Daily Punjabi Newspaper Published from Jalandhar

ਫੋਨ : 0181-4626370, 4626371, ਫੈਕਸ : 0181-4626369, E-mail : dailyajdiawaaz@gmail.com

Submit to DiggSubmit to FacebookSubmit to Google PlusSubmit to TwitterSubmit to LinkedIn

ਰਭਾਰਤ ਨੇ ਕਿਹਾ, ਨਹੀਂ ਮਿਲਿਆ ਅਮਰੀਕਾ ਤੋਂ ਜਵਾਬ ਰਬਚਾਅ ਪੱਖ ਨੇ ਦੇਵਯਾਨੀ ਦੀ ਨੌਕਰਾਣੀ ਦਾ ਪੱਖ ਲਿਆ
image ਵਾਸ਼ਿੰਗਟਨ   ਆਵਾਜ਼ ਬਿਊਰੋ-ਰਾਜਦੂਤ ਦੇਵਯਾਨੀ ਖੋਬਰਾਗੜੇ ਦੀ ਗ੍ਰਿਫਤਾਰੀ ਨੂੰ ਇੱਕ ਇਕੱਲੀ ਘਟਨਾ ਦੱਸਦੇ ਹੋਏ ਅਮਰੀਕਾ ਨੇ ਉਮੀਦ ਪ੍ਰਗਟਾਈ ਹੈ ਕਿ ਇਸ ਮਾਮਲੇ ਦੇ ਕਾਰਨ ਦੋ-ਪੱਖੀ ਸਬੰਧ ਪੱਟਰੀ  ਤੋਂ ਨਹੀਂ ਉਤਰਨਗੇ। ਇਸ ਤੋਂ ਇੱਕ ਦਿਨ ਪਹਿਲੇ ਹੀ ਵਿਦੇਸ਼ ਮੰਤਰੀ ਜਾਨ ਕੈਰੀ ਨੇ ਸੀਨੀਅਰ ਭਾਰਤੀ ਰਾਜਦੂਤ ਦੀ ਗ੍ਰਿਫਤਾਰੀ ਅਤੇ ਕੱਪੜੇ ਉਤਾਰ ਕੇ ਤਲਾਸ਼ੀ ਲਏ ਜਾਣ ਦੀ ਘਟਨਾ ’ਤੇ ਦੁੱਖ ਪ੍ਰਗਟਾਇਆ ਹੈ। ਵਾਈਟ ਹਾਊਸ ਦੇ ਪ੍ਰੈਸ ਸਕੱਤਰ ਕਾਰਨੇ ਨੇ ਪੱਤਰਕਾਰ ਸੰਮੇਲਨ ਵਿੱਚ ਪੱਤਰਕਾਰਾਂ ਨੂੰ ਦੱਸਿਆ ਕਿ ਅਸੀਂ ਇਸ ਨੂੰ ਇੱਕ ਇਕੱਲੀ ਘਟਨਾ ਦੇ ਰੂਪ ਵਿੱਚ ਦੇਖਦੇ ਹਾਂ, ਜਿਸ ਦਾ ਸਾਡੇ ਸਬੰਧਾਂ ’ਤੇ ਕੋਈ ਅਸਰ ਨਹੀਂ ਪਵੇਗਾ, ਉਥੇ ਦੂਸਰੇ ਪਾਸੇ ਭਾਰਤੀ ਰਾਜਦੂਤ ਦੇਵਯਾਨੀ ਖੋਬਰਾਗੜੇ ਦੀ ਗ੍ਰਿਫਤਾਰੀ ਅਤੇ ਉਨ੍ਹਾਂ ਦੇ ਨਾਲ ਵਤੀਰੇ ’ਤੇ

