ਮੁਹੱਬਤ ਦੇ ਵਿਸ਼ੇਸ਼ ਦਿਨ ਦੀ ਮੁਬਾਰਕਵਾਦ ਸਾਰਿਆਂ ਨੂੰ,
ਖਿਆਲ-ਏ-ਮੁਹੱਬਤ ਵਿੱਚ ਮਸ਼ਰੂਫ ਹੋਏ ਦਿਲ ਵਾਲਿਆਂ ਨੂੰ।
ਮਿਲ ਜਾਵੇ ਪਿਆਰ ਦੇ ਸੂਹੇ ਗੁਲਾਬ ਦੀ ਖੁਸ਼ਬੋਈ,
ਦਿਲੋਂ ਗਏ ਵਿਸਾਰਿਆਂ ਨੂੰ, ਆਪਣੇ ਪਿਆਰਿਆਂ ਨੂੰ।
ਕਿਣਕਾ-ਕਿਣਕਾ ਦਿਲ ਦੇ ਜਜ਼ਬਿਆਂ ਨੂੰ ਜੋੜ ਕੇ ਬਣਾਉਣੇ ਪੈਂਦੇ,
ਪੰਛੀਆਂ ਦੇ ਆਲ੍ਹਣੇ ਵਾਂਗ ਪਿਆਰ ਦੇ ਮਹਿਲ ਮੁਨਾਰਿਆਂ ਨੂੰ।
ਮਰਦੇ ਦਮ ਤੱਕ ਜੂਝਣਾ ਪੈਂਦਾ ਜਗ-ਏ-ਮੁਹੱਬਤ ਵਿੱਚ,
ਦਿਲ ਦੇ ਜਿੱਤਿਆਂ ਨੂੰ, ਦਿਲ ਦੇ ਹਾਰਿਆਂ ਨੂੰ।
ਦੇਖ-ਪਰਖ ਕੇ ਕਰਿਓ ਦਿਲ ਵੱਟੇ ਦਿਲ ਦਾ ਸੌਦਾ
ਹੋਕਾ ਦੇਈ ਜਾਣਦਿਓ ਦਿਲ ਦੇ ਵਣਜਾਰਿਆਂ ਨੂੰ,
ਗੰਢ ਬੰਨੀ ਰੱਖਿਓ ਪਿਆਰ ਦੀ ਐਵੇਂ ਜਾਵੇ ਨਾ ਖਿੱਲਰ।
ਬੜਾ ਔਖਾ ਹੁੰਦੈ ਸਾਂਭਣਾ ਪਿਆਰ ਦੇ ਖਿਲਾਰਿਆਂ ਨੂੰ,
ਸੱਚ ਆਖਦੇ ਸਿਆਣੇ, ਦਿਲ ਦਰਿਆ ਹੁੰਦੇ ਸਮੁੰਦਰੋਂ ਡੂੰਘੇ।
ਮਨ ਦੀ ਪ੍ਰੀਤ ਕੰਢੇ ਖੜ੍ਹੀ ਸੋਚਦੀ ਦੂਰ ਪੈਂਦੇ ਕਿਨਾਰਿਆਂ ਨੂੰ,
ਐ ਮੁਹੱਬਤ ਥੋੜ੍ਹਾ ਖਿਆਲ ਰੱਖੀਂ ਰਵੀ ਨਿਕਰਮੇ ਵਰਗਿਆਂ ਦਾ ਵੀ
ਜੋ ਤਰਸ ਗਏ ਨੇ ਸਹਾਰਿਆਂ ਨੂੰ, ਤੇਰੇ ਲਾਰਿਆਂ ਨੂੰ।
ਰਵੀ ਨਿਕਰਮਾ

Share this post