਸ ਨੇ ਕਲਿੰਟਨ ਨਾਲ ਅਰਕਾਂਸਸ  ਵਿੱਚ ਕੰਮ ਕੀਤਾ ਅਤੇ ਜਿਸ ਦੀ ਉਨ੍ਹਾਂ ਨਾਲ ਨੇੜਤਾ ਵੀ ਰਹੀ ਨੇ ਕਿਹਾ ਕਿ ਔਰਤਾਂ ਅਸਲ ਵਿੱਚ ਕਲਿੰਟਨ ਦੇ ਆਲੇ-ਦੁਆਲੇ ਇੰਝ ਘੁੰਮਦੀਆਂ ਸਨ ਜਿਵੇਂ ਸ਼ਹਿਦ ਦੁਆਲੇ ਮੱਖੀਆਂ। ਉਸ ਨੇ ਹੋਰ ਕਿਹਾ ਕਿ ਮੈਂ ਨਹੀਂ ਸਮਝਦੀ ਕਿ ਇਸ ਨਾਲ ਹਲੇਰੀ ਕਲਿੰਟਨ ਨੂੰ ਦੁੱਖ ਨਹੀਂ ਪਹੁੰਚਦਾ ਹੋਵੇਗਾ, ਜਿਵੋੇਂ ਕਿ ਇਹ ਮੈਨੂੰ ਪਹੁੰਚਿਆ ਸੀ।

Share this post