ਜਾਰੀ ਗੁੱਸੇ ਤੋਂ ਅਪ੍ਰਭਾਵਿਤ ਭਾਰਤੀ ਮੂਲ ਦੇ ਅਮਰੀਕੀ ਬਚਾਅ ਪੱਖ ਦੇ ਪ੍ਰੀਤ ਭਰਾਰਾ ਨੇ ਰਾਜਦੂਤ ਦੇ ਖਿਲਾਫ ਕਾਰਵਾਈ ਦਾ ਅੱਜ ਬਚਾਅ ਕੀਤਾ ਅਤੇ ਪੁਸ਼ਟੀ ਕੀਤੀ ਕਿ ਦੇਵਯਾਨੀ ਦੀ ਨੌਕਰਾਣੀ ਦੇ ਪਰਿਵਾਰ ਨੂੰ ਭਾਰਤ ਤੋਂ ਕੱਢ ਕੇ ਅਮਰੀਕਾ ਲਿਆਂਦਾ ਗਿਆ ਸੀ। ਭਰਾਰਾ ਨੇ ਇਹ ਸਵੀਕਾਰ ਕੀਤਾ ਹੈ ਕਿ ਦੇਵਯਾਨੀ ਦੀ ਨੌਕਰਾਣੀ ਸੰਗੀਤਾ ਰਿਚਰਡ ਦੇ ਪਰਿਵਾਰ ਨੂੰ ਅਮਰੀਕਾ ਲਿਆਂਦਾ ਗਿਆ। ਉਨ੍ਹਾਂ ਨੇ ਕਿਹਾ ਕਿ ਭਾਰਤ ਵਿੱਚ ਉਸ ਨੂੰ ਚੁੱਪ ਕਰਵਾਉਣ ਦੇ ਲਈ ਇੱਕ ਕਾਨੂੰਨੀ ਪ੍ਰਕਿਰਿਆ ਸ਼ੁਰੂ ਕੀਤੀ ਗਈ ਸੀ ਅਤੇ ਉਸ ਨੂੰ ਭਾਰਤ ਪਰਤਣ ’ਤੇ ਮਜ਼ਬੂਰ ਕਰਨ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਸਨ। ਆਪਣੀ ਸ਼ਿਕਾਇਤ ਵਿੱਚ ਸੰਗੀਤਾ ਨੇ ਦੇਵਯਾਨੀ ’ਤੇ ਘੱਟ ਤਨਖਾਹ ਦੇਣ ਅਤੇ ਦਿਨ ਵਿੱਚ 19 ਘੰਟੇ ਕੰਮ ਕਰਨ ਦੇ ਲਈ ਮਜ਼ਬੂਰ ਕਰਨ ਦਾ ਦੋਸ਼ ਲਗਾਇਆ। ਭਾਰਤ ਨੇ ਅੱਜ ਕਿਹਾ ਕਿ ਨਿਊਯਾਰਕ ਵਿੱਚ ਵੀਜਾ ਫਰਜੀਵਾੜੇ ਦੇ ਦੋਸ਼ ਵਿੱਚ ਗ੍ਰਿਫਤਾਰ ਕੀਤੀ ਗਈ ਉਸ ਦੀ ਰਾਜਦੂਤ ਦੇਵਯਾਨੀ ਖੋਬਰਾਗੜੇ ਦੇ ਖਿਲਾਫ ਮਾਮਲਾ ਨਹੀਂ ਚਲਾਇਆ ਜਾਣਾ ਚਾਹੀਦਾ ਹੈ ਅਤੇ ਅਮਰੀਕੀ ਅਧਿਕਾਰੀਆਂ ਨੂੰ ਮਾਮਲਾ ਵਾਪਸ ਲੈਣਾ ਚਾਹੀਦਾ ਹੈ। ਵਿਦੇਸ਼ ਮੰਤਰੀ ਸਲਮਾਨ ਖੁਰਸ਼ੀਦ ਨੇ ਕਿਹਾ ਕਿ ਬੀਤੀ ਰਾਤ ਉਨ੍ਹਾਂ ਨੂੰ ਅਮਰੀਕੀ ਵਿਦੇਸ਼ ਮੰਤਰੀ ਜਾਨ ਕੈਰੀ ਨੇ ਫੋਨ ਕੀਤਾ ਸੀ। ਪਰ ਉਸ ਸਮੇਂ ਉਹ ਉਪਲੱਬਧ ਨਹੀਂ ਸਨ। ਇਸ ਦੌਰਾਨ ਵਿਦੇਸ਼ ਮੰਤਰੀ ਜਾਨ ਕੈਰੀ ਦੁਆਰਾ ਦੱਸੇ ਗਏ ਖੇਦ ’ਤੇ ਭਾਰਤ ਨੇ ਅੱਜ ਆਪਣੇ ਰੁੱਖ ਨੂੰ ਸਖਤ ਕਰਦੇ ਹੋਏ ਅਮਰੀਕਾ ’ਤੇ ਦੋਸ਼ ਲਗਾਇਆ ਕਿ ਉਸ ਨੇ ਭਾਰਤੀ ਰਾਜਦੂਤ ਖੋਬਰਾਗੜੇ ਦੀ ਲਾਪਤਾ ਨੌਕਰਾਣੀ ਦੇ ਬਾਰੇ ਵਿੱਚ ਲਿਖੇ ਗਏ ਕਈ ਪੱਤਰਾਂ ’ਤੇ ਕੋਈ ਕਾਰਵਾਈ ਨਹੀਂ ਕੀਤੀ। ਦੇਵਯਾਨੀ ਦੀ ਗ੍ਰਿਫਤਾਰੀ ਅਤੇ ਉਸ ਦੀ ਤਲਾਸ਼ੀ ਨੇ ਦੋਵਾਂ ਦੇਸ਼ਾਂ ਦੇ ਵਿਚਕਾਰ ਰਾਜਦੂਤ ਵਿਵਾਦ ਪੈਦਾ ਕਰ ਦਿੱਤਾ ਹੈ। ਇਸ ਮਾਮਲੇ ਵਿੱਚ ਅਮਰੀਕੀ ਪੱਖ ਵੱਲੋਂ ਵਿਰੋਧੀ ਬਿਆਨ ਆ ਰਹੇ ਹਨ ਕਿ ਕੈਰੀ ਨੇ ਜਿੱਥੇ ਨਿਊਯਾਰਕ ਵਿੱਚ ਉਪ ਮਹਾਂਰਾਜ ਦੂਤ ਦੇਵਯਾਨੀ ਦੇ ਨਾਲ ਹੋਏ ਵਤੀਰੇ ’ਤੇ ਖੇਦ ਪ੍ਰਗਟਾਇਆ ਹੈ ਤਾਂ ਉਥੇ ਭਾਰਤ ਵਿੱਚ ਜਨਮੇ ਸਰਕਾਰੀ ਬਚਾਅ ਪੱਖ ਦੇ ਪ੍ਰੀਤ ਭਰਾਰਾ ਨੇ 12 ਦਸੰਬਰ ਦੀ ਦੇਵਯਾਨੀ ਦੀ ਗ੍ਰਿਫਤਾਰੀ ਨੂੰ ਸਹੀ ਠਹਿਰਾਇਆ ਹੈ। ਭਰਾਰਾ ਨੇ ਨਾ ਸਿਰਫ ਦੇਵਯਾਨੀ ਦੀ ਗ੍ਰਿਫਤਾਰੀ ਨੂੰ ਸਹੀ ਦੱਸਿਆ ਬਲਕਿ ਇਹ ਵੀ ਜਾਣਕਾਰੀ ਦਿੱਤੀ ਕਿ ਰਾਜਦੂਤ ਦੀ ਕੱਪੜੇ ਉਤਰਵਾ ਦੇ ਤਲਾਸ਼ੀ ਲਈ ਗਈ। ਉਨ੍ਹਾਂ ਨੇ ਨੌਕਰਾਣੀ ਸੰਗੀਤਾ ਰਿਚਰਡ ਦੇ ਪਰਿਵਾਰ ਨੂੰ ਕੱਢ ਕੇ ਅਮਰੀਕਾ ਲਿਆਂਦੇ ਜਾਣ ਦੀਆਂ ਰਿਪੋਰਟਾਂ ਦੀ ਪੁਸ਼ਟੀ ਕੀਤੀ। ਨਾਲ ਹੀ ਦਾਅਵਾ ਕੀਤਾ ਕਿ ਭਾਰਤ ਵਿੱਚ ਨੌਕਰਾਣੀ ਦੇ ਪਰਿਵਾਰ ਨੂੰ ਚੁੱਪ ਕਰਵਾਉਣ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਸਨ। ਇਥੇ ਭਾਰਤੀ ਦੂਤਾਵਾਸ ਨੇ ਕਿਹਾ ਕਿ ਉਸ ਨੇ ਨੌਕਰਾਣੀ ਦਾ ਪਤਾ ਲਗਾਉਣ ਅਤੇ ਦੇਵਯਾਨੀ ਨੂੰ ਨੌਕਰਾਣੀ ਦੁਆਰਾ ਬਲੈਕਮੇਲ ਕੀਤੇ ਜਾਣ ਤੋਂ ਰੋਕਣ ਦੇ ਲਈ ਅਮਰੀਕੀ ਸਰਕਾਰ ਨੂੰ ਕਈ ਪੱਤਰ ਲਿਖੇ ਸਨ। ਦੂਤਾਵਾਸ ਨੇ ਪਿਛਲੇ ਕਈ ਮਹੀਨਿਆਂ ਵਿੱਚ ਅਮਰੀਕੀ ਸਰਕਾਰ ਦੇ ਨਾਲ ਹੋਏ ਪੱਤਰ ਵਟਾਂਦਰੇ ਦਾ ਬਿਊਰਾ ਦਿੰਦੇ ਹੋਏ ਦੱਸਿਆ ਕਿ ਇਨ੍ਹਾਂ ਪੱਤਰਾਂ ਵਿੱਚੋਂ ਕਿਸੇ ’ਤੇ ਅਮਰੀਕਾ ਦਾ ਕੋਈ ਜਵਾਬ ਨਹੀਂ ਮਿਲਿਆ।

ਈ-ਪੇਪਰ

E-Paper Ajdiawaaz-Daily Newspaper From Jalandhar Punjab india

ਤਾਜਾ ਖ਼ਬਰਾਂ