ਬੈਂਕਾਕ, (ਅ.ਬ.)-ਥਾਈਲੈਂਡ ਦੀ ਰਾਜਧਾਨੀ ਬੈਂਕਾਕ ਵਿੱਚ ਬੀਤੇ ਮੰਗਲਵਾਰ ਤਿੰਨ ਹਲਕੇ ਬੰਬ ਧਮਾਕੇ ਹੋਣ ਦੀ ਖਬਰ ਹੈ, ਜਿਸ ਵਿੱਚ ਇੱਕ ਪ੍ਰਦੇਸੀ ਗੰਭੀਰ ਜ਼ਖ਼ਮੀ ਹੋ ਗਿਆ। ਸ਼ੱਕ ਹੈ ਕਿ ਉਸ ਦੇ ਆਪਣੇ ਕੋਲ ਹੀ ਗਰਨੇਡ ਸੀ, ਜਿਸ ਦੇ ਫੱਟਣ ਨਾਲ ਉਸ ਦੀ ਲੱਤ ਉੱਡ ਗਈ। ਪੁਲਿਸ ਦੇ ਮੇਜਰ ਜਨਰਲ ਸ੍ਰੀ ਵਿਚਾਏ ਸੰਗਰਾ ਪਾਈ ਨੇ ਇੱਕ ਗੱਲਬਾਤ ਸਮੇਂ ਏ.ਐਫ.ਪੀ.

ਨੂੰ ਦੱਸਿਆ ਕਿ ਤਿੰਨ ਬੰਬ ਧਮਾਕੇ ਹੋਏ। ਪਰ ਕਿਸੇ ਦੇ ਮਰਨ ਦੀ ਖਬਰ ਨਹੀਂ ਹੈ। ਇਹ ਘਟਨਾਵਾਂ ਪੂਰਬੀ ਬੈਂਕਾਕ ਦੇ ਬਾਹਰਲੇ ਖੇਤਰ ਵਿੱਚ ਵਾਪਰੀਆਂ। ਜਿਹੜਾ ਇਸ ਸ਼ਹਿਰ ਦਾ ਪ੍ਰਮੁੱਖ ਅਤੇ ਵਪਾਰਕ ਸੈਰ-ਸਪਾਟੇ ਨਾਲ ਸਬੰਧਿਤ ਖੇਤਰ ਹੈ। ਪੁਲਿਸ ਮੁਖੀ ਨੇ ਕਿਹਾ ਕਿ ਘਟਨਾਵਾਂ ਸਬੰਧੀ ਹਾਲੇ ਪੁਲਿਸ ਪੂਰੀ ਤਰ੍ਹਾਂ ਸਾਫ ਨਹੀਂ ਹੈ। ਇਕ ਵਿਅਕਤੀ ਜਿਹੜਾ ਕਿ ਮੱਧ ਪੂਰਬੀ ਸਮਝਿਆ ਜਾ ਰਿਹਾ ਹੈ, ਧਮਾਕੇ ਕਾਰਨ ਉਸ ਦੀ ਲੱਤ ਉ¤ਡ ਗਈ, ਉਸ ਨੂੰ ਬੈਂਕਾਕ ਦੇ ਚੁਲਾਂਗ ਕਾਰਨ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ। ਉਹ ਐਮਰਜੈਂਸੀ ਵਿੱਚ ਹੈ। ਦੂਜੇ ਧਮਾਕੇ ਨਜ਼ਦੀਕ ਦੀ ਸੜਕ ਅਤੇ ਘਰਾਂ ਵਿੱਚ ਵਾਪਰੇ।

Share this post